جاس كادرلار قاتاڭ سىننان سۇرىنبەي ءوتۋى كەرەك

  • كەلۋ قاينارى: ىلە گازەتى
  • 03:40:41 24/11/2017

    باس شۋجي شي جينپيڭ كادرلار قوسىنى قۇرىلىسىنا، اسىرەسە، جاس كادرلاردى تاربيەلەۋگە باستان–اياق نازار اۋدارىپ كەلدى. 2013–جىلى ماۋسىمنىڭ 28–كۇنى شي جينپيڭ مەملەكەتتىك ۇيىمداستىرۋ قىزمەتى ماجىلىسىندە سويلەگەن سوزىندە بىلاي دەدى: تانىمى ايقىن، كومەسكى قابىلەتى زور، دامۋ بولاشاعى بار جاس كادرلارعا مىندەت ارقالاتۋعا باتىل بولىپ، ولاردى جوسپارلى تۇردە شىنىقتىرۋ كەرەك. بۇل تۇردەگى شىنىقتىرۋ فورما بولىپ قالماۋى، الدىن الا ءوسىرۋ نىساناسى بولماعان جاعدايدا، ءتۇرلى قىزمەت ورنىندا ۇزاق ۋاقىت شىنىقتىرۋ، جاس كادرلاردى اماليات بارىسىندا ءىرى ىستەردى دە، قيىن ىستەردى دە ارقالاي الاتىن، جاعداي جاقسى كەزدە دە، ناشار كەزدە دە كەڭ پەيىل بولۋعا شىنىقتىرۋ كەرەك. جاس كادرلار جاپالى قىزمەت ورىندا قىزمەت ەتۋگە، نەگىزگى ساتىعا بارۋعا قىزعىندىلىقپەن كىرىسۋى ءارى ونى داڭق دەپ ءبىلۋى ءتيىس.

    جاس كادرلاردى نەگىزگى ساتىعا جىبەرۋدىڭ زايىرى قانداي ماڭىزى بار؟ بۇنى ءتۇسىنۋ ءۇشىن «جاس كادرلار قاتاڭ سىننان سۇرىنبەي ءوتۋى كەرەك» دەگەن ماقالانى وقىپ كورۋلەرىڭىزگە ۇسىنامىز.

    مىناداي ءبىر اڭگىمە بولعان. كەزىندە ەكى ءتۇپ قامىس بولىپتى. ءبىر ءتۇبى سىبىزعى جاساۋعا، ەندى ءبىر ءتۇبى كيىم جايۋعا ىستەتىلىپتى. كيىم جايۋعا ىستەتىلەتىنى سىبىزعى جاسايتىن قامىسقا مويىنسال بولماي: «ءبىز ەكەۋىمىز دە ۇقساس ءبىر تاۋدىڭ قامىسى بولا تۇرا مەن نە ءۇشىن ءار كۇنى كۇنگە قاقتالىپ تۇرامىن، تۇككە تۇرعىسىزبىن، ال سەن كەرىسىنشە، باعالىسىڭ؟»،–دەيدى. سوندا سىبىزعى: «بۇل سەنىڭ جاي عانا وڭدەلۋدەن، ال مەنىڭ سان رەتكى مۇقيات وڭدەلۋدەن وتكەندىگىمنەن»،–دەيدى.

    ۇقساس تاۋدىڭ ەكى ءتۇپ قامىسىنىڭ بىرەۋىنىڭ مەرەيى ءوسىپ جولى بولدى دا، ەندى بىرەۋىنىڭ قۇنى ءتۇسىپ، بولاشاعى بۇلىڭعىر تارتتى. ەكەۋىنىڭ تاعدىرىنداعى پارىق ارقىلى «سىننان ءوتۋدىڭ» تەرەڭ ءمانىن تۇسىنۋگە بولادى. ماسەلەگە تاعى ءبىر جاعىنان ۇڭىلسەك، قازىرگى جاس كادرلار شارت–جاعداي جاقسى بولسا ءوز ارتىقشىلىعىن ساۋلەلەندىرىپ، قۇلاشىن سەرمەپ العا ىلگەرىلەي الادى، ال بىرەر قيىندىق پەن ساتسىزدىككە جولىعا قالسا، «سىننان» وتە الماي، سوڭىندا كيىم جاياتىن قامىس سەكىلدى تاعدىرعا تاپ بولادى.

    «سىننان ءوتۋ» دەگەنىمىز ءوزىن مۇقيات شىنىقتىرۋ، بار پەيىلمەن باۋلۋ، كومەسكى قابىلەتتى ەڭ جوعارى شەككە دەيىن مۇمكىندىگىنشە اشۋدى كورسەتەدى. «سىننان ءوتۋ» _ ءبىر ءتۇرلى تالپىنىس، وزىندىك قاسيەت، جاقسى ادەت. جاس كادرلار جونىنەن ايتقاندا «سىننان ءوتۋ» بارىسىندا تەكسەرىپ كورەتىنىمىز _ وسكەلەڭ تالپىنىستاعى يدەيالىق دەڭگەي، تولعاناتىن جەرىمىز _ اۋەلگى ماقساتتى ۇمىتپاۋ سىندى ساياسي تاباندىلىق، جەتىلدىرەتىنىمىز _ ۇزدىكسىز كەمەلدەندىرەتىن ۇستالىق رۋح. «سىننان» وتە الماعان تىرشىلىكتىڭ كەتەۋى كەتەرى حاق.

جاۋاپتى رەداكتور: جازيرا بولاتباي قىزى