ءبىر بەلدەۋ ءبىر جول دارىپتەمەسى بىرگە دامۋعا ومىرشەڭدىك كۇش قوستى

  • كەلۋ قاينارى: حالىق تورابى
  • 02:58:11 26/10/2017

  ــ قازاقستان «اقجول» پارتياسىنىڭ ءتوراعاسى ازات پەرۋاشەۆپەن سۇحبات

 

 گازەتىمىزدىڭ قازاقستاندا تۇراتىن ءتىلشىسى جوۋ حانبو

 

    حالىق تورابى، 12 – قازان، بەيجيڭ. قازاقستان «اقجول» پارتياسىنىڭ ءتوراعاسى ازات پەرۋاشەۆ جاقىندا قازاقستاننىڭ ەلورداسى استانا قالاسىنداعى پارتيا كوميتەتىندە ءتىلشىمىزدىڭ سۇحباتىن قابىلداعان كەزدە، وتكەن بىرنەشە جىلدان بەرى، «ءبىر بەلدەۋ ءبىر جول» دارىپتەمەسى مەن «نۇرلى جول» جاڭا ەكونوميكالىق ساياساتىنىڭ ىشكەرىلەي تۇتاسۋىنىڭ ارقاسىندا، جۇڭگو – قازاقستان ءارقايسى سالاداعى شىنايى سەلبەستىگىندە زور تابىسقا قول جەتكىزگەنىن، ءبىر بەلدەۋ ءبىر جول دارىپتەمەسى بىرگە دامۋدى ىسكە اسىرۋعا ومىرشەڭدىك كۇش قوسىپ، ايقىن باعدار كورسەتكەنىن اتاپ ءوتتى.

    ازات پەرۋاشەۆ بىلاي دەدى: قازاقستان جونىنەن العاندا، ءتوراعا شي جينپيڭ ورتاعا قويعان «ءبىر بەلدەۋ ءبىر جول» دارىپتەمەسى ماڭىزدى دامۋعا قول جەتكىزدى. قازاقستان پرەزيدەنتى نازاربايەۆ ورتاعا قويعان «نۇرلى جول» جاڭا ەكونوميكالىق ساياساتىنىڭ ىشكەرىلەي تۇتاسۋىندا، «ءبىر بەلدەۋ ءبىر جول» دارىپتەمەسى قازاقستان مەن ورتا ازيا رايونى ەكونوميكاسىنىڭ دامۋىن ءونىمدى جەبەپ، ءارقايسى ەلدىڭ ەكونوميكا، مادەنيەت قاتارلى سالالارىنداعى سەلبەستىگىنە ءتىپتى دە كەڭ جول اشىپ، كوپتەگەن ورايلار جاراتتى.

    ازات پەرۋاشەۆ جانە بىلاي دەدى: «ءبىر بەلدەۋ ءبىر جول» دارىپتەمەسى اياسىندا، قازاقستان مەن جۇڭگو ەكى ەلدىڭ سەلبەستىگى ۇلكەن جەتىستىكتەرگە قول جەتكىزدى. 2017 – جىلى استانا الەمدىك كورمەسى كەزىندە، جۇڭگو مەملەكەتتىك سارايىنىڭ ەنەرگيانى ۇندەمەپ، ورتانى قورعاۋ تەحنيكاسى مەن تانىمى كۇشتى باۋراۋ قۋاتىنا يە بولدى، بولاشاقتا ەكى ەلدىڭ تازا ەنەرگيا، ورتانى قورعاۋ تەحنيكا قاتارلى سالالاردا سەلبەستىك ورناتۋىن ءۇمىت ەتەمىن. «ءبىر بەلدەۋ ءبىر جول» دارىپتەمەسى اياسىندا قازاقستان مەن جۇڭگونىڭ قاتىستى كاسىپورىندارىنىڭ ءوزارا سەلبەسۋىنە دەم بەرۋ ەكى ەلدىڭ بولاشاقتاعى سەلبەستىگىنىڭ جاڭاشا ارتۋ ءتۇيىنى بولماق. «اقجول» پارتياسى «ءبىر بەلدەۋ ءبىر جول» دارىپتەمەسىن دايەكتىلەندىرۋدى بار كۇشپەن قولدايدى، سونىمەن قاتار، بازار قاجەتىنە ساي، قازاقستان – جۇڭگو تاۋارلارىنىڭ يمپورت – ەكسپورت بارىسىنداعى ساپاسىن كۋالاندىرۋ مەن كەدەننەن ءوتۋ ءتارتىبىن قاراپايىمداستىرىپ، يمپورت – ەكسپورتتىڭ وزىندىك قۇنىن تومەندەتۋدى جەدەلدەتىپ، ەكى حالقىنا باقىت جاراتۋدى قالايدى.

جاۋاپتى رەداكتور: گۇلدەن ماقسات قىزى