كورشىڭىزدىڭ ارەكەتىنەن الدامكوستىك قىلمىسى قالىپتاسادى

  • كەلۋ قاينارى: شينجياڭ زاڭ جانە تۇرمىس گازەتى
  • 03:15:22 13/11/2017

    

    سۇراۋ: كورشىمنىڭ قىزى بازار اينالىپ ءجۇرىپ بەلگىلى ءبىر ساۋدا سارايىنداعى يتاليانىڭ ايگىلى ماركالى تەرى شاپانىن ۇناتىپ قالىپ، قالتاسىنداعى اقشاسى جەتپەيتىن بولعان سوڭ، ارزان باعالى تەرى شاپاننىڭ باعا كارتاسىن قىمبات باعالى تەرى شاپاننىڭ باعا كارتاسىنا اۋىستىرىپ جىبەرىپ الگى ايگىلى ماركالى تەرى شاپاندى ساتىپ العان. ساتۋشى ءۇش كۇن وتكەن سوڭ بۇل ءىستى بايقاپ، دەلو مالىمدەگەن. كورشىمنىڭ قىزىنىڭ ارەكەتىنەن قىلمىس قالىپتاسا ما؟

    جاۋاپ: ءسىز اڭىس ەتكەن جاعدايدان قاراعاندا كورشىڭىزدىڭ قىزىنىڭ ارەكەتىنەن قىلمىس قالىپتاسادى.

    الدامشىلىق قىلمىسى زاڭسىز يەمدەنىپ الۋ ماقساتىندا فاكت ويدىرىپ شىعارۋ نەمەسە ناقتى احۋالدى جاسىرۋ سياقتى تاسىلدەرمەن قوعام جانە جەكەلەردىڭ اقشا - زاتتارىن الداپ الۋ ارەكەتتەرىن كورسەتەدى. فاكت ويدىرۋ دەگەنىمىز قىلمىستىق ارەكەت وتكىزۋشىنىڭ مۇلدە جوق فاكىتتى ويدىرىپ شىعىپ، زيانعا ۇشىراعان ورىن، جەكەلەردىڭ سەنىمىنە يە بولىپ الۋدى كورسەتەدى. ناقتى احۋالدى جاسىرۋ دەگەندە قىلمىستىق ارەكەت وتكىزۋشىنىڭ وبيەكتيۆ ناقتى بولماعان فاكتتەردى جابۋ ارقىلى زيانكەستىككە ۇشىراۋشىنى الجاستىرىپ، ولاردى ناقتى جاعدايدى بىلمەگەن جاعدايدا اقشا - زاتتارىن ءوز ەركىمەن تاپسىرتۋدى كورسەتەدى. كورشىڭىزدىڭ قىزى ناقتى جاعدايدى جاسىرىپ، اقى تولەۋ ارقىلى زات ساتۋشىدا قاتە تۇسىنىك تۋدىرىپ، مال - مۇلىككە زاڭسىز يە بولعان. ونىڭ ارەكەتىنەن الدامشىلىق قىلمىسى قالىپتاسادى.

    («شينجياڭ زاڭ گازەتىنەن»)

جاۋاپتى رەداكتور: جازيرا بولاتباي قىزى