19 ـ قۇرىلتاي رۋحىن ۇگىتتەۋدىڭ قىزۋ ورلەۋى كوتەرىلدى

  • كەلۋ قاينارى: ىلە گازەتى
  • 03:17:39 14/11/2017

    

    قازاننىڭ 25–كۇنى التاي قالاسى قىزىلتاس قالاشىعى كوكساز قىستاعىندا تۇراتىن قىزمەت اترەتىنىڭ مۇشەلەرى مەن قىستاق  كادرلارى قىستاقتاعى قارت پارتيا مۇشەسى جىلقىباي اقساقالدىڭ وتباسىنا كەلىپ، جۇڭگو كوممۋنيستىك پارتياسى مەملەكەتتىك 19–قۇرىلتايىنىڭ رۋحىن ۇگىتتەدى.

    بۇل كۇندەرى ۇل–قىزدارىن وتاۋلاپ، باقىتتى تۇرمىس كەشىرىپ وتىرعان جاسى 80 نەن اسقان قارت پارتيا مۇشەسى جىلقىباي اقساقال قىزمەت اترەتىندەگىلەردىڭ ۇگىت جاساپ كەلگەنىنە قۋانىپ، بىلاي دەدى: قۇرىلتاي اشىلعاننان بەرى تەلەۆيزوردان حاباردى ۇزبەي كورىپ كەلەمىن. پارتيانىڭ ابزال ساياساتىنىڭ ارقاسىندا جاقسى تۇرمىس كەشىرىپ وتىرمىن. قازىر قىستاقتىڭ وزىندە قوس ءتىل بالالار باقشاسى بار، نەمەرەم سوندا وقيدى. وسى جولعى قۇرىلتايدا ديقاندارعا جەردى 30 جىلعا كوتەرمەگە بەرۋ سىندى كوپتەگەن ابزال ساياساتتار العا قويىلدى، تۇرمىسىمىزدىڭ بۇدان دا جاقساراتىندىعىنا سەنىمىم كامىل.

    جۇڭگو كوممۋنيستىك پارتياسى مەملەكەتتىك 19–قۇرىلتايى اشىلعاننان بەرى ايماعىمىزدىڭ ءارقايسى قىستاقتارىنداعى قىزمەت اترەتىندەگى قىزمەتكەرلەر قىستاقتاعى وتباسىلارىن، الەۋمەتتىك رايونداردى، مەكتەپتەردى ارالاپ «التاي گازەتى» سياقتى ۇگىت قۇرالدارىنان پايدالانىپ، قۇرىلتاي رۋحىن ۇگىتتەدى ءارى وزدەرىنىڭ ءىس جۇزىندىك ارەكەتتەرى ارقىلى تياناقتاندىرىپ، ايماعىمىز كولەمىندە قۇرىلتايدىڭ رۋحىن ۇيرەنۋ قىزۋ ورلەۋىن كوتەردى.

    ارداق بەيىسقان ۇلى

جاۋاپتى رەداكتور: جازيرا بولاتباي قىزى