«انا مەكتەبىمدى جاسىلداندىرىپ، قالامشامەن بىرگە وسەمىن» اتىنداعى اعاش ەگۋ ناۋقانى وتكىزىلدى

  • كەلۋ قاينارى: ىلە گازەتى
  • 03:18:22 14/11/2017

    

    جۋىقتا 4 – ديۆيزيانىڭ 71-پولىك الاڭى ورتا مەكتەبى وقۋشىلارعا «انا مەكتەبىمدى جاسىلداندىرىپ، قالامشامەن بىرگە وسەمىن» اتىنداعى اعاش ەگۋ ناۋقانىن وتكىزدى. مەكتەپتىڭ ءارقايسى جىلدىقتارىنداعى وقۋشىلار ۇيلەرىنەن ءبىر- ەكى تۇپتەن قالامشا الا اكەلدى. جۋىقتان بەرى وقۋشىلاردىڭ مەكتەپكە تارتۋ ەتكەن ءتۇرلى جەمىس اعاشى قالامشالارى 30 نەشە تۇپتەن استى.

    19-قۇرىلتاي بايانداماسىنىڭ رۋحىن جاپپاي مۇقيات ۇيرەنىپ، ونى امالياتتا ايگىلەۋدى كوزدە ۇستاعان 71-پولىك پارتكومى ادام مەن تابيعاتتىڭ جاراسىمدىلىن دارىپتەپ وتىرعان مىنا قوعامعا ءوز ۇلەستەرىن قوسىپ، سۋى ءمولدىر، اسپانى كوك، جاسىل جازيرالى ورتا جاراتۋ ماقساتىمەن كۇز ماۋسىمىنداعى «انا مەكتەبىمىدى جاسىلداندىرىپ، قالامشامەن بىرگە وسەمىن» اتتى اعاش ەگۋ ناۋقانىن وتكىزدى.

    ءار جىلدىقتىڭ وقۋشىلارى اكەلگەن اعاش قالامشالارىن مەكتەپ اۋلاسىنىڭ بوس جەرلەرىنە وزدەرى وتىرعىزدى. سونىمەن بىرگە اعاش قالامشاسىنا ەگىلگەن ۋاقىتتى مەن ەككەن جىلدىق جانە اعاشتىڭ اتى، باپتايتىن ادام اتى جازىلىپ ءىلىنىپ، وقۋشىلاردىڭ ەڭبەكتى ءسۇيۋ بەلسەندىلىگىن جوعارىلاتىپ قالماستان، اعاشتىڭ قاتارعا قوسىلۋىنا كەپىلدىك ەتىلدى.

    مەكتەپ اۋلاسىندا بۇرىننان بار اعاشتار مەن جاڭادان وتىرعىزىلعان اعاشتار كورەر كوزگە ءبىر ءتۇرلى ءلاززات باعىشتادى. مىنە بۇل وقۋشىلار جونىنەن العاندا قارشادايىنان باستاپ جاساعان ورتاسىن قورعاۋ تانىمىن جوعارىلاتۋلارى ءۇشىن تاپتىرماس امالياتتىق تاربيە بولدى. «الدىڭعىلاردىڭ ەكەن اعاشى، سوڭعىلارعا سايا بولادى» دەگەندەي، بۇدان كەيىن وقۋشىلارعا جاساعان ورتانى قورعاۋ ءاربىر ازاماتىڭ بورىشى ەكەنىن اڭعارتىپ، ولاردى ەڭبەككە باۋلۋدا تاماشا رول اتقاردى.

    جەڭىسنۇر قاليبەك ۇلى

جاۋاپتى رەداكتور: جازيرا بولاتباي قىزى