قىستاققا تۇسكەن كادرلار قىستاق تۇرعىندارىنىڭ اۋقاتتانۋ جولىن كەڭەيتتى

  • كەلۋ قاينارى: ىلە گازەتى
  • 04:25:16 18/10/2017

    «جاڭادان ءۇي سالىپ، ءۇيدىڭ ءىشى – سىرتىن اشەكەيلەپ بولدىم، بۇدان كەيىن ساياحاتتى دامىتىپ، وتباسى كىرىسىمدى ارتتىرامىن»، - دەدى ساۋان اۋدانى شيگوبي قالاشىعى بايتان قىستاعىنىڭ تۇرعىنى يۇي جۇن قۋانىشتى تۇردە.

    شارۋالار ساياجايىنىڭ بارعان سايىن گۇلدەنىپ بارا جاتقانىن كورگەن يۇي جۇن قاباعات قۋاندى، بۇدان بۇرىنعى جىلداردا ايەلى ەكەۋى ءار جىلى 50 مۋ جەرگە جۇگەرى ەگىپ، جىلدىق كىرىستەرى 30 مىڭ يۋاننان اسپايتىن ەدى.

    يۇي جۇن: «قىزمەت اترەتىندەگى كادرلاردىڭ كەلگەنى جاقسى بولدى، ولار قىستاعىمىزعا اۋقاتتانۋ جولىن الا كەلدى جانە جاستارعا كاسىپتەنۋ ورايىن جاراتىپ بەردى»، - دەدى.

    بيىل ساۋان اۋداندىق پارتكوم ۇگىت ءبولىمى شيگوبي قالاشىعى بايتان قىستاعىنا تۇسكەن قىزمەت اترەتىندەگى كادرلار نەگىزگى ساتى ۇيىمدارىنا كومەكتەسىپ، اۋقاتتانۋ جولدارىن كەڭەيتىپ، «ۇعىسۋ، تيىمدىلىك جاساۋ، توعىستىرۋ» قىزمەتىن باستى ورىنعا قويىپ، حالىقتى اۋقاتتاندىرۋعا كۇش سالىپ، حالىقتىڭ ارمان تىلەگىن ۇعىسىپ، جاڭا ءبىر جىلداعى قىزمەتتەردى جوسپارلادى. سونىمەن بىرگە، قىزمەت اترەتىندەگى كادرلار وتباسىلارىن ارالاپ جاعداي ۇعىسۋ قىزمەتىن ىشكەرىلەي ورىستەتۋ ارقىلى قىستاقتاعى تۇرعىنداردىڭ شارۋالار ساياجايىن اشىپ، كىرىسىن ارتتىرىپ اۋقاتتانۋ تىلەگى بار ەكەندىگىن ۇعىسادى.

    قىستاققا تۇسكەن قىزمەت اترەتىنىڭ باستىعى جاۋ گولي: «ءبىز قىستاققا كەلىپ تۇرعاننان كەيىن قىستاق تۇرعىندارىمەن ىشكەرىلەي اڭگىمەلەسۋ ارقىلى قىستاق تۇرعىندارىنىڭ اۋىل شاتتىعى ساياجايىن اشۋ ويى بار ەكەندىگىن بايقادىق ءارى وزىندىك ەرەكشەلىگى دە بار ەكەن، سونىمەن ءبىز قىستاق تۇرعىندارىنىڭ بۇل ويىن جۇزەگە اسىرۋىنا كومەكتەسۋ بەكىمىنە كەلدىك، قىستاق تۇرعىندارى دا ءبىزدىڭ قىزمەتىمىزدى قولداپ - قۋاتتادى»، - دەدى.

    قىزمەت اترەتىندەگى كادرلار قىستاق ەكى كوميتەتىندەگى كادرلارمەن كوپ رەت ارناۋلى ءماجىلىس اشىپ، كادرلاردىڭ ستيلىنە بۇرىلىس جاساۋ ارقىلى ءبىرقىدىرۋ شارالار قولدانىپ، جەتەكشىلىك ەتىپ، بۇقارانىڭ 3 - كاسىپتى دامىتۋىنا قۋزاۋشىلىق ەتىپ، ساۋان اۋدانى قۇرۋعا قولشىنىپ جاتقان 6 ورتالىق اۋىل - قالاشىق، 10 نەگىزگى قامال الۋ قىستاعىن قۇرۋدان قامال الۋ ءتۇيىنىنىڭ ءبىرى ەتىپ، جىبەك جولى ەكونوميكالىق بەلدەۋىندەگى ساياحات، سەيىل - سەرۋەن ءتۇيىنى مەن تەڭ دەڭگەيدە ىلگەرىلەتىپ، بايتان قىستاعىن 10 ءىرى ەرەكشەلىككە يە قىستاقتاردىڭ ءبىرى ەتىپ قۇرىپ شىعۋعا كۇش سالدى.

    بايتان قىستاعى پارتيا ياچەيكاسىنىڭ شۋجيى ياڭ شياۋدۇڭ: «ءبىز قىزمەت اترەتىندەگى كادرلارمەن كوپ رەت كەڭەس وتكىزگەن سوڭ قىستاعىمىزدىڭ دامۋ جەلىسىن قايتادان تۇراقتاندىرىپ، ءتۇرلى نىساندار مەن ساياساتتىق جاقتان قولداپ - قۋاتتاۋعا سۇيەنىپ، بايتان قىستاعى ۇلتتىق ەرەكشەلىككە يە ءدامدى تاعامدار قىستاعىنا، سونداي - اق ورتاسى كوركەم جانعا جايلى گۇل باقشالى قىستاققا اينالدىرماقشىمىز»، - دەدى.

جاۋاپتى رەداكتور: جازيرا بولاتباي قىزى