بەيقۇت ءۇي ارقىلى حالىقتى اۋقاتتاندىرۋ ينجەنەرياسى بۇقارانى باقىتتى تۇرمىسقا كەنەلتتى

  • كەلۋ قاينارى: ىلە گازەتى
  • 03:19:14 14/11/2017

    

    جۋىق جىلداردان بەرى ىلە قازاق اۆتونوميالى وبلىسى بەيقۇت ءۇي ارقىلى حالىقتى اۋقاتتاندىرۋ ينجەنەرياسىن ءبىر تۇتاس جوسپارلاپ، ۇيلەسىمدى ورنالاستىرىپ، بەيقۇت ءۇيدىڭ حاۋىپسىز، ولشەمدى بولۋ پرينسيبىنە تاباندى بولىپ، بەيقۇت ءۇي ارقىلى حالىقتى اۋقاتتاندىرۋ ينجەنەرياسىن بارىنشا ىلگەرىلەتتى.

    اۆتونوميالى رايوندىق پارتكوم مەن حالىق ۇكىمەتى 2011–جىلدان 2016–جىلعا دەيىنگى 7 جىلدى «بەيقۇت ءۇي سالىپ، حالىقتى اۋقاتتاندىرۋ ينجەنەرياسى» ۇزدىكسىز اتقارىلاتىن حالىق تۇرمىسى جىلى ەتىپ بەلگىلەگەننەن كەيىن، ىلە وبلىسى توتە قاراستى اۋدان، قالالاردىڭ ءىس جۇزىندىك جاعدايىنا قاراي ءتۇرلى ۇتىمدى شارالار قولدانىپ، ءتۇيىندى ينجەنەريالاردى الدىمەن اتقارىپ، وسى ۇلى ينجەنەريانىڭ دەر كەزىندە ورىندالۋىنا كەپىلدىك ەتتى. وسى 7 جىلدا ىلە وبلىسىنا توتە قاراستى ورىندار 245 مىڭ 960 وتباسىنا بەيقۇت ءۇي سالىپ، بۇعان 23 ميلليارد 470 ميلليون يۋان قارجى جۇمساپ، مىندەتتى تولىق ورىندادى. ءسويتىپ «بەيقۇت ءۇي ارقىلى حالىقتى اۋقاتتاندىرۋ ينجەنەرياسىنىڭ» ىلە اڭعارىندا تولىق جۇزەگە اسۋى وبلىسقا توتە قاراستى ورىندارداعى ءار ۇلت بۇقاراسىن باقىتتى تۇرمىسقا كەنەلتتى.

    وبلىسقا توتە قاراستى ورىندار«بەيقۇت ءۇي ارقىلى حالىقتى اۋقاتتاندىرۋ ينجەنەرياسىن» اتقارۋ بارىسىندا بۇل جۇمىستى اپاتتان كەيىنگى قايتا قۇرۋ قىزمەتىمەن، اۋىل، قالاشىقتارداعى سىلكىنىسكە ءتوزىمدى ءۇي سالۋ قىزمەتىمەن ۇشتاستىرىپ، ءبىر تۇتاس جوسپارلاپ ۇيلەسىمدى ورنالاستىرۋلار جاسادى. جاقىنعى ءۇش جىلدا وبلىسقا توتە قاراستى ورىنداردا جاراتىلىستىق اپاتقا ۇشىراعان 34 مىڭ 32 وتباسى وسى «بەيقۇت ءۇي ارقىلى حالىقتى اۋقاتتاندىرۋ ينجەنەرياسىنا» ەنگىزىلىپ تاماشا ەكونوميكالىق جانە قوعامدىق ونىمدىلىككە قول جەتكىزىلدى. بيىل بۇراتالا وبلىسى جىڭ اۋدانىندا 6.6 بال جەر سىلكىنىپ ىلە اڭعارىندا سىلكىنىس اسەرى كۇشتى بولسا دا ىلەدەگى بەيقۇت ۇيلەر ءدىن امان بولدى.

    بۇدان سىرت، وبلىسقا توتە قاراستى ورىندار «بەيقۇت ءۇي ارقىلى حالىقتى اۋقاتتاندىرۋ ينجەنەرياسىن» ءار قايسى اۋدان، قالالاردىڭ وزىندىك ەرەكشەلىگىنە قاراي ساياحات، باعىمشىلىق، قولونەر كاسىبى بازالارىن كولەمدەندىرۋ، شارۋالار شاتتىعى ساياجايلارىن دامىتۋ سياقتى جاقتارعا بەيىمدەپ، ۇقساماعان فورمادا بەيقۇت ءۇي قۇرىلىسىن سالىپ، جەرگىلىكتى ورىندارداعى شارۋالاردى بەيقۇت ۇيگە كوشىرۋ مەن بىرگە، كىرىستەرىنىڭ ارتۋىنا قولايلىلىق جاساپ، حالىقتى اۋقاتتاندىرۋ ينجەنەرياسىن دا ءساتتى ىلگەرىلەتتى.

    باقىتبەك جۇمادىل ۇلى

جاۋاپتى رەداكتور: جازيرا بولاتباي قىزى