ەلەكتروندىق ساۋدانى اۋىل – قىستاقتارعا دەيىن جالپىلاستىرۋداعى امبەباپ ۇلگى اۋداندار ىشىندە مەملەكەت دارەجەلى 499 كەدەي اۋدان قامتىلدى

  • كەلۋ قاينارى: حالىق تورابى
  • 03:05:19 14/11/2017

   

        حالىق گازەتى، 12 – قاراشا، سۋچيان (گۋ جۇڭياڭ) ءتىلشىنىڭ مەملەكەتتىك كەڭەستىڭ كەدەيلەردى سۇيەمەلدەۋ كەڭسەسىنەن ۇعىسۋىنشا، جۋىردا وتكىزىلگەن مەملەكەتتىك ەلەكتروندىق ساۋدا ارقىلى كەدەيلەردى دالمە – ءدال سۇيەمەلدەۋ ناق مايدان جيىنىنان ۇعىسۋىنشا، مەملەكەتتىك كەڭەستىڭ كەدەيلەردى سۇيەمەلدەۋ – كوركەيتۋگە باسشىلىق ەتۋ كەڭسەسى ەلەكتروندىق ساۋدا ارقىلى كەدەيلەردى سۇيەمەلدەۋدى «13 – بەسجىلدىق» مەزگىلىندەگى كەدەيلەردى دالمە – ءدال سۇيەمەلدەۋدەگى 10 ينجەنەريانىڭ ءبىرى ەتىپ بەكىتىپ، بەلسەندى تۇردە ىلگەرىلەتەدى. مەملەكەتتىك 16 مينيسترلىك – كوميتەت « كەدەيلەردى ەلەكتروندىق ساۋدا ارقىلى دالمە – ءدال سۇيەمەلدەۋگە جەتەكشىلىك ەتۋ تۋرالى پىكىردى» بىرگە باسىپ تاراتىپ، ەلەكتروندىق ساۋدا ارقىلى كەدەيلەردى سۇيەمەلدەۋ ينجەنەرياسىنا ەڭ جوعارى دەڭگەيدە جوسپار جاسادى.

    قاتىستى تاراۋلار ىلە – شالا كوپتەگەن ساياساتتىق شارالاردى ورتاعا قويدى، وتە – موتە، ساۋدا مينيسترلىگى، قازىنا مينيسترلىگى، مەملەكەتتىك كەڭەستىڭ كەدەيلەردى سۇيەلەمەلدەۋ كەڭسەسى 3 جىلدا تۇگەل قامتۋ سىندى قىزمەت ورنالاستىرۋى بويىنشا، ەلەكتروندىق ساۋدانى اۋىل – قىستاقتاردا جالپىلاستىرۋداعى امبەباپ ۇلگى اۋدان قاتارىنا وتۋگە ءوتىنىش بەرۋ كولەمىن مەملەكەت دارەجەلى كەدەي اۋدان جانە دامۋى كەنجەلەۋ توڭكەرىستىك بايىرعى رايوندار دەپ تۇراقتاندىردى، قازىرگە دەيىن، بۇكىل ەلىمىزدەگى مەملەكەت دارەجەلى 499 كەدەي اۋداندى قامتىدى.

    تانىستىرۋعا قاراعاندا، مەملەكەتتىك كەڭەستىڭ كەدەيلەردى سۇيەمەلدەۋ كەڭسەسى چينليڭ – باشان تاۋلى وڭىرىندەگى لۇڭنان قالاسىندا ەلەكتروندىق ساۋدا ارقىلى كەدەيلەردى سۇيەمەلدەۋدى سىناق ەتۋ ۇلگى رايونىن قۇردى، جەر – جەر ءوز جاعدايلارىنا قاراي جۇرەكتىلىكپەن جاڭالىق جاراتىپ، تاماشا تاجىريبەلەر مەن جاقسى ادىستەر ارت-ارتىنان جارىققا شىعۋدا. بۇكىل ەلىمىز بويىنشا ەلەكتروندىق ساۋدا سالاسىنداعى ءبىرشاما ءىرى 15 تەكشەدە ەلەكتروندىق ساۋدا ارقىلى كەدەيلەردى سۇيەمەلدەۋ بولەگى اشىلدى. جۋىردا ساۋدا مينيسترلىگى، مەملەكەتتىك كەڭەستىڭ كەدەيلەردى سۇيەمەلدەۋ كەڭسەسى جانە ورتالىق تەلەۆيزيا ستانسياسى سەلبەسە وتىرىپ، 100 نەشە كەدەي اۋدانداعى ساپالى اۋىل شارۋاشىلىق قوسىمشا ونىمدەرىن شوعىرلى تۇردە ۇگىتتەپ، كەدەي وڭىرلەردىڭ اۋىل شارۋاشىلىق قوسىمشا ونىمدەرىن شوعىرلى تۇردە ساتىپ الۋعا جەتەلەپ، تۇتىنۋ ارقىلى كەدەيلەردى دالمە – ءدال سۇيەمەلدەۋدى ىسكە اسىرىپ، كەدەي وتباسىلاردىڭ كىرىسىن ارتتىرىپ، تاماشا قوعامدىق اڭىسقا يە بولدى.

جاۋاپتى رەداكتور: گۇلدەن ماقسات قىزى