قايتالاي قاتىناس شىرعالاڭى تۋىلۋدان ساقتانۋ جونىندە

  • كەلۋ قاينارى: شينجياڭ زاڭ جانە تۇرمىس گازەتى
  • 03:20:32 13/11/2017

    ورال قاسەيىن ۇلى

    

    قاتىناس شىرعالاڭى تۋىلىپ، شىرعالاڭداعى جاۋاپكەر ادام ناق مايداندا داۋ - شاردى ءبىر جاقتى ەتۋ بارىسىندا ارتقى اۆتوموبيىل الدىڭعى جاقتاعى احۋالدى بىلمەي، دەركەزىندە ساقتانا الماي ەكىنشى رەت شىرعالاڭ تۋىلاتىن احۋالدار ۇنەمى كەزىگەدى. كەيدە وسىدان ويلاماعان اۋىر تراگەديالار جارىققا شىعادى. ەندەشە، قايتكەندە ەكىنشى رەتكى شىرعالاڭنىڭ زيانداۋىنان ساقتانۋعا بولادى

    1. كولىكتىڭ وتىن ءوشىرىپ، قول تورموزىن تارتۋ. شىرعالاڭ تۋىلعاننان كەيىن كولىك يەسى الدىمەن كولىكتىڭ وتىن ءوشىرىپ، قول تورموزىن تارتىپ، كولىكتىڭ سىرعاناپ كەتىپ باسقا كولىكتىڭ ارتىنان سوعىپ الۋىنان ساقتانۋ.

    2. كولىكتىڭ ساقتىق سيگىنال شىراعىن جاعىپ، ءۇشبۇرىشتى ەسكەرتۋ تاقتاسىن قويۋ. اۆتوموبيىلدىڭ وتىن وشىرگەننەن كەيىن يەسى اۆتوموبيىلدىڭ ساقتىق سيگىنال شىراعىن جاعۋمەن بىرگە، ءۇشبۇرىشتى ەسكەرتۋ تاقتاسىن لايىقتى ورىنعا قويۋ كەرەك.

    « جۇڭحۋا حالىق رەسپۋبليكاسى جول قاتىناس حاۋىپسىزدىگى زاڭىنىڭ» بەلگىلەمەسىنە نەگىزدەلگەندە «ادەتتەگى جولداردا كولىكتە كىنارات كورىلگەندە نەمەسە شىرعالاڭ تۋىلعان كەزدە اۆتوموبيىلدىڭ ارت جاعىنا 50 دە 100 مەتىر ارالىققا ءۇشبۇرىشتى ەسكەرتۋ تاقتاسىن قويۋى كەرەك؛ جوعارى قارقىندى تاس جولداردا بولسا ماشينانىڭ ارت جاعىنا 150 مەتىر ارالىققا ەسكەرتۋ بەلگىلەرىن قويۋ، جاڭبىرلى تۇماندى كۇندەرى ەسكەرتۋ بەلگىسىن 200 مەتر ارالىققا قويۋ كەرەك» دەپ بەلگىلەنگەن.

    ەسكەرتۋ بەلگىسىن قوياتىن ارالىققا كوڭىل بولۋمەن بىرگە، قوياتىن ورىنعا دا كوڭىل ءبولۋ كەرەك: ءۇشبۇرىشتى ەسكەرتۋ تاقتاسىن اۆتوموبيىلدىڭ تۋرا ارتىنا نەمەسە ۇقساس جولعا قويۋ كەرەك، ماشينانىڭ قيعاش ارتىنا نەمەسە ىرگەلەس جولعا قويۋعا بولمايدى. ەگەر ولشەم بويىنشا قويماعاندا ارت جاقتاعى اۆتوموبيىل شوفەرىندە تالداۋ جاساۋدا قاتەلىك كورىلىپ، قايتالاي شىرعالاڭ تۋىلۋ قاتەرىن ارتتىرادى.

    3. شىرعالاڭ جاۋاپكەرلىگىن ايقىنداۋ، كوپ تۇرىپ الماۋ، ناق مايدانعا ۇيمەلەپ الماۋ. جاۋاپكەرلىك ايقىن بولعان جاعدايدا حاۋىپسىزدىككە كەپىلدىك ەتۋ شارتى استىندا ناق مايداندى سۋرەتكە نەمەسە كەسكىنگە الىپ دالەل - ىسپاتتى تولىقتاعاننان كەيىن اۆتوموبيىلدى جول جاعاسىنا نەمەسە حاۋىپسىز ورىنعا جوتكەۋ كەرەك. ەگەر اۆتوموبيلدى جوتكەپ اكەتۋگە كەلمەسە، دالەل- ىسپاتتاردى تولىقتاعاننان كەيىن ەسكەرتۋ بەلگىلەرىن قويىپ، كولىكتەگى ادامداردى حاۋىپسىز ورىنعا جوتكەۋ، شىرعالاڭ تۋىلعان كولىكتىڭ جانىنا ۇيمەلەپ الماۋ كەرەك. كوپتەگەن قايتالاي تۋىلعان شىرعالاڭ كولىكتىڭ ماڭايىنا ۇيمەلەپ الۋدان كەلىپ شىعادى.

    كولىك قارقىنى تەز بولعان جوعارى قارقىندى تاسجولداردا بارلىق ادام قاتىناس شىرعالاڭىنان ساقتانسا دا، شىرعالاڭ تۋىلعاننان كەيىنگى ەكىنشى رەتكى شىرعالاڭنىڭ تۋىلۋىنا نەمقۇرايدى قارايدى. سوندىقتان، شىرعالاڭ تۋىلعاندا دەركەزىندە، ولشەمدى قورعانۋ شارالارىن قولدانىپ، كولىكتەگىلەردى حاۋىپسىز ورىنعا جوتكەپ، ەكىنشى رەت شىرعالاڭنىڭ تۋىلۋىنىڭ الدىن الۋدى ەسكەرۋى كەرەك.

جاۋاپتى رەداكتور: جازيرا بولاتباي قىزى