سارالا جاپىراقتار

  • كەلۋ قاينارى: جولداما تۋىندى
  • 10:44:51 23/11/2017

     ( لەزدىك فوتو شالقىما)

    باقىتبەك ءجۇمادىل ۇلى

 

 

    توڭىرەكتەگى جاپىراقتاردىڭ سارعايىپ بارا جاتقانىن بايقاپ، تاعى ءبىر كۇز كەلىپتى- اۋ، - دەپ قالامىز. جازدىڭ جايدارى اپتابىنا بەتىن سۇيگىزىپ، سامال جەلمەن سىلدىرلاي ىرعالا سىر شەرتىپ، بۇتاقتىڭ ءسانى بولعانىن ماقتانىش ەتكەندەي بولىپ تۇراتىن جاپىراقتار دا وزدەرىنىڭ قاپەلىمدە سارعايىپ بارا جاتقانىن سەزبەي دە قالاتىن شىعار بالكىم. الايدا سارى كۇزدىڭ الاۋىمەن بىرتىندەپ «التىنمەن اپتالعانداي» بولىپ سارعاياتىن جاپىراقتار ساعىمدانعان سايىن دالاعا، سىڭسىعان ورمانعا، سالالى بۇتاقتى قارت ءباي تەرەكتەرگە، اق بالتىر قايىڭعا، جاعاداعى جاس تالعا كوزگە جاعىمدى، كوڭىلگە جىلى سەزىلەتىن سارى ءتۇسپەن ءسان بەرەدى. ويتكەنى جاپىراقتار التىن كۇزدىڭ الاۋىن ارايىنا جيىپ الىپ، سارالا تارتقاندا كوكەيگە جىلى شابىت شاشىپ جالتىراپ كوزگە ۇرادى. مىنە بۇل كۇز بوياۋى _ جاپىراقتى ساندەگەن سارى ءتۇس.

جاۋاپتى رەداكتور: گۇلدەن ماقسات قىزى