«الەمدەگى ەڭ ۇلكەن پارتيانىڭ جاڭاشا بەت – بەينەسىن كوردىك»

  • كەلۋ قاينارى: حالىق تورابى
  • 02:56:19 27/10/2017

    

     —حالىقارالىق قوعام شي جينپيڭ باس شۋجيدىڭ سوزىنە جوعارى باعا بەردى

    

    حالىق تورابى، 26 – قازان، بەيجيڭ. 25 – قازان تۇستەن بۇرىن جۇڭگو كوممۋنيستىك پارتياسى 19 – كەزەكتى ورتالىق كوميتەتىنىڭ ءبىرىنشى جالپى ماجىلىسىندە سايلانعان جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ جانە ورتالىق كوميتەت ساياسي بيۋروسىنىڭ باسقا دا تۇراقتى مۇشەلەرى حالىق سارايىندا تۇڭعىش رەت كوللەكتيۆ شىعىپ، ەلىمىزدىڭ جانە شەتەلدىڭ تىلشىلەرىن ىقىلاسپەن قابىلداپ، الەمنىڭ نازارىن اۋداردى.

    «جاڭا داۋىردە جاڭا لەپ بولۋ قاجەت، جاڭا ۇلەس بولۋى ءتىپتى دە قاجەت»، «جالپى بەتتىك دوڭگەلەك داۋلەتتى قوعام قۇرۋدا بىرەۋى دە كەم بولسا بولمايدى؛ ورتاق بايۋ جولىندا، بىرەۋىن دە قاعىس قالتىرۋعا بولمايدى»...... شي جينپيڭ ماڭىزدى ءسوز سويلەپ: ءار قايسىمىز ءوز قىزمەتىمىزدى مۇقيات ادا قىلىپ، قىزمەتتى قۇلشىنا ىستەپ، مىندەتتى ورىنداپ، ەل ءۇمىتىن اقتايمىز،-- دەدى. حالىق گازەتىنىڭ سۇحباتىن قابىلداعان حالىقارالىق قايراتكەرلەر شي جينپيڭ باس شۋجيدىڭ ءسوزى مىزعىماس بەكىم مەن قايراتتى ايگىلەدى، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ جەتەكشىلىگىندە، جۇڭگو حالقىنىڭ تۇرمىس ورەسىنىڭ جاڭا ءبىر بيىككە كوتەرىلەتىنىنە، جۇڭگونىڭ الەم ساحناسىندا ءتىپتى دە سىندارلى رول اتقاراتىنىنا سەنەمىز دەستى.

    «قازىر جۇڭگونىڭ وزىنە بولعان سەنىمى بارعان سايىن كۇشەيۋدە»

 

    ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرىنىڭ ەلىمىزدىڭ ءىشى – سىرتىنان كەلگەن تىلشىلەرمەن كەزدەسۋ جينالىسىندا «شي جينپيڭ باس شۋجيدىڭ سويلەگەن ءسوزى ويعا قونىمدى، تەرەڭ ماعىنالى، جوعارى ورەلى، سەنىمگە تولى بولىپ، جۇڭگونىڭ بولاشاق دامۋ بەتالىسىن كورسەتىپ عانا قالماستان، الەمنىڭ جۇڭگونىڭ تاماشا بولاشاعىنا دەگەن سەنىمىن ارتتىردى» دەگەندى ءبىلدىرىپ، سەرۆيا بەوعراد تەڭدىك الەم تالقىسىنىڭ ءتوراعاسى زۆادين جۆانوۆسكي بىلاي دەدى:«وتكەن بەس جىلدا جۇڭگو قوعامى، ەكونوميكاسى ٵر ءتۇرلى جاقتاردان اسا زور تابىستارعا قول جەتكىزدى، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ جەتەكشىلىگىندە، جۇڭگو حالقىنىڭ تۇرمىس ورەسىنىڭ جاڭا ءبىر بيىككە كوتەرىلەتىنىنە، جۇڭگونىڭ الەم ساحناسىندا ءتىپتى دە سىندارلى رول اتقاراتىنىنا سەنەمىن.»

    قازاقستاننىڭ تۇڭعىش پرەزيدەنت قورى الەم ەكونوميكاسى مەن ساياساتىن زەرتتەۋ ءبولىمىنىڭ ارناۋلى مامانى انتون بۋكايانكوۆچ جۇڭگونىڭ ماڭىزدى سەلبەستىك سەرىگى بولعان قازاقستان «ءبىر بەلدەۋ، ءبىر جول» دارىپتەمەسى ارقىلى ەكى ەلدىڭ ساۋدا قارىم - قاتىناسىن ونان ارى ىلگەرىلەتۋىن ءۇمىت ەتەدى. «جۋىق جىلداردان بەرى، جۇڭگو مەن قازاقستاننىڭ ساۋدا سەلبەستىگى بارعان سايىن قويۋلاسۋدا، بۇل قازاقستانىڭ ەكونوميكاسىنىڭ دامۋىنا ماڭىزدى وراي جاراتتى»،-دەدى.

جاۋاپتى رەداكتور: گۇلدەن ماقسات قىزى