قىستاق تۇرعىندارىنىڭ العىسىنا يە بولدى

  • كەلۋ قاينارى: شينجياڭ گازەتى تورابى
  • 11:10:34 01/11/2017

    

    جاۋ دۇڭشىڭ حابارلايدى. بيىل جەتارال اۋىلىنىڭ بوتامويىن قىستاعىنا تۇسكەن بۋرىلتوعاي اۋداندىق مەملەكەتتىك باجى مەكەمەسىنىڭ قىزمەت اترەتى تۇرعىنداردىڭ بىتىراندى ورنالاسقان، جان سانىنىڭ %98ىن قازاق ۇلتى ۇستايتىن جاعدايىن كوزدە ۇستاپ، شارۋالاردىڭ مادەنيەت ساپاسىن جوعارىلاتۋدى، قىستاقتاعى تومەن كىرىستى، قيىنشىلىقتى وتباسىلاردى سۇيەمەلدەۋدى نەگىز ەتە اۋقاتتاندىرۋدى قىزمەتتىڭ باستى ءتۇيىنى ەتتى.

    قىزمەت اترەتى ىسكە الدىمەن مادەنيەت بىلىمدەرىن جاپپاي جالپىلاستىرۋدان باستاپ كىرىسىپ، شارۋالاردىڭ جۇمىستان سىرتقى ۋاقىتتاعى مادەنيەت تۇرمىسىن بايىتتى، ولاردىڭ مادەنيەت ساپاسىن، ۇيرەنگەن ونەرىنەن پايدالانۋ ورەسىن، سونداي - اق حانزۋ تىلىندە سويلەۋ قابىلەتىن تىنباي جوعارىلاتتى. تۇرعىنداردى شارۋالار كەشكى مەكتەبىنە ىرىقتىلىقپەن كەلىپ پارتيا، ۇكىمەتتىڭ ءتيىمدى ساياساتتارىن ۇعىنۋعا، تەحنيكالىق ونەر ۇيرەنۋگە بەلسەنە باستاعاندىقتان، جالپى جۇرت تۇرمىسىن ونان ارى جاقسارتۋ ءۇشىن جاپپاي العا ىلگەرىلەۋگە ىنتىلعان تاماشا بەينە قالىپتاسىپ، يدەيالارىندا زور وزگەرىس جارىققا شىقتى. قىزمەت اترەت مۇشەلەرى مالشىلارمەن تىعىز ارالاسىپ، مالدى كوكتەۋلىك، كۇزەۋلىكتەرگە جەتكىزەردە قاتىستى ادامداردى مالشىلارعا جول بويى اس - سۋ ازىرلەۋگە ۇيىمداستىرىپ، ازىق - تۇلىك، ءدارى - دارمەك سياقتى قاجەتتى بۇيىمداردى دەر كەزىندە جەتكىزىپ، كوشى - قون جۇمىسىنا بەلسەنە قىزمەت كورسەتتى.

    قىزمەت اترەتىنىڭ مۇشەلەرى وتباسىلاردى ارالاۋ بارىسىندا كەيبىر قيىنشىلىقتى وتباسىلاردىڭ باعىمشىلىق كاسىبىمەن شۇعىلدانۋ ارقىلى اۋقاتتانۋ تىلەگىنىڭ بار ەكەنىن بىلگەننەن كەيىن، بۋرىلتوعاي سۋ ونىمدەرى سەرىكتەستىگىمەن سەلبەسىپ 800 تاۋىق شوجەسىن قيىنشىلىعى بار 15 وتباسىنا ۇلەستىرىپ بەردى. وسىنىڭ وزىنەن ولاردىڭ جىل سوڭىنداعى كىرىسى 9000 يۋانعا تاياۋ ارتاتىنى مەجەلەنۋدە.

    قىستاق تۇرعىنى تۇرعىنبەك قۇماربەك ۇلى ۇزاق ۋاقىت ناۋقاسقا شالدىققان بالاسىن ەمدەتۋ ءۇشىن قولىندا بار قارجىسىن تۇگەل جۇمساعاندىقتان قيىنشىلىق قىسپاعىندا قالادى، قىستاققا تۇسكەن بايلانىسشى كادر ۋاڭ پيڭ وتباسىلارىن ارالاۋ بارىسىندا مۇنى بىلگەن سوڭ، تۇرعىنبەكتىڭ بالاسىن شيپاحاناعا اپارىپ ءوز جانىنان قارجى شىعارىپ تەكسەرتەدى، قىزمەت اترەتى شيپاحانامەن بايلانىس جاساپ، ناۋقاس بالانى الدىمەن ەمدەۋگە، ەمدەۋ قارجىسىن سوڭىنان قىزمەت اترەتى تولەۋگە كەلىسەدى ءارى تۇرعىنبەككە قاجەت بولعاندا قىزمەت اترەتىن ىزدەۋدى تاپسىرىپ، ونىڭ بالاسىن ەمدەتە الماۋداي ناقتى قيىنشىلىعىن شەشەدى. تۇرعىنبەك قىزمەت اترەت مۇشەلەرىنىڭ قولىن قىسىپ: «حالىقتىڭ قامىن ويلايتىن پارتيا مەن ۇكىمەتكە، بۇقارا ءۇشىن ايانباي تەر توگىپ جۇرگەن قىزمەت اترەتىنىڭ مۇشەلەرىنە تەرەڭ العىس ايتامىن»، - دەيدى تەبىرەنە.

جاۋاپتى رەداكتور: جازيرا بولاتباي قىزى