ساۋان اۋدانى 19 - قۇرىلتاي رۋحىن جەتەكشى ەتىپ، ارىنداي العا ۇمتىلىپ، ءوندىرىس تەبىنىن ارتتىردى

  • كەلۋ قاينارى: ىلە گازەتى
  • 03:27:25 07/12/2017

    ەرىكتى ءتىلشى چىن جۇنفەي حابارلايدى. جۋىقتان بەرى ساۋان اۋدانىنىڭ ءارقايسى كاسىپورىندارى پارتيا 19-قۇرىلتايىنىڭ رۋحىن ىشكەرىلەي ۇيرەنۋ، ۇگىتتەۋ، دايەكتىلەندىرۋ ورلەۋىن جاپپاي كوتەرىپ، بارشا پارتيا مۇشەلەرى، كادرلار مەن قىزمەتشىلەر پارتيا 19-قۇرىلتايىنىڭ بايانداماسىن زەيىن قويا ۇيرەنىپ، اۋەلگى نۇسقاسى بويىنشا وقۋ، ءىس جۇزىندىكپەن بىرلەستىرە وقۋ، زەيىن قويا وقۋ جاعىنا تاباندى بولدى. كوپشىلىك ءبىر اۋىزدان بىلاي دەدى: شي جينپيڭنىڭ جاڭا داۋىردەگى جۇڭگوشا سوتسياليزم يدەياسىمەن قارۋلانىپ، يدەيا مەن ارەكەتتى پارتيا 19 - قۇرىلتايىنىڭ رۋحى نەگىزىندە بىرلىككە كەلتىرىپ، 19 - قۇرىلتاي رۋحىن قىزمەتتىڭ ءار قايسى جاقتارىندا شىنايى تياناقتاندىرامىز.

    شينجياڭ گايرۇي ءسۇت ءونىمى شەكتى سەرىكتىگى پارتيا ياچەيكاسى باستاماشىلىق رولىن تولىق ساۋلەلەندىرىپ، پارتيا 19 - قۇرىلتايىنىڭ بايانداماسىن توپتىق ۇيرەنىپ، باسشى كادرلار ءوندىرىس جانە ساۋدا -ساتىق ىستەرىنىڭ الدىڭعى شەبىنە بارىپ، پارتيا ساباعىنان ۇگىت لەكسيا جاساۋ، ۇگىت تاقتاسىن شىعارۋ، ارناۋلى تاقىرىپتىق ءماجىلىس اشۋ سياقتى فورمالارمەن پارتيا 19-قۇرىلتايىنىڭ رۋحىن ىشكەرىلەي ۇيرەنۋ، ۇگىتتەۋ، دايەكتىلەندىرۋ قيمىلىن ورىستەتتى. «ءبىز 19-قۇرىلتاي رۋحىن جەتەكشى ەتىپ، ارىنداي العا ۇمتىلىپ، ءوندىرىس تەبىنىن ارتتىرىپ، كەزەكتە كاسىپورىننىڭ ءونىم مولشەرىن كۇنىنە 100 تونناعا جەتكىزدىك. كەلەرگى قادامدا ءبىز ۇزدىكسىز قۇلشىنىپ، پارتيا 19-قۇرىلتايىنىڭ رۋحىن ىشكەرىلەي، تولىق ۇيرەنىپ عانا قالماستان، جۇمىسشى - قىزمەتشىلەردى باستاپ ءىس جۇزىندە قولدانىپ، كاسىپورىندى ءتىپتى دە دامىتا تۇسەمىز» دەدى شينجياڭ گايرۇي ءسۇت ءونىمى شەكتى سەرىكتىگىنىڭ پارتيا ياچەيكا شۋجيى، ورىنباسار ديرەكتورى يان - ۋ.

    شينجياڭ رۇي - لۇڭ اۋىل شارۋاشىلىعىن دامىتۋ شەكتى سەرىكتىگىنىڭ ازىقتىق - ماي ءونىمى تارماق سەرىكتىگىندەگى پارتيالى كادرلار مەن جۇرتشىلىق اراسىندا پارتيا 19-قۇرىلتايىنىڭ بايانداماسى كۇشتى اڭىس قوزعادى. بۇل كاسىپورىن پارتيالى كادرلار مەن قىزمەتشىلەردى پارتيا 19-قۇرىلتايىنىڭ رۋحىن ۇيرەنۋگە كوپ رەت ۇيىمداستىرىپ، ۇيرەنۋ ماتەريالى، قولفون سياقتى الۋان فورمالارمەن كاسىپورىنداعى قىزمەتشىلەردىڭ ۇيرەنۋىنە قولايلىلىق جاراتىپ، كاسىپورىنداعى جۇمىسشى - قىزمەتشىلەردىڭ پارتيا 19-قۇرىلتايىنىڭ رۋحىن ىشكەرىلەي ءتۇسىنۋى مەن ناقتى يگەرۋىنە كەپىلدىك ەتتى. «پارتيا 19-قۇرىلتايىنىڭ بايانداماسى جىگەر - قايراتىمىزدى تاسقىنداتتى، ءبىز پارتيا 19-قۇرىلتاي رۋحىنىڭ جەتەكشىلىگىندە ءوندىرىستى مىقتى يگەرىپ، ساۋان اۋدانىنىڭ ەكونوميكاسىنىڭ دامۋىنا ءتيىستى ۇلەس قوساتىنىمىزعا كامىل سەنەمىز ءارى وعان قۋاتىمىز جەتەدى» دەدى شينجياڭ رۇي - لۇڭ اۋىل شارۋاشىلىعىن دامىتۋ شەكتى سەرىكتىگى ازىقتىق - ماي ءونىمى تارماق سەرىكتىگى اكىمشىلىك ءبولىمىنىڭ مەڭگەرۋشىسى ياڭ ۋيدۇڭ.

    «ءبىز ۇزدىكسىز نەگىزگى ساتىعا، كاسىپورىنعا، الدىڭعى شەپكە ىشكەرىلەي بارىپ، پارتيا 19-قۇرىلتايىنىڭ رۋحىن كاسىپورىنداعى ءاربىر كادر -قىزمەتشىنىڭ كوكەيىنە ۇيالاتىپ، بارشا كادر-قىزمەتشىگە 19-قۇرىلتاي رۋحىنىڭ ءمانىن ىشكەرىلەي جەتكىزەمىز» دەدى ساۋان اۋداندىق ساۋدا - ينفورماتسيا كوميتەتى كەڭسەسىنىڭ مەڭگەرۋشىسى ۋ ياڭ.

جاۋاپتى رەداكتور: جازيرا بولاتباي قىزى