ەلىمىزدەگى ارحيۆى تۇرعىزىلىپ كارتۋچكا بىتىرگەن 5 ميلليون 530 مىڭ كەدەي وتباسى ەڭبەككۇشى تۇگەلدەي جۇمىستاندى

  • كەلۋ قاينارى: حالىق تورابى
  • 02:58:42 14/11/2017

  

    حالىق تورابى، 13 – قاراشا، بەيجيڭ. ادام كۇش بايلىعى جانە قوعامدىق قامتاماسىزداندىرۋ مينيسترلىگى، مەملەكەتتىك كەڭەستىڭ كەدەيلەردى سۇيەمەلدەۋ كەڭسەسى بىرلىكتە ۇيىمداستىرعان مەملەكەتتىك جۇمىستاندىرۋ، كەدەيلەردى سۇيەمەلدەۋ تاجىربيە الماستىرۋ ناق مايدان جينالىسى جاقىندا جياڭشي ولكەسىنىڭ گانجوۋ قالاسىندا وتكىزىلدى.

    ۇعىسۋعا قاراعاندا، 2017 – جىلى قازان ايىنىڭ اياعىنا دەيىن، ەلىمىزدەگى ارحيۆى تۇرعىزىلىپ كارتۋچكا بىتىرگەن 5 ميلليون 530 مىڭ كەدەي وتباسى ەڭبەككۇشى تۇگەلدەي جۇمىستانىپ، جۇمىستاندىرۋ، كەدەيلەردى سۇيەمەلدەۋ قىزمەتى كورنەكتى تابىسقا قول جەتكىزگەن.

    جياڭشى، شانشي، جياڭسۋ، حۋنان، گۋاڭشي، شينجياڭ قاتارلى 11 ولكە، اۆتونوميالى رايوننان كەلگەن ۋاكىلدەر جينالىستا جەرگىلىكتىڭ ەڭبەككۇشىنىڭ ولكە اتتاۋى نەمەسە ولكە ىشىندەگى ەڭبەككۇش سەلبەستىگى، جەرگىلىكتە جۇمىستانۋ، «كەدەيلەردى سۇيەمەلدەۋ سەحى» قاتارلى جاقتارداعى نەگىزگى ادىستەرى مەن جەتكەن جەتىستىكتەرىن تانىستىردى. ادام كۇش بايلىعى جانە قوعامدىق قامتاماسىزداندىرۋ مينيسترلىگى، مەملەكەتتىك كەڭەستىڭ كەدەيلەردى سۇيەمەلدەۋ كەڭسەسى، قازىنا مينيسترلىگى جانە ءارقايسى ولكە ۋاكىلدەرى جينالىسقا قاتىناسىپ، پىكىر الماستىردى.

جاۋاپتى رەداكتور: گۇلدەن ماقسات قىزى