بۇل جاقتىڭ ساحاراسى ەرەكشە كوركەم

  • كەلۋ قاينارى: ىلە گازەتى
  • 03:35:09 27/10/2017

    _ «ۇدىرە العا تارتقان بەس جىلداعى» ساياحات ىستەرى

    

    ەكى جىلدىڭ الدىندا ىلەگە ىشكى ولكەدەن ساياحاتتاي كەلگەن ءبىر ساياحاتشىنىڭ ءسوزى كۇنى بۇگىنگە دەيىن ءتىلشىنىڭ ەسىنەن كوتەرىلەر ەمەس. ول: «ىلەگە بارعان ادامنىڭ شۆەتسارياعا بارۋىنىڭ قاجەتى قانشا» دەگەن ەدى.

    شۆەتساريا سانسىزداعان ساياحاتشىلاردىڭ اڭسارى اۋعان كوزەۋلى جەر دەۋگە بولادى. الايدا كوپتەگەن ساياحاتشىلار جونىنەن العاندا، الپى تاۋىنا ارقاسىن بەرىپ، جىپىرلاعان كول، جازيرالى جايلاۋىمەن كوركى كوز سۇرىندىرەتىن شاعىن قالاشىق شۆەتساريانىڭ ادامداردى ءلاززاتقا بولەپ، كوڭىلىن كولدەي تولقىتۋى بەينە ءبىر ءتاتتى ارمان سياقتانادى.

    ال ىلەنىڭ ساياحاتشىلارعا بەرەتىن اسەرى _ ونىڭ ەلدەن ەرەك وزىندىك ساياحات بايلىق ابزالدىعىندا دەۋدىڭ ءوزى مۇنى دالەلدەي تۇسەدى. مۇندا الپى تاۋىنداعى سياقتى تابيعي قالىپتاسقان كورىنىس، نامسو كولى سياقتى تۇنىقتىعىمەن ادامدى باۋراپ الاتىن كول، چيڭحاي كولىنىڭ جاعاسى سياقتى التىن سارى قىشى گۇلى، حۇلىنبەر سياقتى جاسىل جازيرالى جايلاۋ، شياڭگىليلا سياقتى العاشقى ەكولوگيالىق ساۋلەت بار...

    سوڭعى جىلداردان بەرى اۆتونوميالى وبلىس ساياحات ىستەرىن ىلەنىڭ حالىق شارۋاشىلىعىنداعى ستراتەگيالىق سيپاتتى تىرەكتى كاسىپ، حالىق تۇرمىسىن جاقسارتاتىن اۋقاتتاندىرۋ كاسىبى، ساياحاتشىلار ريزا بولاتىن وسى زامانعى قىزمەت وتەۋ كاسىبى ەتىپ قۇرىپ شىعۋعا كۇش سالىپ كەلەدى؛ «ىلە وزەنى اڭعارىنىڭ ساياحات ىستەرىن دامىتۋ جالپى تۇلعالىق جوباسى» بويىنشا جەتەكشىلىك ەتۋدە تاباندى بولىپ، دارەجەسىن كوتەرىپ كەمەلدەندىرۋ، ءار دارەجەلى ساياحات جوسپارىن قاتاڭ اتقارۋ، «ءبىر وزەك، ءۇش بەلدەۋ، ءۇش ۇلكەن ءوڭىر، سەگىز جيناۋ–جونەلتۋ بازاسى، جيىرما ەكى سالت–سانا شاعىن قالاشىعى» سىندى كەڭىستىكتىك ورنالاسىرۋدى جەدەل قۇرىپ، قۇلجا قالاسى، نارات، قاراجون، كولدەنەڭ، شاتى، تاڭبالى، كۇرە بايىرعى قالاسى، قورعاس سياقتى ساياحات جەلىسىن جاندى ورنالاستىرىپ، وبلىسقا توتە قاراستى ورىنداردىڭ سايكەستى قارىشتاپ دامۋىن جەدەلدەتىپ، ساياحاتتاعى الەمدىك كوزەۋلى جەر قۇرۋعا كۇش سالۋدا.

    كەزەكتە «ىرىستى، كوركەم ىلە»، «ىلە حالىقارالىق ساياحات اڭعارى» _ وسى ەكى ماركا «تۇتاس ەلگە ايگىلى، شەتەلگە داڭقى جايىلعان» كوزەۋلى جەر بولىپ ۇلگىردى. 2020–جىلعا بارعاندا قابىلدايتىن ساياحاتشى سانىن 52 ميلليون ادام–رەتتەن، ساياحات كاسىبىنىڭ جالپى كىرىسىن 43 ميلليارد يۋاننان، ساياحات كاسىبىن كولەمدەندىرىپ، كاسىپتەردى ساپالىلاندىرىپ، قىزمەت وتەۋدە قۇلىقتى، ۋنيۆەرسالدى ونىمدىلىگىن ەل ىشىندەگى وزىق دەڭگەيگە جەتكىزىپ، اناعۇرلىم كوپ ساياحاتشىلاردى ىلەنىڭ ەرەكشە تارتىمدى قۋاتىنان ءلاززاتتاندىرماق.

    حوۋ شۋو

جاۋاپتى رەداكتور: جازيرا بولاتباي قىزى