ەلىمىز 2020 – جىلعا دەيىن اۋىل – قىستاقتارداعى جاڭالىق جاراتۋشى جانە كاسىپ كوزىن اشۋشى دارىندىلاردان 10 ميلليون ادام – رەت تاربيەلەيدى

  • كەلۋ قاينارى: حالىق تورابى
  • 02:57:21 14/11/2017

 

    شينحۋا اگەنتتىگى، 11 – قاراشا، نانجيڭ (حۋ لۋ، جاۋ جيۋلۇڭ) اۋىل – قىستاقتارداعى كاسىپ كوزىن اشۋ – جاڭالىق جاراتۋدىڭ نەگىزگى تۇلعاسى رەتىندە، جاڭاشا ديحاندار بارعان سايىن ماڭىزدى رول اتقارۋدا. ەلىمىز 2020 – جىلعا دەيىن اۋىل – قىستاقتارداعى جاڭالىق جاراتۋشى جانە كاسىپ كوزىن اشۋشى دارىندىلاردان 10 ميلليون ادام – رەت تاربيەلەيدى.

    ءتىلشى بۇل حاباردى 11 – قاراشا كۇنى سۋجوۋ قالاسىندا اشىلعان تۇڭعىش كەزەكتى جۇڭگو اۋىل – قىستاقتاردا كاسىپ كوزىن اشۋ – جاڭالىق جاراتۋ فورۋمىنان ۇعىستى. اۋىل شارۋاشىلىعى مينيسترى حان چاڭفۋ: قازىر اۋىل – قىستاقتاردا كاسىپ كوزىن اشۋ – جاڭالىق جاراتۋ ەكپىندى ورىستەتىلىپ، تىڭ تولقىن قالىپتاستىرۋدا. اۋىلىنا قايتقان، اۋىلعا تۇسكەن جاڭالىق جاراتۋشى – كاسىپ كوزىن اشۋشى دارىندىلار 7 ميلليون ادامعا جەتىپ، ەرەكشە باعىمشىلىق، مانەرلەۋ – اينالىمعا شىعارۋ، دەمالىستىق ساياحات، ينفورماتسيالىق قىزمەت وتەۋ، ەلەكتروندىق ساۋدا سىندى سالالارعا سايادى. وسى بارىستا جاڭالىق جاراتۋشى – كاسىپ كوزىن اشۋشى نەگىزگى تۇلعالاردىڭ %50تەن استامى ينتەرنەت سىندى وسىزامانعى ينفورماتسيا تەحنيكاسىنان پايدالانادى، ــ دەدى.

    ول: اۋىل – قىستاقتارداعى جاڭالىق جاراتۋ – كاسىپ كوزىن اشۋ ءىسى ءالى دە باستاپقى كەزەڭدە تۇر، ساياساتتىق قولداۋ پارمەنسىز، قىزمەت وتەۋ - جەتەكشىلىك ەتۋ كەمشىل، كاسىپ كوزىن اشۋعا قارجى ەنگىزۋ قيىن، دارىندىلاردى تۇراقتاندىرىپ قالا الماۋ سىندى ماسەلەلەر ورىن تەۋىپ وتىر، ــ دەدى.

جاۋاپتى رەداكتور: گۇلدەن ماقسات قىزى