قىزمەت اترەتى ەگىنشى مالشىلاردى اۋقاتتانۋعا باستادى

  • كەلۋ قاينارى: ءتاڭىرتاۋ تورابى
  • 10:29:21 25/11/2017

     ەركىنعازى احىمەتباي ۇلى حابارلايدى. بيىل جىل باسىندا كۇيتۇن قالاسىنان كەگەنشي اۋىلىنىڭ توبەباستاۋ قىستاعىنا تۇسكەن «ۇعىسۋ، تيىمدىلىك جاساۋ، توعىستىرۋ» قىزمەت اترەتى ورتالىقتىڭ، اۆتونوميالى رايوننىڭ جانە ىلە وبلىستىق پارتكوم مەن كۇيتۇن قالالىق پارتكومىنىڭ كەدەيلىكتەن قۇتىلدىرۋدان قامال الۋ قىزمەتى جونىندەگى ورنالاستىرۋلارىن دايەكتى تياناقتاندىرىپ، سۇيىسپەنشىلىكپەن، جاۋاپكەرلىكپەن نەگىزگى ساتىعا ءتۇسىپ، ءىس جۇزىندىكتى تياناق ەتىپ، كەدەيلەردى دالمە – ءدال سۇيەمەلدەۋ، كەدەيلىكتەن دالمە – ءدال ارىلتۋ جوسپارىن اتقارىپ، ەگىنشى، مالشىلاردى اۋلا شارۋاشىلىعىن دامىتۋعا، ءوز ەرەكشەلىگىن ساۋلەلەندىرىپ كاسىپ اشۋعا باستاپ، ولاردىڭ ەڭبەك ىستەۋ ارقىلى اۋقاتتانۋدىڭ تىڭ جولىن اشۋىنا، دوڭگەلەك داۋلەتتى قوعامعا قادام تاستاۋىنا كومەكتەستى.

    قىزمەت اترەتى قىستاققا تۇسكەننەن كەيىن، حالىق جاعدايىن ۇعىسۋدى ماڭىزدى قىزمەت رەتىندە مىقتى يگەرىپ، تەكسەرۋ - زەرتتەۋ جۇرگىزۋ، كوللەكتيۆ اڭگىمە جيىنىن اشۋ، وتباسىلارىن ارالاۋ سىندى تاسىلدەر ارقىلى قىستاقتاعى ەگىنشى، مالشىلاردىڭ ناقتىلى احۋالىن يەلەپ، ولاردى تاۋىق باعۋ، كوكونىس ەگۋ ارقىلى اۋلا شارۋاشىلىعىن دامتىپ، كىرىسىن ارتتىرۋعا باستاپ، كىرىس كوزىن كەڭەيتۋگە جول اشتى.

    كۇيتۇن قالاسىنان كەگەنشي اۋىلىنىڭ توبەباستاۋ قىستاعىنا تۇسكەن قىزمەت اترەتىنىڭ ورىنباسار باستىعى جەڭىس ءاشىم ۇلى ەگىنشى، مالشىلاردى تاۋىق باعۋعا قالاي باستاعاندىقتارىن بىلايشا اڭگىمەلەدى: «ءبىزدىڭ قىزمەت اترەتىمىز بيىل 25 – قاڭتاردا وسى قىستاققا كەلگەننەن كەيىن، ەڭ الدىمەن وتباسىلارىن ارلاپ، قىستاقتىڭ جالپى جاعدايىمەن تانىستىق. وسى توبەباستاۋ قىستاعىندا 144 وتباسى، 495 جان سانى بار. ءبىز وتباسىلارىن ارالاپ جاعداي ۇعىسقاننان كەيىن، ءاربىر وتباسىنىڭ ناقتىلى احۋالىنا نەگىزدەلە وتىرىپ، كاسىپتەنۋ جولىنا باستاپ، تاۋىق باعاتىن كەڭ اۋلاسى بار، شارت - جاعدايى ۇيلەسىمدى 22 وتباسىنا تاۋىق باعۋدىڭ پايداسىن، كىرەتىن كىرىستى جىڭىشكەلىكپەن ءتۇسىندىرىپ، تاۋىق باعىپ، كىرىس كىرگىزۋگە جۇمىلدىرىپ، ولاردىڭ شوجە، جەم ساتىپ الۋىنا جول كورسەتىپ، شوجەنى باعۋ بارىسىنداعى قيىنشىلىقتارىن شەشۋگە كومەكتەستىك. 22 وتباسىنىڭ الدى 500 شوجە ارتى 200 دە 300 شوجە ساتىپ الىپ، باعىپ قاتارعا قوسىپ، بازارعا سالىپ، الدى 25 مىڭ يۋان ارتى 10 نەشە مىڭ يۋان كىرىس كىرگىزىپ، كىرىستەرىن ارتتىرىپ، جالعاستى تاۋىق باعىپ، باعىمشىلىق كاسىبىن دامىتۋ سەنىمدەرىن بەكەمدەي ءتۇستى».

    قازىرگە دەيىن، كەگەنشي اۋىلىنىڭ توبەباستاۋ قىستاعىنداعى ەڭ تومەنگى تۇرمىستى قامتاماسىزداندىرۋ قارجىسىن الاتىن 24 وتباسنىڭ 13 وتباسى دالمە-ءدال سۇيەمەلدەۋ ساياساتىنىڭ ارقاسىندا كىرىس كىرگىزۋ جولىن تاۋىپ، ەڭ تومەنگى تۇرمىستى قامتاماسىزداندىرۋ قارجىسىن المايتىن بولىپ، اۋقاتتانۋ جولىنا ءتۇستى.

جاۋاپتى رەداكتور: گۇلدەن ماقسات قىزى