ساياساتتان ۇتىمدى پايدالانىپ، اۋقاتتانۋدىڭ ارنالارىن كەڭەيتتى

  • كەلۋ قاينارى: ءتاڭىرتاۋ تورابى
  • 10:31:14 28/10/2017

  

    ەرگۇل مۇقاتاي قىزى حابارلايدى. شاۋەشەك قالاسى ويجايلاۋ فەرماسىنىڭ تەرەكتى قىستاعى قازاق ۇلتى، قىرعىز ۇلتى قاتارلى كوپ ۇلت ارالاس قونىستانعان مال شارۋاشىلىعىن نەگىز ەتەتىن قىستاق. تارباعاتاي ايماقتىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنەن «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاققا تۇسكەن كادرلار بۇقارانى باعىمشىلىقتى بارىنشا دامىتۋعا باستاۋمەن قاتار، وتباسىلارىن ارالاۋ، قىستاق تۇرعىندار جيىنى، پارتيا مۇشەلەر جيىنى، تۋ شىعارۋ سالتى، مالشىلار كەشكى مەكتەبى سياقتىلاردى وراي ەتىپ، پارتيانىڭ حالىققا تيىمدىلىك جەتكىزۋ ساياساتىن جەتكىزىپ، تۇرعىنداردىڭ كەدەيلەسۋدىڭ سەبەپتەرىن تالقىلاپ، كىرىستەرىن ارتتىرۋدىڭ ءتۇرلى ارنالارىن اشىپ، اۋقاتتانۋعا باستادى.

    قىستاق تۇرعىندارى قىستاقتاعى ٪90 ادامدا موتوتسيكل بار، الايدا، موتوتسيكل رەمونتتايتىن رەمونتحانانىڭ جوقتىعىن، موتوتسيكلدە كىنارات بايقالسا، 20 كيلومەتر شالعايداعى اشىلى اۋىلى رەمونتحاناسىنا بارۋدىڭ وتە قولايسىزدىعىن ايتادى. قىزمەت اترەتىندەگىلەر جاعدايدان حابار تاپقاننان كەيىن، دەرەۋ موتوتسيكل رەمونتتاۋ تەحنيكاسىنان حاباردار ساياحاتپەن حابارلاسادى ءارى ءوسىمسىز قارىز اقشادان 100 مىڭ يۋاندى ءوتىنىش ەتىپ، تەرەكتىدەگى تۇڭعىش موتوتسيكل رەمونتتاۋ دۇكەنىن قۇرادى. ساياحات: «قىزمەت اترەتىندەگىلەردىڭ ماعان كومەكتەسىپ قارىز اقشا ءوتىنىش ەتىپ بەرگەندىگىنە راحىمەت، مەنىڭ قازىر ايلىق كىرىسىم 2000 يۋانعا جەتەدى»،-دەيدى قۋانا.

    قىزمەت اترەتىندەگىلەر تاعى دا ءىس جۇزىندىككە سايكەستىرىپ، ءار ۇلت بۇقاراسىنىڭ باسقا كاسىپكە ويىسۋ بەلسەندىلىگىن بارىنشا ارتتىرىپ، كاسىپورىندارمەن حابارلاسۋ ارقىلى 30 داي ارتىق ەڭبەككۇشتىڭ باسقا كاسىپكە ويىسۋىن ىسكە اسىرىپ، كەدەي وتباسىنداعى ەڭبەككۇشتەردى جاقىن جەردەن، جاقىن ماڭنان شەكارا قورعاۋشىسى اترەتىنە ەنگىزۋ ارقىلى ولاردىڭ كاسىپتەنۋ ارمانىن جۇزەگە اسىردى. بۇدان تىس، قىزمەت اترەتىندەگىلەر ءتۇرلى تاسىلدەردەن پايدالانۋ ارقىلى رايوندارعا بولىنگەن اۋىسپالى جايلىم، جايلىم مەن مالدىڭ تەپە-تەڭدىگى قاتارلىلاردىڭ الا كەلگەن جاقسىلىعىن بۇقاراعا ۇگىتتەۋ ارقىلى قىستاق كادرلارىنىڭ باستاپ تياناقتاندىرىپ، ۇلگى بولۋىن تالاپ ەتۋىندە تاماشا ونىمدىلىككە قول جەتكىزدى، قازىر قىستاقتا رايوندارعا بولىنگەن اۋىسپالى جايلىم جالپى بەتتىك ىسكە اسىپ، بۇدان كەيىنگى مال شارۋاشىلىعىنىڭ باياندى دامۋىنا تاماشا نەگىز قالاندى.

 

    ءتىلشىنىڭ قىزمەت ورنى: شاۋەشەك قالالىق «ۇعىسۋ، تيىمدىلىك جاساۋ، توعىستىرۋ» قىزمەت كەڭسەسى

جاۋاپتى رەداكتور: گۇلدەن ماقسات قىزى