«ۇعىسۋ، تيىمدىلىك جاساۋ، توعىستىرۋ» قىزمەت اترەتى پارتيا 19- قۇرىلتايىنىڭ بايانداماسىن ۇيرەنۋدىڭ «اتويشىسىنا» اينالدى

  • كەلۋ قاينارى: ىلە گازەتى
  • 03:30:25 05/11/2017

      جۋىقتا پارتيا 19–قۇرىلتايى سالتاناتتى اشىلعاننان كەيىن قۇرىلتاي مازمۇنىن ۇيرەنىپ، تالقىلاۋ موڭعۇلكۇرە اۋدانى موڭعۇلكۇرە قالاشىعى كەن جولى الەۋمەتتىك اۋماعىنداعىلاردىڭ باستى قىزمەتىنە اينالدى. ءار ۇلت پارتيالى كادرلارى پارتيا 19–قۇرىلتايى بايانداماسىنىڭ رۋحىن مۇقيات ۇيرەنىپ، قۇرىلتاي مازمۇنىن حالىق بۇقاراسىنا ۇگىتتەپ، ءىس جۇزىندىك ارەكەتتەرى ارقىلى پارتيا مەن ۇكىمەتتىڭ قامقورلىعىن جانە مەيىرىن ءاربىر وتباسىنا جەتكىزدى.

    وسى الەۋمەتتىك اۋماقتىڭ كادرلارى «ۇعىسۋ، تيىمدىلىك جاساۋ، توعىستىرۋ» قىزمەتى بويىنشا قىستاققا تۇسكەن قىزمەت اترەتىندەگىلەر جانە الەۋمەتتىك اۋماقتاعى ءار ۇلت بۇقاراسى ءبىر اراعا باس قوسىپ، پارتيا 19–قۇرىلتايىنىڭ سالتاناتتى اشىلۋ جاعدايىن كورىپ، باياندامانى ۇيرەنگەننەن كەيىنگى اسەرلەرىن ءوزارا ءبولىستى. كوپشىلىك ءبىر اۋىزدان: باس شۋجي شي جينپيڭ 18–كەزەكتى ورتالىق كوميتەتى اتىنان پارتيا 19–قۇرىلتايىنا بايانداما جاسادى ءارى جاڭا داۋىردەگى جۇڭگوشا سوتسياليزم يدەياسىن تەرەڭ بايانداپ، قازىرگى داۋىردەگى جۇڭگونىڭ ءىس جۇزىندىگىنە ۇيلەسەتىن ءبىرسىپىرا ماڭىزدى ستراتەگيالىق شارالاردى العا قويدى. بۇل پارتيامىزدىڭ جاڭا داۋىرگە، تىڭ ساپارعا قادام تاستاپ، تىڭ داستان جازۋداعى ساياسي جارناماسى جانە ارەكەت قىبلاناماسى،–دەپ قارادى. ناق مايداندا ءار ۇلت پارتيالى كادرلارى كوتەرىڭكى كوڭىل كۇيىمەن پارتيا 19–قۇرىلتايىنىڭ رۋحىن ۇيرەنۋدى، دايەكتىلەندىرۋدى توڭىرەكتەي وتىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسى جونىندەگى اسەرلەرىن اڭگىمەلەدى.

    موڭعۇلكۇرە اۋداندىق مادەنيەت ـ دەنەتاربيە، راديو–كينو–تەلەۆيزيا مەكەمەسىنىڭ اقپارات تاراتۋ ورتالىعىنان موڭعۇلكۇرە قالاشىعى كەن جولى الەۋمەتتىك اۋماعىنا تۇسكەن قىزمەت اترەتىنىڭ باستىعى ساۋلەتباي قۇرمانجان ۇلى بىلاي دەدى: باس شۋجي بايانداماسىندا جاڭا داۋىردەگى جۇڭگوشا سوتسياليزم پارتيا 19–قۇرىلتايىنىڭ جاۋھارى. ول ءار ۇلت پارتيالى كادرلارىنا باعىت–باعدار سىلتەپ، جەڭىسكە جەتەتىن سەنىم باعىشتادى. مەن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ مۇشەسى بولۋ تۇرعىسىنان پارتيا 19–قۇرىلتايىنىڭ رۋحىن كۇندەلىكتى قىزمەت بارىسىندا دايەكتى تياناقتاندىرىپ، قىزمەت اترەتىنىڭ ابزالدىعىن ساۋلەلەندىرىپ، قۇرىلتاي رۋحىن جاقسى ۇيرەنىپ جانە دايەكتى تياناقتاندىرىپ، 19–قۇرىلتاي رۋحىن ءاربىر وتباسىنا ۇگىتتەپ، ءار ۇلت بۇقاراسىنا پارتيانىڭ ۇلىلىعىن، وتاننىڭ ۇلىلىعىن سەزىندىرۋگە مۇمكىندىك جاراتامىن.

    «ۇعىسۋ، تيىمدىلىك جاساۋ، توعىستىرۋ» قىزمەت اترەتى 19–قۇرىلتاي بايانداماسىن ۇيرەنۋمەن بىرگە، وتباسىن ارالاپ جاعداي ۇعىسىپ، قاراستى رايونداعى ءار ۇلت بۇقاراسىنا ۇعىنىقتى دا قاراپايىم تىلمەن قۇرىلتاي بايانداماسىنىڭ رۋحىن ۇگىتتەپ، ولارعا رۋحاني ازىق سيلادى.

    كەن جولى الەۋمەتتىك اۋماعىنىڭ تۇرعىنى پاتىگۇل ءشارىپ جۋىقتاعى جىلدان بەرى حالىققا تيىمدىلىك جاساۋ ساياساتىنا سۇيەنىپ اۋقاتتانىپ، ىنىسىمەن بىرگە شاعىن ساۋدا جاسايدى. ول تىلشىگە: ءوزىنىڭ ۇن كەسپە نانىن ساتاتىنىن، ءىنىسىنىڭ اسحانا اشاتىنىن، پارتيانىڭ جاقسى ساياساتىنىڭ ارقاسىندا ءبىر ءۇيلى جان باقىتتى تۇرمىس كەشىرىپ كەلە جاتقانىن، بۇدان كەيىن دە مەملەكەتتىڭ زاڭ–تۇزىمدەرىنە بويسۇنىپ، ءار ۇلت باۋىرلاستارمەن ىنتىماقتى بولىپ، مەملەكەتتىڭ كۇننەن كۇنگە گۇلدەنىپ، ءار ۇلت بۇقاراسى ءبىر ءۇيلى جانداي ىنتىماقتى بولۋىن ءۇمىت ەتەتىنىن، پارتيانىڭ ءتيىمدى ساياساتىنا ەرەكشە العىس ايتاتىندىعىن ءبىلدىردى.

    تولقىن ايتان قىزى

جاۋاپتى رەداكتور: گۇلدەن ماقسات قىزى