ۇلتتار ىنتىماعىنىڭ گۇلى حالىق جۇرەگىنە تەرەڭ تامىر تارتتى

  • كەلۋ قاينارى: ءتاڭىرتاۋ تورابى
  • 11:14:55 01/11/2017

    

    سەرىك يمانقان ۇلى حابارلايدى. بۇگىنگى جارقىن زاماندا ءار ۇلت حالقىنىڭ بەرەكە - بىرلىگى نىعايىپ، ءار ۇلت حالقى ءوزارا بارىس - كەلىس جاساۋ بارىسىندا بىتە قايناسىپ، ورتاق دامۋعا ۇمتىلدى، قوعامنىڭ جاراسىمدىلىعى قاشاندا ۇلتتار ارا باۋىرمالدىق پەن بەرەكە - بىرلىكتەن كەلەدى. جاقىندا، بۋرىلتوعاي اۋدانى شىعانجيدە اۋىلى قىزىل كەرىش قىستاعىنىڭ تۇرعىنى مۇراتتىڭ وتباسى قورمال جاننىڭ جىلۋ شۋاعىنا بولەندى. بۇلاي دەيتىنىمىز، «ۇلتتار ىنتىماعىنىڭ بەرەكەلى شاڭىراعى» قيمىلى بويىنشا جۇپ قۇراپ، تۋىس بولعان بۋرىلتوعاي اۋداندىق حاۋىپسىزدىكتى باقىلاۋ مەكەمەسىنىڭ زاڭ اتقارۋ اترەتىنىڭ باستىعى لياۋ جۇنۋىن قىزىل كەرىش قىستاعىنا نەگىزگى ساتىعا ارالاسىپ، حالىقتىڭ ءمان- جايىن ۇعىسقاننان بەرى، ءوزىنىڭ تۋىسى مۇراتتىڭ وتباسىنا شىنايى كومەك قولىن سوزدى.

    مۇراتتىڭ وتباسى جۇتاڭ تۇرمىستى، ءوزى جەل - قۇز سيپاتتى جۇرەك اۋرۋىنا شالدىققان، جۇبايىنىڭ ۇستامالى نەرۆ اۋرۋى بار بولىپ، كۇن كورىستەرى تىم شىركىن-اي ەمەس بولاتىن. لياۋ جۇنۋىن قىستاققا كەلگەننەن كەيىن، مۇراتتىڭ وتباسىنا بارىپ امانداسىپ تۇردى. ءتىپتى ەرلى - زايىپتى ەكەۋى تىماۋراتىپ قالعاندا، لياۋ جيۋنۇن ول ەكەۋىنە ءدامدى تاماق جاساپ بەردى. ەمەن- جارقىن اڭگىمە بارىسىندا لياۋ جۇنۋىن مۇراتتىڭ بيىل ءۇيىن جاڭالاعانىن بىلەدى. الايدا، جاڭا ءۇيىنىڭ ىشىندەگى قاجەتتى دۇنيەلەرىنىڭ جوقتىعىن، قىل اياعى ورناتقان ەسىكتەرىنىڭ سالبىراپ ءتۇسىپ جاتقانىن بايقاپ، دەرەۋ مۇراتتىڭ ماقۇلدىعىن الىپ، ءوزىنىڭ وتباسىنداعى بىرنەشە جاڭا ەسىك پەن جىلىتقىش قوراپشاسىن مۇراتتىڭ وتباسىنا اكەلىپ بەرەدى. بۇل قىستاق اۋدان ورتالىعىنان ءبىرشاما الىس بولعاندىقتان لياۋ جۇنۋىن مۇرات پەن جۇبايىنىڭ دەنساۋلىق جاعدايىن ويلاستىرىپ، ارناۋلى ءدارى دۇكەنىنە بارىپ، قاجەتتى دارىلەردى دە تولىقتاپ بەردى.

    «لياۋ باستىقتىڭ مەيىر- شاپاعاتىنا راقىمەت ايتامىن، پارتيانىڭ ابزال ساياساتىنىڭ ارقاسىندا، باقىتتى ءومىردىڭ بالزامىن تاتىپ وتىرمىز، ۇلتتار ىنتىماعىنىڭ بەرەكەلى شاڭىراعى قيمىلى ارقىلى ءبىز ءوزارا قويان- قولتىق ارالاسىپ، جاقىن تۋىسقانداي بولدىق »،- دەدى مۇرات.

    ءتىلىشىنىڭ قىزمەت ورنى: بۋرىلتوعاي اۋداندىق ورگان ىستەرىن باسقارۋ مەكەمەسى

جاۋاپتى رەداكتور: جازيرا بولاتباي قىزى