حالىققا قولايلى كىتاپشا شارۋالاردىڭ اۋقاتتانۋىنا ءتيىمدى بولدى

  • كەلۋ قاينارى: ىلە گازەتى
  • 03:03:56 28/10/2017

 

    پارتيا مەن ۇكىمەتتىڭ شينجياڭداعى ەگىن، مال شارۋاشىلىق رايوندارىنىڭ قوعامدىق، ەكونوميكالىق دامۋىنا بولعان قامقورلىعى مەن قولداۋىن تولىق جەتكىزىپ، قالىڭ قاۋىمعا پارتيانىڭ ءتۇرلى ءتيىمدى ساياساتتارىن ۇگىتتەۋدى كوزدە ۇستاعان قىزمەت اترەتىندەگىلەر بۇقارامەن توننىڭ ىشكى باۋىنداي ارالاسقاننان بەرى، ۇگىت تەبىنىن، ءتىپتى، كۇشەيتىپ كەلەدى. جاقىندا بۋرىلتوعاي اۋداندىق اۋىل شارۋاشىلىق مەكەمەسىنەن قاراماعاي قالاشىعىنىڭ شالعاي وڭىرىنە ورنالاسقان اقكەرىش، قاروتكەل قىستاعىنا تۇسكەن قىزمەت اترەتى حالىققا ءتيىمدى كىتاپشانى ءارقايسى وتباسىنا دەيىن جەتكىزىپ بەرىپ، ولارعا پارتيانىڭ ءتيىمدى ساياساتتارى جونىندە كەڭ كولەمدى ۇگىت جۇرگىزدى.

    قاروتكەل قىستاعىنىڭ تۇرعىنى جاڭ جيۋمين: مەن وسى قىستاقتىڭ تۋماسىمىن، قازىرگى كۇنى پارتيا مەن ۇكىمەتتىڭ ابزال ساياساتى جاقسى، تۇرعىن ۇيگە قوسىمشا قاراجات الاسىڭ، اۋەلى مەنىڭ شىحىزى قالاسىنىڭ ورتالاۋ مەكتەبىندە وقىپ جاتقان قىزىم دا وقۋ - اعارتۋ سالاسىنىڭ تيىمدىلىك ساياساتىنان يگىلىكتەنىپ، وتباسىمنىڭ اۋىرتپالىعىن جەڭىلدەتىپ وتىر، باعىمشىلىقپەن شۇعىلدانساڭ قوسىمشا قاراجات بەرەدى، ەگىس داقىلدارىن قامسىزداندىرۋ قوسىمشاسى دا بار. مىنە بۇلاردىڭ بارلىعى اينالىپ كەلگەندە پارتيانىڭ ءتيىمدى ساياساتىنىڭ جاقسى بولعاندىعى دەپ ايتا الامىز،- دەدى.

    - ءبىز پارتيانىڭ اۋىل – قىستاققا باعىتتاعان ءتيىمدى باعىت – ساياساتتارىن حالىققا كەڭ كولەمدى ۇگىتتەۋمەن قاتار، مازمۇنى باي حالىققا قولايلى كىتاپشانى وتباسىلارعا دەيىن تاراتىپ بەرىپ، ولاردى پارتيانىڭ ءتيىمدى ساياساتتارىنان تولىق يگىلىكتەنىپ، وتباسى ءال – اۋقاتتارىن جاقسارتۋعا جەبەدىك،- دەدى قىزمەت اترەتىنىڭ مۇشەسى ليۋ جۇن.

 

    سەرىك يمانقان ۇلى

جاۋاپتى رەداكتور: گۇلدەن ماقسات قىزى