داۋلەسكەر كۇيشى، دارىندى كومپوزيتور ەدى

  • كەلۋ قاينارى: ىلە گازەتى
  • 03:06:27 23/11/2017

    (عيزات سەيىتقازيندى ەسكە الۋ)

    كامالبەك بوقان ۇلى

    

    ءالى ەسىمدە 1984–جىلى اق تۇيەنىڭ قارنى جارىلعان التىن كۇز. وندا مەن قىزمەتكە شىققانىما نە ءبارى ءبىر جىل عانا بولعان، تارباعاتاي ايماقتىق 2–ورتا مەكتەپتە ىستەيتىنمىن. قازان مەرەكەسى كەلۋ قارساڭىنداعى دەمالىس ورايىمەن تولى اۋدانى كۋپ اۋىلىنداعى تۋىستارىما جول الدىم. بىرەر كۇن ەرۋ بولعان سوڭ اقىن اعامىز قاجىبەك توتەكيىنگە:

    _ اعاسى، «ونەرلىدەن ونەگە»، «جاقسىنى كورمەككە» دەگەندەي عيزات سەيىتقازين دەگەن كۇيشىنى ءبىر كورىپ، كۇيىن ەستىسەم دەپ ەدىم، ءوزىڭىزدىڭ ونەردەگى دوسىڭىز ەكەن، وسىنىڭ ورايىن كەلتىرمەيسىز بە؟–دەگەنىمدە:

    _ بولادى، قازىر اۋدانعا اۋىلىمىزدىڭ قارا ماشيناسىن ايدايتىن ماناس اتتى شوفەر جۇرمەكشى، سونىمەن بىرگە كەتەيىك،–دەدى دەرەۋ ورنىنان تۇرەگەلىپ.

    ءبىز كۋپتىڭ جازىعىن ءبىر ساعاتتاي ۋاقىت قۋسىرىپ وتتىك تە، اۋدان قالاشىعىنا كىرىپ كەتتىك. ماشينادان ءتۇسىپ قاجەكەڭنىڭ باستاۋىندا اۋدان قالاشىعىنىڭ ورتالىق كوشەسىنە تۋرا كەلەتىن جۇپىنى تام ۇيلەردىڭ قاقپاسىنىڭ بىرەۋىن ايقارا اشىپ كىرگەنىمىزدە، قارا شاشىن ارتىنا قايىرىپ تاراعان، ورتا بويلى، قىر مۇرىندى، قىزىل شىرايلى ادام ءبىزدى كورە سالا:

    _ بارەكەلدى، قازان مەرەكەلەرىڭ قۇتتى بولسىن!–دەپ قول بەرىپ، قالبىراقتاي ءبىزدى ۇيگە باستادى.

    ءبىز وسى كۇنى عيزات وتباسىنىڭ اق داستارقانىنىڭ باسىندا ەستەن كەتپەس اسا ءبىر كوڭىلدى كۇندى وتكىزدىك. ارەدىكتە:

    _ عيزات، مىناۋ مەنىڭ جيەنىم، اقىن بولامىن با، ءانشى بولامىن با؟ دەپ جۇرگەن جاس تالاپكەر، ساعان سالەم بەرىپ، كۇيلەرىڭدى، اندەرىڭدى ەستيىن دەپ كەلدى. ال دومبىراڭدى قولعا الدا، «سالەركە ماتورىڭا» باس،–دەدى قاجەكەڭ توردە ءىلۋلى تۇرعان دومبىراعا قول سوزىپ جاتىپ.

    دومبىرانىڭ قۇلاق كۇيىن تەڭشەپ وتىرعان عيزات اعا اسا سالماقتى دا سابىرلى كۇيگە اۋىسىپ، دومبىرانىڭ ەڭ باسقى ءبىرىنشى پەرنەسىنەن باستالاتىن «كوركەم جايىر» كۇيىن كۇمبىرلەتە كەلە بىردەن جەل ماياداي جەلدىرتە جونەلدى، مىنە قازان ايىنىڭ مايدا قوڭىر سامالى بەتەگەنى باياۋ سيپاپ وتكەندەي كۇي ءبىزدى قاناتىنا قوندىرىپ، التىن كۇزدەگى الۋان ءتۇرلى، مول جەمىستى جاسىل باقتارعا، كوركەم جايىر جايلاۋىنا الىپ ۇشىپ بارا جاتقانداي، ءتىلسىم تابيعات دۇنيەسىنىڭ ماي بوياۋلى سۇلۋ سۋرەتتەي جەر جاناتىندا سەيىل سەرۋەنىن قۇرعىزعانداي كۇي كەشتىردى. مىنە ەندى «ەمىل تولقىنى» بىردە باياۋ عانا كىلكىپ اقسا، بىردە الدىڭعى تولقىنىن كەيىنگى تولقىنى قۋىپ جەتىپ، باسىپ وزعانداي ءار داۋىردەگى ونەر يەلەرىنىڭ ومىرىنەن ەلەس بەرگەندەي، ايدىنىندا اققۋ–قازدارى قالقىپ ءماز–ءمايرام بولعان، بۇگىنگى «قوي ۇستىنە بوزتورعاي جۇمىرتقالاعان» بەيبىت ءومىردى يشارالاعانداي دومبىرانىڭ شاراپاتتى شاناعىنان «ەمىل تولقىنى» كۇي بولىپ وسىلاي توگىلىپ، ءان بولىپ شالقىپ، ەمىل وزەنىنىڭ ءشارباتىنان مەيلىنشە جۇتقانداي بولدىق. وسىعان جالعاس ۇستازى ءبازعالامنىڭ بىرنەشە كۇيىن ورىنداعان عيزات اعا:

جاۋاپتى رەداكتور: جازيرا بولاتباي قىزى