ماعان بۇگىنگى باقىتتى تۇرمىستى پارتيا بەردى

  • كەلۋ قاينارى: شينجياڭ گازەتى تورابى
  • 11:20:56 29/10/2017

   ۇلۇقشات اۋدانى قىزىل ءۇي اۋىلى جاڭا جەر قىستاعىنداعى ساقا پارتيا مۇشەسى ابدۇحالىق تىلەۋالدى

 

  40 جىلدىق پارتيا ستاجى بار ساقا پارتيا مۇشەسىمىن، 2003 - جىلى ۇلۇقشات اۋدانى قىزىل ءۇي اۋىلدىق قازىنا بولىمشەسىنەن زەينەتكە شىققاننان بەرى، وسى اۋىلدىڭ جاڭا جەر قىستاعىندا تۇرىپ كەلەمىن. زەينەتكە شىققانىممەن، پارتيا مەن ۇكىمەت مەنىڭ تۇرمىسىما ءالى دە قارايلاسادى، ءار رەتكى مەرەكە - مەيرامدا ساقا پارتيا مۇشەلەرىنەن حال سۇرايدى. «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇراتىن قىزمەت اترەتى مەن قىستاق كادرلارى وتباسىلارىن ارالاپ، ماعان مەملەكەتتىڭ قازىرگى جاعدايىن جانە ساياساتىن ۇنەمى تۇسىندىرەدى، سونىمەن قاتار ولار ەگىنشى - مالشىلار ءۇشىن كەشكى مەكتەپ اشىپ، مەنىڭ ۇزدىكسىز ۇيرەنۋىمە وراي جاراتتى. پارتيانىڭ شاپاعاتىنان ايرىقشا كوپ يگىلىكتەندىم، داڭقپەن كوممۋنيستىك پارتياعا مۇشە بولعانىم ومىرىمدەگى ەڭ ۇلكەن ماقتانىشىم، بۇگىنگى باقىتتى تۇرمىسىمدى پارتيا بەردى. كەزىندە مال جايىپ جۇرگەن بالا ەدىم، پارتيانىڭ باۋلۋىندا وقىدىم ءارى قىزمەتكە ورنالاستىم، وتانىمىزدىڭ رەفورما جاساپ، ەسىك اشقاننان بەرگى ءتۇرلى ىستەرىنىڭ دامۋىن باسىمنان وتكىزدىم، تۇرمىسىمىز بەن قىزمەتىمىزدە حيكىمەتتى وزگەرىستەر بولعانىن سەزىندىم.

    پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭداعى ءار ۇلت حالقىنىڭ وندىرىسىنە جانە تۇرمىسىنا ايرىقشا ءمان بەرىپ، حالىققا تيىمدىلىك جاسايتىن ءبىر قىدىرۋ ساياساتتى ىركەس - تىركەس اتقاردى، مەنىڭ قىستاقتاعى تۇرمىسىمنىڭ قالاداعىلارمەن پارقى جوق. قىستاق تۇرعىندارىنىڭ ۇيىندە سۋ، ەلەكتر بولۋمەن قاتار، قىستاق تۇرعىندارىنىڭ بارلىعى ءار كۇنى راديو تىڭداپ، تەلەۆيزور كورىپ، مەملەكەتتىڭ ءىرى ىستەرىنەن جانە ديقاندارعا تيىمدىلىك جاساۋ جونىندەگى ەڭ جاڭا ساياساتتاردان حابار تابا الادى، قىستاعىمىزعا اسفالت جول جاتقىزىلىپ، ءجۇرىس - تۇرىسىمىزعا دا قولايلى بولدى.

    پارتيانىڭ ءتۇرلى ابزال ساياساتتارىن مەن كوزىممەن كورىپ، شىن جۇرەكتەن رازى بولدىم. پارتيانىڭ ابزال ساياساتى سەبەپتى جاقسى تۇرمىسقا قول جەتكىزدىم، پارتياعا ماڭگى العىس ايتامىن. بەيجيڭنەن شالعايدا بولعانىمىزبەن، ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىمەن جۇرەكتەس، تامىرلاسپىز. پامير ۇستىرتىندە تۇرمىس كەشىرەتىن، قىزمەت ىستەيتىن ءار ۇلت كادرلارى مەن جۇرتشىلىعىنىڭ ماڭىزدى تاپسىرمانى قاشاندا ەستە بەرىك ساقتاپ، پارتيا ورتالىق كوميتەتىنىڭ ىقلاستى تاپسىرماسىنىڭ ۇددەسىنەن شىعاتىنىنا كەمىل سەنەمىن. مەن اۋەلگى ماقساتتى ۇمىتپاي، ورنىقتىلىقتى قورعاۋ، ۇلتتار ىنتىماعىن جەبەۋ سياقتى جاقتاردا پارتيا مۇشەسىنىڭ اۆانگاردتىق، ونەگەلىك رولىن ۇزدىكسىز ساۋلەلەندىرىپ، پارتيا تۋىنىڭ ابىرويىن اسپانداتامىن.

    ءوزىمنىڭ ارتىقشىلىعىمدى شىنايى ساۋلەلەندىرىپ، ءار ۇلت جۇرتشىلىعىن قاجىرلى ەڭبەكتەرىمەن دامۋعا، اۋقاتتانۋعا جەتەكتەيمىن. ءار ۇلت جۇرتشىلىعىن اقاۋسىز، وركەنيەتتى تۇرمىس ءتاسىلىن قاستەرلەۋگە، دۇرىس دۇنيە كوزقاراسىن، ءومىر كوزقاراسىن، قۇن كوزقاراسىن ورناتۋعا تاربيەلەيمىن، جەتەكتەيمىن.

    پارتيانىڭ لۋشيان، باعىت، ساياساتتارىن باتىل قۋاتتايمىن، بارلىق ءسوز، ءىس - ارەكەتىمدە شينجياڭ قىزمەتىنىڭ باس نىساناسىن مىقتاپ ارقاۋ ەتەمىن. ءار ۇلت جۇرتشىلىعىنىڭ اراسىندا جاقسى باستاماشى بولۋمەن قاتار، بالالارىمدى ويداعىداي تاربيەلەپ، توڭىرەگىمدەگىلەرگە ىقپال جاساپ، تەپە - تەڭ، ىنتىماقتى، ءوزارا قارايلاساتىن، جاراسىمدى ۇلتتاردىڭ ۇلى ىنتىماعىنىڭ تاماشا جاعدايىن جاساۋعا ۇلەس قوسامىن.

جاۋاپتى رەداكتور: گۇلدەن ماقسات قىزى