شىنايى ىستەپ، جۇرت جۇرەگىنەن ورىن الدى

  • كەلۋ قاينارى: شينجياڭ گازەتى سايتى
  • 15:19:50 04/11/2017

 تاۋ بيڭحۇي، جۇپار جۇماقان قىزى

 

 

        بيىل قابا اۋداندىق مەملەكەتتىك باجى مەكەمەسىنىڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا جايىلما اۋىلى ساياتەرەك قىستاعىنا تۇسكەن قىزمەت اترەتى نەگىزگى ساتىعا ىشكەرىلەي ارالاسىپ، حالىقتىڭ ارمان - تىلەگىن ۇعىسىپ، ناقتى ارەكەتتەرىمەن حالىق تۇرمىسىن جاقسارتۋعا قۇلشىنعاندىقتان، حالىق جۇرەگىنەن ورىن الدى. ارت - ارتىنان تياناقتانعان ءتيىمدى ىستەر قالىڭ حالىق بۇقاراسىنىڭ قۇپتاۋىنا يە بولدى، وسى بارىستا ادامدى تەبىرەندىرەتىن كوپتەگەن اسەرلى اڭگىمەلەردە جارىققا شىقتى.

 

    اۋىز سۋ ماسەلەسى اقىرى شەشىم تاپتى

 

    قۇبىر شۇمەگىنەن اعىپ شىققان سۋدى كورگەن كوپشىلىك «سۋ كەلدى، سۋ كەلدى» دەپ الاقايلاپ، بۇكىل قىستاق دۋمانعا شومدى. قۇبىر سۋىنىڭ كەلۋىن قىستاق تۇرعىندارى تالاي جىل كۇتكەن ەدى، اسىرەسە، قىستاعى نولدەن تومەن 30 سەلتسي گرادۋستىق سۋىقتا قۇدىق سۋى قاتىپ، تۇرعىنداردى اۋرەگە سالاتىن. بۇل قىستاقتىڭ جاعراپيالىق قۇرىلىمى كۇردەلى، جەر قىرتىسى تاستاقتى، قازۋ بارىسىندا وڭاي وپىرىلىپ كەتەتىندىكتەن، بۇرىن تالاي رەت جوسپارعا الىنعان قۇبىر سۋ جالعاۋ نىسانى ىستەلمەي كەلگەن ەدى. بيىل قىستاققا تۇسكەن قىزمەت اترەتى نىسان قارجىسىن الۋعا بەلسەنە كىرىسكەندىكتەن، اۆتونوميالى رايوندىق ۇلت - ءدىن ىستەر كوميتەتى ءبىر ميلليون 800 مىڭ يۋان حاۋىپسىز اۋىز سۋ جەتكىزۋ نىسان قارجىسىن بوساتىپ بەردى، قىزمەت اترەتى جان - جاقتى تەكسەرۋ، ولشەۋ، ءاربىر وتباسىنا دەيىن تازا، پايدالانۋعا قولايلى قۇبىر سۋىن تۇتىنۋىنا كەپىلدىك ەتۋ تالابى بويىنشا، جۇمىس جۇرگىزدى، جۇمىس بارىسىندا قىستاق تۇرعىندارى ءبىر تىلەكتە بولا وتىرىپ، وزدىكتەرىنەن كومەككە كەلىپ، كۇشتەرىن ءبىر جەرگە جۇمسادى. ەسىكتەرىنىڭ الدى، ەگىستىك جەرى قازىلسا، كوپشىلىككە ءتيىمدى ىسكە بولا نالىنۋدىڭ قاجەتى جوق دەستى، ءبىرى قۇبىر جاتقىزىلاتىن ور قازۋعا كومەكتەسسە، ەندى ءبىرى ءۇيىنىڭ ەلەكترىن اقىسىز پايدالانۋعا بەردى. قازىر قىستاق تۇرعىندارىنىڭ ارمانى اقىرى ىسكە اسىپ، قۇبىر سۋىن تۇتىناتىن بولدى. قىستاق تۇرعىنى ۋاڭ حۇي: قىستاقتا تۇراتىن قىزمەت اترەتىنىڭ كومەگىندە قىستاعىمىزدىڭ تالاي جىلدان بەرى اڭساعان اۋىز سۋ ماسەلەسى شەشىلدى، ۇيدەن شىقپاي - اق تازا سۋ ىشە الاتىن بولدىق، بۇل كوپشىلىككە ىستەلگەن وتە يگىلىكتى ءىس، - دەدى قۋانا.

جاۋاپتى رەداكتور: گۇلدەن ماقسات قىزى