جۇڭگو كوممۋنيستىك پارتياسى تاريحىنداعى ۇلى ءسات

  • كەلۋ قاينارى: حالىق تورابى
  • 02:57:28 27/10/2017

   

    جۇڭگو كوممۋنيستىك پارتياسى مەملەكەتتىك 19 – قۇرىلتايى 24 – قازاندا بەيجيڭدە جابىلدى. جۇڭگونىڭ جاڭا داۋىرگە قادام تاستاۋداعى ۇلى جوباسى دۇنيە ءجۇزىنىڭ نازارىن اۋداردى؛ جۇڭگونىڭ ءارقايسى ەلدەرمەن بىرگە تاماشا بولاشاقتى جاراتۋ تۋرالى ارمانى ءار سالاداعىلاردىڭ ماداقتاۋىنا بولەندى؛ جاڭا داۋىردەگى جۇڭگوشا سوتسياليزم يدەياسى دۇنيە ءجۇزىن ادامزاتتىڭ دامۋ جولى تۋرالى ىشكەرىلەي تولعانۋعا جەتەلەدى.

    «جاڭا داۋىردەگى جۇڭگو كوك جۇزىندە شارىقتاۋعا قانات قاقتى»

    حالىقارالىق قوعام «جاڭا ءداۋىر» ءسوزىنىڭ پارتيا 19 – قۇرىلتايىن ۇعىنۋداعى ماڭىزدى ايتلىىم ەكەنىنە جاپپاي نازار اۋداردى. سينگاپۋر «بىرىككەن تاڭعى گازەتى» شي جينپيڭنىڭ بايانداۋى بويىنشا، جۇڭگوشا سوتسياليزم جاڭا داۋىرگە قادام تاستادى، بۇل جۇڭگو دامۋىنىڭ «جاڭا تاريحي تۇرعىسى» دەپ قارادى. مالايزيا «شيڭجوۋ گازەتى» جۇڭگو كوممۋنيستىك پارتياسىنىڭ جاڭا داۋىردە سوتسياليستىك وسىزاماندانعان قۋاتتى ەل قۇرۋدى، جۇڭحۋا ۇلتىنىڭ ۇلى گۇلدەنۋى جوباسىن ورتاعا قويعانىن ايتا كەلىپ، ۇلى نىسانانى ىسكە اسىرۋدا جۇڭگونىڭ ءوز جولىنا، نازارياسىنا، تۇزىمىنە جانە مادەنيەتىنە دەگەن سەنىمىن كۇشەيتۋىن قاجەت ەتەتىنىن اتاپ وتكەن.

    انگليالىق ايگىلى وقىمىستى مارتين ياك «جاڭا ءداۋىر» ايتىلىمىنىڭ جۇڭگونىڭ دامۋىنداعى ماڭىزدى ءمانىن قىراعىلىقپەن ۇعىنعان. ول: پارتيا 19 – قۇرىلتايى تاريحقا وشپەستەي جازىلادى، ۇيتكەنى، بۇل رەتكى قۇرىلتاي جۇڭگو كوممۋنيستىك پارتياسىنىڭ تاريحىنداعى ۇلى ءسات، تۇپتەپ كەلگەندە، وسى مەملەكەتتىڭ تاريحىنداعى ماڭىزدى ءسات دەپ قاراۋعا بولادى، جۇڭگو وسىدان بىلاي شارىقتاپ ۇشۋعا قانات قاعادى، ــ دەدى. ول شي جينپيڭنىڭ پارتيا 19 – قۇرىلتايى بايانداماسىندا جۇڭگونىڭ وتكەن بەس جىلداعى قول جەتكىزگەن كورنەكتى تابىستارىن عانا بايانداپ قالماستان، جۇڭگونىڭ بولاشاقتاعى دامۋ جولىن دا ايشىقتاپ كورسەتتى دەپ قارايدى.

جاۋاپتى رەداكتور: گۇلدەن ماقسات قىزى