ينفورماتسيا تەحنيكاسى ساباعىنىڭ ونىمدىلىگىن جوعارىلاتۋ جونىندە

  • كەلۋ قاينارى: ىلە گازەتى
  • 03:24:53 31/10/2017

    كۇلاي ايتان قىزى

    

    قازىرگى دۇنيە جۇزىلىك ءتۇس العان عىلىم – تەحنيكالىق باسەكەلى زاماندا كومپيۋتەر تەتىگىن مەڭگەرە ءبىلۋ - دامىعان ءداۋىر تالابىنا ىلەسۋ شارتتارىنىڭ ءبىرى. وقۋشىلاردىڭ حانزۋشا، قازاقشا ينفورماتسيالاردى مەڭگەرۋى، وتباسىلارىندا قولفوندا، كومپيۋتەردە ماتەريال كورۋ، جازۋ، اۋدارۋدا وسى ينفورماتسيا ساباعىنىڭ رولى ايتا قالسىن قاجەت. سول ءۇشىن تومەندە بىرنەشە جاقتان ءوز ويىمدى ورتاعا سالا كەتۋدى ءجون كوردىم.

    1. ينفورماتسيا تەحنيكاسى ساباعىن وقۋشىلارعا قوس تىلدە جەتكىزگەن ءجون. ءبىز تەك وقۋشىنىڭ ۇيرەنۋىن عانا كوزدە ۇستاماي، ولاردىڭ اتا - انالارىن دا كوزدە ۇستاعانىمىز ءجون. قازىرگى ينفورماتسيا تەلەۆيزور، كومپيۋتەر ارقىلى تارالىمنان قولفون ارقىلى تارالىمعا ءوتتى. سوندىقتان وقۋشىلاردىڭ ءىس جۇزىندىك امالياتىن كوزدە ۇستاپ، وقۋشىلارعا ينفورماتسيا تەحنيكاسى ساباعىن قوس تىلدە تۇسىندىرسەك، ولار اتا - اناسىنا قازاق تىلىندە ينفورماتسيا تەحنيكاسىن قالاي اشىپ – جابۋ، قالاي ءبىر جاقتى ەتۋ بارىستارىن مەڭگەرە الادى.

    2. ينفورماتسيا تەحنيكاسى ساباعىنىڭ امالياتتىلىعىن باستى نازارعا الۋى كەرەك. بۇل ءۇشىن وقۋشىلارعا تەك ساباق پروگرامماسىنداعى نازاريالىق بىلىمدەردى ۇيرەتۋمەن بىرگە، ولاردىڭ وسى ءبىر ادامزاتپەن ەگىز كەلە جاتقان ينفورماتسيا تەحنيكاسىنىڭ قىرى مەن سىرىنا قانىق بولۋىنا مۇمكىندىك جاراتىپ، وقۋشىلارعا شاعىن كولەمدەگى كلاس، مەكتەپ گازەتتەرىن كومپيۋتەردە جوبالاتۋدا مازمۇنداردى ستونعا ءبولۋ، ايدار بەلگىلەۋ، سۋرەت كىرگىزۋ، ارتقى كورىنىس شىعارۋ سياقتى مازمۇنداردى يگەرتۋدەن سىرت، سول بويىنشا باسىپ شىعارۋ تەحنيكاسىن دا قوسا مەڭگەرتكەنىمىز ءجون. ويتكەنى باسۋ تەحنيكاسى قازىر جەكە وتباسىلارعا دەيىن جالپىلاسىپ وتىر. ونداي بولسا باسۋ، رەداكسيالاۋ باسقىشتارىن تەك وقۋشىلار عانا ەمەس، اتا – انالاردا سول وقۋشىلاردان ۇيرەنىپ الۋى ءۇشىن ينفورماتسيا تەحنيكاسى ساباعىن قوس تىلدە ءوتۋ ءداۋىر قاجەتى، زامان تالابى ەكەندىگىن كوزدە ۇستاي وتىرىپ ساباق وتكەنىمىز ءجون.

    3. وقۋشىلاردىڭ ينفورماتسيا تەحنيكاسى ارقىلى رەداكتورلىق قابىلەتىن جوعارىلاتۋىمىز كەرەك. ينفورماتسيا تەحنيكاسى كومپيۋتەردەن قولفونعا جالپىلاسقاننان بەرى مەملەكەت تىلىندەگى ينفورماتسيالاردى ءبىر جاقتى ەتۋمەن قازاق تىلىندەگى ينفورماتسيالاردى ءبىر جاقتى ەتۋ ۇلكەن جاقتان ءبىر ارنادا تۇرعانىمەن شىنتۋايتىنا كەلگەندە وندا نەداۋىر پارىقتار بار. ماسەلەن، وردى سەستەماسىندا ماقالا جازباقشى بولساڭىز قۇرال باعانىنداعى حانزۋ تىلىندەگى بەتتە ءارىپ سول جاقتان وڭعا قاراي تەرىلسە، قازاق تىلىندە ونىڭ كەرىسىنشە وڭنان سولعا قاراي تەرىلەدى. مۇنى قۇرال تەكشەسىندەگى باعدار كورسەتكىش ارقىلى تەڭشەيمىز. ودان قالسا جازۋدى بەتتىڭ ەكى جاعىنان تەڭشەپ ءتۇسىرۋ، وڭ جاعىنان، سول جاعىنا، ورتاسىنا كەلتىرىپ تەڭشەۋ سىندى قۇرال باعاندارىن ءبىلۋمەن بىرگە ءارىپتىڭ فورماسىن، ۇلكەن –كىشىلىك ءنومىرىن، ءارىپكە رەڭ بەرۋ، ءارىپتى جىڭىشكەرتۋ، قيسايتۋ، تاقىرىپقا تەڭشەۋ، قىزىل جولعا تەڭشەۋ، جازعان ماقالانى ساقتاۋدى ءوز ورنىنا نەمەسە باسقالاي بارماق دەسكالارعا، جۇمساق دەسكالارعا، قاتتى دەسكالارعا ساقتاۋدىڭ جولىن، سونداي –اق جازۋعا سۋرەت قىستىرۋ، كەستە قوسۋ ت.ب. مازمۇنداردى تولىق يگەرگەندە عانا ينفورماتسيا تەحنيكاسىنداعى جۇمساق بولشەكتەردەگى جازۋدى ءبىر جاقتى ەتۋگە بولادى ءارى وسى مازمۇنداردى ءوز اتا - انالارىنا قابىلەتىنە قاراي تۇسىندىرە الۋ مۇمكىندىك جاراتىلادى.

جاۋاپتى رەداكتور: جازيرا بولاتباي قىزى