اۆتونوميالى وبلىس پارتيا 19 – قۇرىلتايىنىڭ رۋحى جونىندە ۇگىت – لەكسيا جاساۋعا جۇمىلدىرۋ ءماجىلىسىن وتكىزدى

  • كەلۋ قاينارى: ىلە گازەتى
  • 03:10:41 15/11/2017

    ۇگىت – لەكسيا ۇيىرمەسى اۋدان، قالالارداعى نەگىزگى ساتىلارعا بارىپ، ۇگىت – لەكسيا جاساماق

    

    ءتىلشىمىز ليۋ ليجۇن حابارلايدى. اۆتونوميالى وبلىس قاراشانىڭ 13 – كۇنى پارتيا 19 – قۇرىلتايىنىڭ رۋحى جونىندە ۇگىت – لەكسيا جاساۋعا جۇمىلدىرۋ ءماجىلىسىن وتكىزىپ، وبلىستىق پارتكومنىڭ «اۆتونوميالى وبلىستىڭ ۇگىت – لەكسيا ۇيىرمەسىنىڭ اۋدان، قالالاردا (وتكەلدەر) <پارتيا 19 – قۇرىلتايىنىڭ رۋحىن> ۇگىتتەۋ قيمىلىن ويداعىداي ورىستەتۋ جونىندەگى حابارلاندىرۋىن» جەتكىزىپ، ۇگىت – لەكسيا قيمىلىنا قاتىستى ناقتى ىستەردى ورنالاستىردى. اۆتونوميالى وبلىستىڭ «پارتيا 19 – قۇرىلتايىنىڭ رۋحىن» ۇگىتتەۋ ۇيىرمەسىنىڭ 14 مۇشەسى وسى كۇننەن باستاپ وبلىسقا توتە قاراستى سەگىز اۋدان، ءۇش قالاعا بارىپ، پارتيا 19 – قۇرىلتايىنىڭ رۋحى جونىندە 3 تىلدە ۇگىت – لەكسيا جاسايدى.

    وبلىستىق پارتكومنىڭ ورىنباسار شۋجيى، ۇيىمداستىرۋ ءبولىمىنىڭ باستىعى، «پارتيا 19 – قۇرىلتايىنىڭ رۋحىن» ۇگىتتەۋ ۇيىرمەسىنىڭ باستىعى شى گاڭ جۇمىلدىرۋ ءماجىلىسىن باسقاردى ءارى ءسوز سويلەدى. وبلىستىق ساياسي كەڭەس پارتگرۋپپاسىنىڭ شۋجيى، ۇگىت – لەكسيا ۇيىرمەسىنىڭ ورىنباسار باستىعى يان گوسان ماجىلىسكە قاتىناستى.

    وبلىستىق پارتكوم پارتيا 19 _ قۇرىلتايىنىڭ رۋحى جونىندە ۇگىت – لەكسيا جاساۋ قىزمەتىنە وسكەلەڭ ءمان بەردى. ۇعىسۋىمىزشا، وبلىستىق پارتكوم وبلىس باسشىلارىنان جانە ۇگىت ءبولىمى، پارتيا مەكتەبى، لەكتورلار ۇيىرمەسى سياقتى ورىنداردىڭ باسشىلارىنان، سونداي – اق نازاريا تىرەكتىلەرىنەن 6 ادامدى ۇگىت – لەكسيا جاساۋعا سەپتەگەن. ۇگىت – لەكسيا ۇيىرمەسى مۇشەلەرىنىڭ نازاريالىق نەگىز كۇشتى، امالياتتىق تاجىريبەسى مول ەكەن.

    جۇمىلدىرۋ ماجىلىسىندە شى گاڭ وبلىستىق پارتكوم اتىنان مىناداي تالاپتاردى العا قويدى: ۇگىت – لەكسيا ۇيىرمەسىنىڭ مۇشەلەرى پارتيا 19 – قۇرىلتايىنىڭ رۋحىن دۇرىس يگەرىپ، قۇرىلتاي رۋحى جونىندە جان – جاقتى، دۇرىس ۇگىت – لەكسيا جاساپ، بارشا كادرلار مەن جۇرتشىلىقتىڭ قۇرىلتاي رۋحىن تەرەڭ ۇعىنۋىنا كومەكتەسۋى كەرەك. باس شۋجي شي جينپيڭنىڭ نۇسقاۋىنا ساي پارتيا 19 – قۇرىلتايىندا ورتاعا قويىلعان تىڭ يدەيا، تۇجىرىم، نىسانا، مىندەتتەردى دۇرىس ءتۇسىندىرىپ، ونى شىنايى ۇيرەنۋگە جانە يگەرۋگە كۇش سالۋ كەرەك. ونى ءىس جۇزىندىكپەن بايلانىستىرۋعا، ماسەلەنى نىشان ەتۋگە، ىشكەرىلەي تۇسىندىرۋگە تاباندى بولىپ، كادرلار مەن بۇقارا كوڭىل ءبولىپ وتىرعان ىستەرگە جاۋاپ قايتارىپ، ۇگىت – لەكسيا قيمىلىنىڭ باعىتتامالىلىعى مەن ونىمدىلىگىن كۇشەيتۋ كەرەك. «سەگىزدى ايقىن ءتۇسىندىرۋى» __ پارتيا 19 – قۇرىلتايىنىڭ ايقىن باستى تاقىرىبىن؛ شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ باي مازمۇنىن؛ پارتيا 18 – قۇرىلتايىنان بەرگى پارتيا مەن مەملەكەت ىستەرىندە تۋىلعان تاريحي وزگەرىستەر مەن جاڭالىقتاردى؛ جۇڭگوشا سوتسياليزمنىڭ جاڭا داۋىرگە ءوتۋىنىڭ ماڭىزدى ءمانىن؛ ەلىمىز قوعامىنىڭ باستى قايشىلىعىنىڭ وزگەرۋىنىڭ تەرەڭ ىقپالىن؛ «قوس ءجۇز جىلدىق» كۇرەس نىساناسىن؛ پارتيانى جاپپاي قاتاڭ جونگە سالۋ جونىندەگى كەلەلى ورنالاستىرۋدان اۋىتقىماۋدى؛ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن ايقىن ءتۇسىندىرۋ كەرەك.

    ماجىلىستە، يان گوسان مىنانى تالاپ ەتتى: ۇگىت – لەكسيا ۇيىرمەسىندەگىلەر ساياسي وتكەلدى مىقتى يگەرۋى، مازمۇن جاعىندا نەگىزگى ءتۇيىندى كورنەكتىلەندىرۋى، ۋاقىتتى ۇتىمداۋى، فورما جاعىندا مۇمكىندىگىنشە جاندى دا يكەمدى بولۋى كەرەك. وبلىستىق پارتكومنىڭ تالابىن تياناقتاندىرۋ ءۇشىن ىلەنىڭ، شينجياڭنىڭ ءىس جۇزىندىگىمەن بىرلەستىرە وتىرىپ، نازاردى باس نىساناعا شوعىرلاندىرىپ، ىلەنىڭ ەكولوگياسىن قورعاۋ، حالىق تۇرمىسى جاعىنداعى مازمۇندارمەن قابىستىرا سويلەۋ كەرەك.

جاۋاپتى رەداكتور: جازيرا بولاتباي قىزى