الدىڭعى ءۇش ماۋسىمدا ەلىمىزدىڭ باجى كىرىسى ورنىقتى ارتتى

  • كەلۋ قاينارى: حالىق تورابى
  • 05:12:16 02/11/2017

   

    حالىق تورابى، 30 – قازان، بەيجيڭ. مەملەكەتتىك باجى باس مەكەمەسى 27 – قازان اقپار جاريالاۋ ءماجىلىسىن اشىپ، الدىڭعى ءۇش ماۋسىمداعى باجى تاراۋلارىنىڭ جيناعان باجى كىرىسى قاتارلى جاعدايلاردى جاريالادى. ساندى مالىمەتكە قاراعاندا، قاڭتاردان قىركۇيەككە دەيىن بۇكىل ەلىمىزدەگى باجى تاراۋلارى جيناعان باجى 9 تريلليون 923 ميلليارد 700 ميلليون يۋان بولعان (ەكسپورت ەتىلگەن ونىمدەرگە قايتارىلاتىن باجى شىعارىلىپ تاستالعان)، وتكەن جىلداعىمەن سالىستىرعاندا، 10.6 پايىز ارتقان، بۇل ەلىمىز ەكونوميكاسىنىڭ دامۋىنىڭ ورنىقتى ىلگەرىلەگەنىن، ورنىقتى بولۋدان ارتۋعا بەت الۋ تەبىنىنىڭ ءتىپتى دە كورنەكتى بولا باستاعاندىعىن اڭعارتادى.

    «جىل باسىنان بەرى، باجى كىرىسىنىڭ ورنىقتى ارتۋىنداعى باستى سەبەپ، جۋىق جىلداردان بەرى، پارتيا ورتالىق كوميتەتى، مەملەكەتتىك كەڭەستىڭ ماكرولىق جاقتان تەڭشەۋ ساياساتىنىڭ اتقارىلۋ اسەرى كورنەكتى بولدى، ەكونوميكانىڭ دامۋىنىڭ ورنىقتى ىلگەرىلەۋىن، ورنىقتى بولۋدان ارتۋعا بەت الۋ تەبىنىن ءتىپتى دە بەكەمدەدى» دەدى باجى باس مەكەمەسىنىڭ باجى كىرىسىن جوسپارلاۋ، ەسەپتەۋ ءبولىمى باستىعىنىڭ ورىنباسارى جىڭ شياۋيىڭ.

    رايونداردىڭ باجى كىرىسى ءبىرشاما تەزدىكپەن ورنىقتى ارتقان، بۇل رايونداردىڭ سايكەسىمدىلىگى جالعاستى كۇشەيگەندىگىن بىلدىرەدى. الدىڭعى ءۇش ماۋسىمدا، شىعىس بولەك، ورتا بولەك، باتىس بولەك جانە شىعىس سولتۇستىك بولەكتىڭ باجى كىرىسى 7.8 پايىز، 18 پايىز،15.3 پايىز جانە 7.6 پايىز ارتقان. «العاشقى جارىم جىلمەن سالىستىرعاندا، شىعىس بولەكتىڭ باجى كىرىسى 1.1 پايىزعا تاياۋ تەز قارقىنمەن ارتقان؛ ورتا بولەك پەن باتىس بولەكتىڭ باجى كىرىسىنىڭ ارتۋى 2.5 پايىز جانە 2.9 پايىزعا جەتىپ، ارتۋ قارقىنى الدىڭعى قاتاردى ساقتاعان، شىعىس سولتۇستىكتىڭ باجى كىرىسىنىڭ ارتۋى 2 پايىزعا جەتىپ، رايوندار ارا پارىقتى جالعاستى ازايتقان» دەدى جىڭ شياۋيىڭ تاعى دا.

جاۋاپتى رەداكتور: گۇلدەن ماقسات قىزى