وبلىستىق ءتارتىپ تەكسەرۋ كوميتەتى ۇيرەنۋ مەن قولدانۋدى بىرلەستىرىپ، پارتيا 19 _ قۇرىلتايىنىڭ رۋحىن دايەكتىلەندىردى

  • كەلۋ قاينارى: ىلە گازەتى
  • 03:32:00 06/12/2017

   

  ءتىلشىمىز شيە لۇڭ حابارلايدى. جەلتوقساننىڭ 1–كۇنى وبلىستىق ءتارتىپ تەكسەرۋ كوميتەتى 16–رەتكى تاماشا ستيلدى دارىپتەۋ ساباقحانا لەكسياسىن جانە پارتيا 19–قۇرىلتايىنىڭ رۋحىن ۇيرەنۋ، دايەكتىلەندىرۋ قيمىلىن وتكىزدى. بۇل قيمىلعا وبلىستىق ءتارتىپ تەكسەرۋ كوميتەتىنىڭ ورگان قىزمەتكەرلەرى مەن پەنسياعا شىققان كادرلارى، وبلىسقا توتە قاراستى ءار دارەجەلى ءتارتىپ تەكسەرۋ گرۋپپاسىنىڭ كادرلارى جانە اۋدان–قالالاردىڭ ءتارتىپ تەكسەرۋ كوميتەتى كادرلارىنىڭ ۋاكىلدەرى قاتىناستى.

    قيمىل بارىسىندا كوپشىلىك پارتيا 19–قۇرىلتايىنىڭ رۋحىن ءتۇسىندىرۋ جونىندەگى ەلەكترلى وقىتۋ كەسكىنىن كورىپ، پارتيا 19–قۇرىلتايىنىڭ بايانداماسى مەن شي جينپيڭنىڭ جاڭا ءداۋىر جۇڭگوشا سوتسياليزم يدەياسى جونىندە ءتىپتى دە جۇيەلى تانىمعا يە بولدى. ءبىر ءبولىم ءتارتىپ تەكسەرۋ كادرلارى مەن پەنسياعا شىققان ساقا جولداستار وزدەرىنىڭ ءىس جۇزىندىگىمەن بىرلەستىرىپ ۇيرەنۋ اسەرلەرىن سويلەدى. جياڭسۋدان شينجياڭعا جۇمساق ەنگىزۋ بويىنشا ۇسىنىس ەتىلگەن دارىندى ۋاڭ حاييان «جاڭا ءداۋىر جاعدايىندا دەلو قاراۋ قىزمەتىن قالاي كۇشەيتۋ كەرەك» اتتى تاقىرىپتا ارناۋلى لەكسيا جاسادى.

    85 جاستاعى پەنسياعا شىققان كادر گۋان چۋيىڭ ءوزىنىڭ باس شۋجي شي جينپيڭنىڭ پارتيا 19–قۇرىلتايىندا جاساعان بايانداماسىن مۇقيات ەستىپ شىققاندىعىن، 19–قۇرىلتايدا باياندالعان بولاشاق جوسپاردى ەستىپ قاتتى اسەرلەنگەنىن ايتىپ، پەنسياعا شىققانىنا ۇزاق ۋاقىت بولسا دا توڭىرەگىندەگى جولداستارعا پارتيانىڭ باعىت–ساياساتتارىن بەلسەندىلىكپەن ۇگىتتەيتىندىگىن، سونىمەن بىرگە، ولاردىڭ «بەس تانىم» يدەياسىن نىعايتىپ، كوپشىلىكتى ۇلتتار ىنتىماعىن كۇشەيتۋگە باستاپ، جۇڭحۋا ۇلتتارىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا ۇلەس قوساتىندىعىن ءبىلدىردى.

    قۇلجا قالالىق ءتارتىپ تەكسەرۋ كوميتەتىنىڭ كادرى پاريدا نۇرمامەت: «19–قۇرىلتاي بايانداماسى پارتيا قۇرىلىسىنا ناقتى شەشىم–ورنالاستىرۋ جاساپ، ءتارتىپ تەكسەرۋ كوميتەتىنىڭ كادرلارىنا تىڭ تالاپتار قويدى، پارتيا 19–قۇرىلتايىنىڭ رۋحىن دايەكتى تياناقتاندىرۋدىڭ ەڭ جاقسى ءتاسىلى _ ءتارتىپ تەكسەرۋ كادرىنىڭ مىندەتى مەن بورىشىن ەستە بەرىپ ساقتاپ، ساياسي ءتارتىپ پەن ساياسي قاعيدانى ماڭداي الدى مىندەت رەتىندە قاراپ، ءتارتىپتى قاتاڭ اتقاراتىن ادال قورعاۋشى بولۋ» دەدى.

جاۋاپتى رەداكتور: جازيرا بولاتباي قىزى