تەكەس اۋدانىندا قىزاناقتان مول ءونىم الىندى

  • كەلۋ قاينارى: ىلە گازەتى
  • 03:20:30 14/11/2017

    جاقىنعى جىلداردان بەرى تەكەس اۋدانى «وڭىرلىك ساياحاتتى دامىتۋ» نىساناسىن تىعىز توڭىرەكتەپ، ەكولوگيا، اۋارايى ابزالدىعىن تياناق ەتىپ، زالالسىز كوكونىس ەگۋ بازا قۇرىلىسىن مىقتى يگەرىپ، قۇرىلعىلى اۋىل شارۋاشىلىعىن كۇش سالا دامىتتى. بيىل تەكەس اۋدانىندا قىزاناق ەگىلگەن جالپى جەر كولەمى قۇرىلعىلى اۋىل شارۋاشىلىعى بازاسىنىڭ جالپى جەر كولەمىنىڭ %70 تىن يەلەپ، ءبىرىنشى توپتاعى قىزاناق گۋاڭجوۋ، شىنجىن، ۋىنجوۋ سياقتى قالالارعا ساتىلدى، ەكىنشى توپتاعى قىزاناق قازاقستان سياقتى ورتا ازياداعى مەملەكەتتەرگە ساتىلماقشى.

    تەكەس اۋدانى قۇجىرتى موڭعۇل ۇلتتىق اۋىلىنداعى قۇرىلعىلى اۋىل شارۋاشىلىعى ەگىمشىلىك بازاسىندا قىپ–قىزىل بولىپ پىسقان قىزاناقتى ۇزۋمەن ابىگەر بولىپ جۇرگەن وۋ يۇنيان قۋانىشتى بەينەدە تىلشىگە: ءوزىنىڭ گانسۋدان قونىس اۋدارىپ تەكەس اۋدانىنا كەلىپ، جىلىجايدا كوكونىس ەككەنىنە 6 جىل بولعانىن، باستابىندا تەحنيكا جەتكىلىكسىز بولۋ سەبەبىنەن، تەك ٴبىر جىلىجايدا عانا كوكونىس ەككەنىن، قازىر كوكونىس ەگۋ تاجىريبەسى جوعارىلاعان سايىن ەگىمشىلىك كولەمىن دە كەڭەيىتكەنىن، بيىل ءۇش جىلىجايعا ەككەن قىزاناعىنىڭ ءونىمى جاقسى بولىپ سىرتقا ساتىلا باستاعانىن، كەلەر جىلى تاعى ەكى جىلىجايدا كوبەيتىپ ەگۋ بەكىمىنە كەلگەندىگىن ايتتى.

    ۇعىسۋعا قاراعاندا، بيىل تەكەس اۋدانى ءتۇرلى شارالاردان ۇتىمدى پايدالانىپ، ەگىنشىلەردىڭ كوكونىستەرىنىڭ باعاسىنا كەپىلدىك ەتە وتىرىپ، كووپەراتيۆكە ساتۋىنا كومەكتەسىپ، شارۋالاردىڭ كىرىسىنە شىنايى كەپىلدىك ەتىپ، ساۋدا سەرىكتىكتەرىمەن سەلبەسىپ، قىزاناقتى سىرت مەملەكەتتەرگە ساتۋىنا كومەكتەستى ءارى سىرت جەرلەرگە ساتۋ ارناسىن اشۋ ارقىلى تەكەس اۋدانىنىڭ اۋىل–شارۋاشىلىق ونىمدەرىنىڭ دامۋىن جەبەپ، ەگىنشىلەردىڭ كىرىسىن ارتتىرىپ، كوكونىس ەگۋ بەلسەندىلىگىن ارتتىردى.

    تەكەس اۋداندىق كوجە–قاتىق كەڭسەسىنىڭ ورىنباسار مەڭگەرۋشىسى شيۇڭ چي: ەندىگى قادامدا ءبىز قازاقستان، ورتا ازيا مەملەكەتتەرىنە قىزاناق ەكسپورت ەتپەكشىمىز، سىرتقا ساتۋدىڭ باعاسى جەرگىلىكتى باعادان جوعارى بولادى ءارى اۋىل شارۋاشىلىق ونىمدەرىنىڭ ءوتىمسىز بولۋ ماسەلەسىن شەشىم ەتەدى. سىرتقا ساتۋ ارناسى اشىلعاننان كەيىن، ءبىر جاعىنان، قۇرىلعىلى اۋىل شارۋاشىلىعىنىڭ دامۋ كولەمىن ۇزدىكسىز كەڭەيتەدى، ەندى ءبىرجاعىنان، ونىمدەردىڭ باعاسى جوعارى بولادى دا، ديقانداردىڭ كىرىسىن ارتتىرادى،–دەدى.

    پانيگۇل اۋقىش قىزى

جاۋاپتى رەداكتور: جازيرا بولاتباي قىزى