جاڭا ساباق رەفورماسىنىڭ باستاۋىش مەكتەپ انا ءتىلى ساباعىن وقىتۋداعى رولى جونىندە

  • كەلۋ قاينارى: ىلە گازەتى
  • 08:39:56 10/11/2017

   

    نۇرگۇل اكپار قىزى

    جاڭا ساباق رەفورماسىن انا ءتىلى ساباعىن وقىتۋعا پايدالانۋ ءۇشىن اۋەلى جاڭا ساباق رەفورماسىنىڭ ناقتى ءمان - ماعىناسىن ىشكەرىلەي ءتۇسىنۋ كەرەك. جاڭا ساباق وقىتۋشىلارىندا ساباق رەفورماسىن وقىتۋ ماتەريالى رەفورماسى عانا دەپ تۇسىنەتىن جايتتەر كەزدەسەدى. بۇل ءسوزسىز ساقتانۋعا ءتيىستى ءتۇيىن. ساباق رەفورماسىنىڭ ەڭ الدىمەن وزگەرتەتىنى – وقىتۋشىلاردىڭ كوزقاراس ماسەلەسى، ماسەلەن، ساباق كوزقاراسى، مۇندا وقىتۋ ماتەريالىنىڭ ءتۇزىلۋ ەرەكشەلىگى، دەڭگەيى، كولەمى، نىساناسى تۋرالى كوزقاراستى ايقىنداۋ.

    وقىتۋ كوزقاراسى: مۇندا ساباق تەكىستىن وقىتۋ ءادىسى زەرتتەۋ ءادىسى، وقىتۋ ماتەريالىنان پايدالانا وتىرىپ ساباقتى قالاي كەڭەيتىپ وقىتۋ تۋرالى كوزقاراستى ايقىنداۋ؛ وقۋشىلار كوزقاراسى: مۇندا وقۋشىلاردىڭ كىم ەكەندەگى، ولاردى قالاي تاربيەلەۋ كەرەكتىگى، ولاردىڭ اقىل – وي بۇلاعىن قايتكەندە تولىق اشۋعا بولاتىندىعى جونىندەگى كوزقاراستى ايقىنداۋ. مىنە وسى جوعارىداعى كوزقاراستاردى وقىتۋشىلار تولىق ايقىنداپ، جاڭا ساباق رەفورماسى تالابىن ناقتى تۇسىنۋلەرى كەرەك. جاڭا ساباق رەفورماسىن ءونىمدى جولعا قويىپ ساباقحانا ونىمدىلىگىن جوعارىلاتۋدا تومەندەگى تۇيىندەرگە ايرىقشا نازار اۋدارۋعا تۋرا كەلەدى.

    بىرىنشدەن، اناءتىلى وقىتۋشىلارى جاڭا ساباق رەفورماسىىندا وزدەرىنىڭ كاسىپتىك ساپاسىن ۇزدىكسىز جوعارىلاتۋى كەرەك. كەزەكتە انا ءتىلى وقىتۋشىلارىندا وقىتۋ ءادىسى ءبىر سىدىرعى بولۋ، ۇلگى كورسەتىپ وقىماۋ، جازۋى كورىكسىز بولۋ، جازعان ماقالاسىنىڭ ءسوز – سويلەمى جاتىق بولماۋ، وسى زامانعى وقىتۋ قۇرىلعىلارىن ىستەتە الماۋ ت.ب. جايتتەر ءومىر سۇرۋدە. سوندىقتان انا ءتىلى وقىتۋشىلارى جان - جاقتى ىزدەنىس جاساپ ۇيرەنۋلەرى، نەگىزگى شەبەرلىگىن ارتتىرۋلارى، وقىتۋشىلاردى تاربيەلەۋ ورىندارى ۇيىمداستىرعان زەرتتەۋ، تالقى، تاربيەلەۋ، جارىس قيمىلدارىنا، باعىتتامالى جەتەكشىلىك ەتۋ قيمىلدارىنا بەلسەنە قاتىناسۋلارى، وقىتۋعا وي جۇگىرتۋلەرى، «ساباق ولشەمىن» يگەرۋلەرى كەرەك.

    ەكىنشىدەن، انا ءتىلى وقىتۋشىلارى جاڭاساباق رەفورماسىندا انا ءتىلى ساباعىنىڭ سيپاتى مەن نىساناسىن انىق ءبىلۋى كەرەك . «انا ءتىلى ساپاسى» انا ءتىل ساباعىنىڭ باس نىساناسى ەكەندىگىن ۇعىنۋى، انا ءتىلى وقىتۋىنىڭ ەرەكشەلىگىن دۇرىس تانىپ جەتۋى كەرەك.

    ۇشىنشىدەن، انا ءتىلى وقىتۋشىلارى جاڭا ساباق وقىتۋىندا وقۋشىلارعا بولعان كوزقاراسقا بۇرىلىس جاساۋلارى كەرەك. وقىتۋشىلار وقۋشىلاردى دامۋ، ەسەيۋ ۇستىندەگى ادام دەپ قاراۋلارى، ولاردى تومەن ساناماۋلارى، ولاردىڭ جاسىنا، جاعدايىنا، دامۋ مۇمكىنشىلىگىنە تولىق تالداۋ جاساۋلارى، ۇيرەنۋدەگى نەگىزدىك تۇلعالىق ورنىنا قۇرمەت ەتۋى ءتيىس. وقىتۋشىلار وقىتۋ بارىسىندا وقۋشىلاردىڭ تۇرمىسى مەن سەزىمىنە، ءمورالدىق تۇرمىسى مەن ادامگەرشىلىگىن جەتىلدىرۋىنە ءمان بەرۋ، پسيحيكالىق اقاۋسىزدىعىنا كوڭىل بولۋلەرى كەرەك.

جاۋاپتى رەداكتور: جازيرا بولاتباي قىزى