ىلە وبلىسىنا توتە قاراستى ورىندار توپىراقتى تەرەڭ بوساتۋ تەحنيكاسىن جالپىلاستىردى

  • كەلۋ قاينارى: ىلە گازەتى
  • 03:19:51 14/11/2017

    بيىل ىلە وبلىسىنا توتە قاراستى ورىندار توپىراقتى تەرەڭ بوساتۋ تەحنيكاسىن جالپىلاستىرۋدى اۋىل شارۋاشىلىعىن ماشينالاندىرۋ قىزمەتىندەگى ماڭىزدى تۇيىندەردىڭ ءبىرى ەتىپ، تەحنيكالىق جاقتان ۇلگى كورسەتۋ قىزمەتىن جەدەلدەتتى ءارى توپىراقتى تەرەڭ بوساتىپ جەردى تەگىستەۋ قوسىمشا قاراجات ساياساتىن اتقارۋدى تەزدەتىپ، اۋىل شارۋاشىلىعىنىڭ ءوندىرىس شارت–جاعدايىن جاقسارتىپ، ىلەنىڭ اۋىل شارۋاشىلىق ءوندىرىسىن وسىزامانداندىرۋ قۇرىلىسىن ىلگەرىلەتتى.

    ىلە وبلىستىق اۋىل شارۋاشىلىق ماشينالارى باس پۋنكتىنەن ۇعىسۋىمىزشا، وتكەن جىلدان بەرى ىلە وبلىسىنا توتە قاراستى ورىندار جۇگەرى، قىزىلشا اتىزدارى مەن شابىندىقتاردا توپىراقتى تەرەڭ بوساتۋدى ماشينالاندىرۋ تەحنيكاسىنان ۇلگى كورسەتۋ ءتۇيىنىن قۇرعان. بۇل بارىستا توپىراقتى تەرەڭ بوساتاتىن ءار تۇردەگى اۋىل شارۋاشىلىق ماشينا جابدىقتارىنان 97 داناسىن ەنگىزىپ، ءوندىرىس ونىمدىلىگىن جوعارىلاتاتىن، بايلىق قاينارىن ۇنەمدەيتىن، ەكولوگيالىق ورتانى بۇلدىرمەيتىن جاڭا تەحنيكالاردى جالپىلاستىردى. اۋىل شارۋاشىلىعىن ماشينالاندىرۋ جونىندە ارناۋلى كۋرس اشىپ، جوعارى دارەجەلى اۋىل شارۋاشىلىق ماشينالارى تەحنيكتەرىن ديقاندارعا ساباق وتۋگە ۇسىنىس ەتتى. وزىق، جاڭا تۇرپاتتى اۋىل شارۋاشىلىق ماشينالارىمەن توپىراقتى تەرەڭ بوساتىپ جەردى تەگىستەۋدى ناق مايداندا ىستەپ كورسەتتى، سونداي–اق اۋىل شارۋاشىلىق ماشينا جابدىقتارىن تاڭداپ ساتىپ الۋ، تەحنيكالىق سىناق جاساۋ سياقتى نازاريالىق جاقتان تالقى ورىستەتىپ، توپىراقتى تەرەڭ بوساتۋدىڭ ءوندىرىس ونىمدىلىگىن ارتتىرۋداعى رولى سياقتى جاقتاردا ۇگىت جۇرگىزدى. شارۋالاردى قازىرگى زامانعى جاڭا، وزىق تەحنيكادان، جاڭا تۇرپاتتى اۋىل شارۋاشىلىق ماشينا جابدىقتارىنان ۇتىمدى پايدالانۋعا جەبەپ، اۋىل شارۋاشىلىعىن ماشينالاندىرۋ قۇرىلىمىن كەمەلدەندىرىپ، ەكولوگيالىق اۋىل شارۋاشىلىعىنىڭ دامۋىن ىلگەرىلەتتى، قازىرگە دەيىن، ىلە وبلىسىنا توتە قاراستى ورىندار ءبيداي، جۇگەرى، قىشى، زىعىر، شەكىلدەۋىك، ءجۇزىم سياقتى اۋىل شارۋاشىلىق داقىلدارى ەگىلگەن اتىزداردا توپىراقتى تەرەڭ بوساتۋ تەحنيكاسى جالپىلاستىرىلعان اۋماق ءبىر ميلليون 214 مىڭ مۋعا جەتكەن.

    بيىل ىلە وبلىسى اۋىل شارۋاشىلىق ماشينالارى رەفورماسىن تەرەڭدەتۋدىڭ ءتۇيىنىن اۋىل شارۋاشىلىعىنىڭ قۇرىلىمدىق قامداۋ رەفورماسىن ىلگەرىلەتۋ جاعىنا بەيىمدەپ، ىلە وبلىسىنا توتە قاراستى ورىنداردىڭ اۋىل شارۋاشىلىعىن ماشينالاندىرۋ دەڭگەيىن جوعارىلاتىپ، توپىراقتى تەرەڭ بوساتۋ تەحنيكاسىن جالپىلاستىرۋ قادامىن جەدەلدەتتى. مۇندا ىلە وبلىسىنا توتە قاراستى ورىندار بيىل جىل سوڭىنا دەيىن 250 مىڭ مۋ جەرگە وسى تەحنيكانى جالپىلاستىرۋدى كوزدەپ وتىر ەكەن، قازىر بۇل تەحنيكانى جالپىلاستىرۋ قىزمەتى جەر–جەردە ءتارتىپتى جۇرگىزىلۋدە.

    اقىلباي مۇقامەتقالي ۇلى

جاۋاپتى رەداكتور: جازيرا بولاتباي قىزى