حالىققا تيىمدىلىك جاساۋ نىسانى ارقىلى بۇقارانى يگىلىككە كەنەلتتى

  • كەلۋ قاينارى: ىلە گازەتى
  • 03:47:48 17/10/2017

    

    حالىققا تيىمدىلىك جەتكىزەتىن قىستاق دارەجەلى ءتۇرلى ينجەنەريا نىساندارىنىڭ اتقارىلۋىنا ىلەسە، بۇقارا تيىمدىلىككە كەنەلدى. 2017-جىلعى حالىققا تيىمدىلىك جاساۋ نىسانىنىڭ ءبىرى كۇنەس اۋدانى بەستوبە اۋىلى قاراسۋ قىستاعىنىڭ اۋلا سۋارۋ ءۇشىن سۋ سىڭبەيتىن توعان سالۋ قۇرىلىسى رەسمي باستالىپ، جەرگىلىكتى ورىنداعى شارۋالاردىڭ اۋلا سۋارۋ سۋ ماسەلەسىن ءونىمدى شەشەتىن بولدى.

    اۋداندىق حالىق قۇرىلتايى تۇراقتى كوميتەتىنەن بەستوبە اۋىلى قاراسۋ قىستاعىنا تۇسكەن قىزمەت اترەتى ناۋرىز ايىنان بەرى جەرگىلىكتى ورىنداعى شارۋالاردىڭ اۋلا شارۋاشىلىعىن وركەندەتۋ جونىندەگى تالابىنا ساي، وسى ماسەلە جونىندە جوعارى دارەجەلى ورىندارمەن بەلسەنە سەلبەسىپ، جان جاقتى سايكەسۋ ارقىلى سوڭىندا سۋ سىڭبەيتىن توعان سالۋدى تۇراقتاندىرادى.

    كۇنەس اۋداندىق حالىق قۇرىلتايى تۇراقتى كوميتەتىنەن بەستوبە اۋىلى قاراسۋ قىستاعىنا تۇسكەن قىزمەت اتىرەتىنىڭ باستىعى دىڭ شىشيۇڭ:«بۇل نىسانعا اۆتونوميالى رايون 500 مىڭ يۋان قارجى قوسىپ، وسى قىستاقتاعى 75 وتباسىنىڭ شارۋاشىلىعىن وركەندەتىپ، قىستاقتىڭ ءوندىرىس جاعدايىن جاقسارتىپ، بۇقارانىڭ كىرىسىن ارتتىرۋعا تيىمدىلىك جەتكىزدى. ءبىز وسى توعاندى جوندەپ بولعاننان كەيىن، ءاربىر وتباسىنىڭ كىرىسىن مەجەمەن 3 مىڭ يۋان ارتتىرۋدى كوزدەدىك. قىزمەت اترەتى قىستاق ەكى كوميتەتىمەن سەلبەسىپ جۇمىس جۇرگىزىپ، حالىققا تيىمدىلىك جاساۋ نىسانى ارقىلى بۇقارانى يگىلىككە كەنەلتتى»،-دەدى.

    ۇعىسۋعا قاراعاندا، بۇل قۇرىلىس ينجەنەرياسى 2017-جىلى قازان ايىندا اياقتاپ پايدالانۋعا بەرىلەدى ەكەن. توعان قۇرىلىسى بىتكەننەن كەيىن وسىنداعى شارۋالاردىڭ اۋلا سۋارۋ قيىنشىلىعى شەشىلۋمەن بىرگە، ولارعا جايلى، تازا ورتا جاراتىپ بەرىپ، قاراسۋ قىستاعىنىڭ «كوركەم قىستاق قۇرۋ» ىستەرىنە بەرىك نەگىز قالايدى ەكەن.

    قىستاق تۇرعىنى سۋ دى - رىن: سوڭعى جىلداردان بەرى مەملەكەتىمىز حالىققا تيىمدىلىك جاساۋ ساياساتىن كوپتەپ اتقارىپ، قىستاقتارعا دەيىن اسفالت جول سالدى. جول شىراعىن ورناتتى، بۇگىن مىنە سۋ سىڭبەيتىن توعان سالىپ جاتىر، بۇل ءبىزدىڭ كوكونىس سۋارۋىمىزعا قولايلى بولدى، پارتياعا، مەملەكەتكە راقىمەت»،-دەدى.

    ايقىن ورىنبەك ۇلى

جاۋاپتى رەداكتور: جازيرا بولاتباي قىزى