ەلىمىز جەردى قايتارىپ الۋ ينفورماتسياسىن ورتاق پايدالانۋ تەكشەسىن قۇرماقشى

  • كەلۋ قاينارى: حالىق تورابى
  • 05:13:51 02/11/2017

  

    حالىق تورابى، 1 - قاراشا، بەيجيڭ. جەردى قايتارىپ الۋ ينفورماتسياسىنىڭ جاريا بولۋ قىزمەتىن ءتىپتى دە ىلگەرىلەتۋ ءۇشىن، ەلىمىز جەردى قايتارىپ الۋ ينفورماتسياسىن ورتاق پايدالانۋ تەكشەسىن قۇرىپ، حالىق بۇقاراسىنىڭ كوكەيتەستى مۇدەسىن تولىق قورعايدى.

    مەملەكەتتىك جەر بايلىعى مينيسترىنىڭ ورىنباسارى ۋاڭ گۋاڭحۋا 30 – قازان مەملەكەتتىك جەر بايلىعى اكىمشىلىك ىستەرىن اشىق ۇستاۋ جانە اقپاراتتىق ۇگىت قىزمەتىن زەرتتەۋ جينالىسىندا جەردى قايتارىپ الۋ ينفورماتسياسىنىڭ جاريا بولۋى حالىق بۇقاراسىنىڭ كوكەيتەستى مۇدەسىنە ساياتىن، بۇرىننان اكىمشىلىك ىستەردىڭ جاريا بولۋىنداعى ماڭىزدى مازمۇن دەدى. ءبىرتۇتاس ورنالاستىرۋعا ساي، بيىل مامىر ايىنان بەرى، حەيلۇڭجياڭ، جىجياڭ، انحۇي، سىچۋان، نيڭشيا قاتارلى 5 ولكەدەگى (اۆتونوميالى رايون) 35 اۋدان (قالا، رايون) نەگىزگى ساتىداعى جەردى قايتارىپ الۋعا بەرىلەتىن تولەم قاراجاتى اكىمشىلىك ىستەرىن اشىق جاريالاۋدى ولشەمدەندىرۋ، تارتىپتەندىرۋدىڭ سىناق ءتۇيىنى قىزمەتىن قانات جايدىردى. مەملەكەتتىك جەر بايلىعى مينيسترلىگى قاتىستى ولكە دارەجەلى مەملەكەتتىك جەر بايلىعى بولىمدەرىنە بولعان جەتەكشىلىكتى كۇشەيتىپ، جەردى قايتارىپ الۋ ينفورماتسياسىن اشىق جاريالاۋ قىزمەتىنىڭ قاتىستى تالاپتارىنا بىرلەستىرىپ، ۋاعىندا قورىتىندىلاپ، سىناق تۇيىندەرىنىڭ تابىسىن بۇكىل ەلىمىز كولەمىنە جالپىلاستىرادى. جەردى قايتارىپ الۋعا بەرىلەتىن تولەم قاراجاتىنىڭ ينفورماتسياسىن اشىق جاريالاۋدى شىن مانىندە ورىنداپ، كونە ەسەپتى تەزدەن جاۋىپ، جاڭا ەسەپكە قارىزدار بولماي، اشىق جاريالاۋعا ءتيىستىنىڭ بارلىعىن اشىق جاريالايدى.

جاۋاپتى رەداكتور: گۇلدەن ماقسات قىزى