ءنومىر تارتىلاتىن قاتىناس بەلگىلەرى ەسىڭىزدە بولسىن

  • كەلۋ قاينارى: شينجياڭ زاڭ جانە تۇرمىس گازەتى
  • 03:19:40 13/11/2017

    جولدا ۇنەمى كەزىگەتىن كەيبىر بەلگىنى كوپتەگەن ساقا تىزگىنشى ەلەپ - ەسكەرمەيدى نەمەسە وعان نەمقۇرايدى قارايدى. بۇل شاعىن ماقالادا قازاننىڭ 1-كۇنىنەن باستاپ اتقارىلعان قاتاڭ ءنومىر تارتۋ بەلگىلەمەسىندە بۇرىن ءنومىر تارتىلمايتىن قاتىناس قاعيداسىنا قايشى كەيبىر ارەكەتتەن قازىر، ءسوز جوق، ءنومىر تارتىلاتىنىن ەسكەرتپەكپىز. ەگەر مىناداي بەس بەلگىنى تانىماساڭ، شوفەرلىك كۋالىكتەگى ءنومىرىڭ تۇگەل تارتىلۋى ابدەن مۇمكىن.

    ءبىرىنشى بەلگى، توڭكەرىلگەن ءۇشبۇرىش

    توڭكەرىلگەن ءۇشبۇرىش اق ءتۇستى پاراللەل ەكى ۇزىك سىزىق پەن توڭكەرىلگەن ءبىر ءۇشبۇرىشتان قۇرالعان بولىپ، بۇل قارقىندى باياۋلاتىپ جول بەرۋ بەلگىسى. كولىك مۇنداي جەرگە كەلگەندە، ءسوزسىز، قارقىندى باياۋلاتىپ، نەگىزگى جولداعى كولىكتىڭ نەمەسە جاياۋ ادامنىڭ الدىمەن جۇرۋىنە جول بەرۋى كەرەك.

    قارقىندى باياۋلاتىپ جول بەرۋ بەلگىسى ورناتىلعان جول اۋزىندا تارماق جولداعى كولىك پەن نەگىزگى جولداعى كولىك سوعىلۋدان قاتىناس شىرعالاڭى تۋىلسا، تارماق جولداعى كولىك باستى جاۋاپكەرشىلىكتى ارقالايدى. زاۋدەعالام، موتورلى كولىك جاياۋلار جولىنا تاياعاندا، ىرىقتى تۇردە جاياۋ ادامعا جول بەرمەسە، 100 يۋان ايىپ سالىنىپ، 3 ءنومىرى تارتىلادى.

    ەكىنشى بەلگى، رومبى

    مۇنداي بەلگى جاياۋلار جولىنا 30 دا 50 مەتر قالعان ارالىققا ورناتىلادى، ونىڭ رولى تىزگىنشىگە «جاياۋلار جولىنا تاياپ قالدىڭ، قارقىندى باياۋلاتىپ اقىرىن ءجۇر ءارى جاياۋلاردىڭ جولدى كەسىپ وتۋىنەن تۋاتىن قاتەردەن ساقتان» دەگەندى ەسكەرتەدى.

    ءۇشىنشى بەلگى، باعىتتاۋ سىزىعى

    باعىتتاۋ سىزىعى ءبىر نەمەسە بىرنەشە جول اۋزىنىڭ جەر جاعدايىنا قاراي اق ءتۇستى V فورمالى سىزىقتان نەمەسە قيعاش بەدەرلى سىزىقتان قۇرالۋ ارقىلى كولىكتىڭ، ءسوزسىز، بەلگىلەنگەن جولمەن ءجۇرۋىن، سىزىقتى باسۋىنا نەمەسە سىزىقتان ءوتىپ جۇرۋىنە بولمايتىنىن، باعىتتاۋ سىزىعى ۇستىندە كولىكتىڭ باسىن بۇرۋعا دا نەمەسە توقتاۋعا دا بولمايتىنىن بىلدىرەدى. ەگەر مۇنداي جاعداي تەكسەرىپ انىقتالسا، تىزگىنشىگە 100 يۋان ايىپ سالىنىپ، 3 ءنومىرى تارتىلادى.

جاۋاپتى رەداكتور: جازيرا بولاتباي قىزى