پارتيا 19-قۇرىلتايىنىڭ رۋحى كاسىپورىندارعا دەيىن جەتكىزىلدى

  • كەلۋ قاينارى: ءتاڭىرتاۋ تورابى
  • 05:51:04 08/12/2017

   

  گۇلنار عازەز قىزى، ءبيسارا عازەز قىزى حابارلايدى. 4 - جەلتوقسان كۇنى قوبىقسارى موڭعۇل اۆتونوميالى اۋداندىق ساۋدا جانە ەكونوميكا ينفورماتسيالاۋ كوميتەتى باس شۋجي شي جينپيڭنىڭ «پارتيانىڭ نەگىزى نەگىزگى ساتىدا» دەگەن ماڭىزدى نۇسقاۋىنىڭ رۋحى بويىنشا، پارتيا 19-قۇرىلتايىنىڭ رۋحىن كاسىپورىندارعا دەيىن جەتكىزىپ، ۇگىتتەۋگە كەپىلدىك ەتىپ، اۋداندىق پارتيا مەكتەبىنىڭ باستىعى جۋ حۇڭجى جولداستى شۇيڭكۋاڭ توبى شينجياڭ ساۋىر ەنەرگيا بايلىق شەكتى سەرىكتەستىگىنە بارىپ، پارتيا 19 - قۇرىلتايىنىڭ رۋحىن جەتكىزۋ ۇگىت - لەكسياسىن جاساۋعا ۇسىنىس ەتتى. بۇل رەتكى ۇگىت - لەكسياعا اۋداننىڭ ورىنباسار اكىمى لي بين، ساۋدا جانە ەكونوميكا ينفورماتسيالاۋ كوميتەتىنىڭ باستىعى جۋاڭ جانتاۋ، شۇيڭكۋاڭ توبى شينجياڭ ساۋىر ەنەرگيا بايلىق شەكتى سەرىكتەستىگىندەگى بارلىق قىزمەتشىلەر قاتىناستى. ۇگىت - لەكسيانى تىڭداعاننان كەيىن، كاسىپورىن كادرلارى ءبىر-بىرلەپ بۇل رەتكى لەكسيا ارقىلى پارتيا 19 - قۇرىلتايى جونىندەگى تۇسىنىكتەرىنىڭ ءتىپتى دە ارتا تۇسكەندىگىن، بۇدان كەيىن قۇرىلتاي رۋحىن جالعاستى ۇيرەنىپ، ۇلى نىسانانى ورىنداۋعا ءبىر كىسىلىك ۇلەس قوساتىندىقتارىن ءبىلدىردى.

    شۇيڭكۋاڭ توبى شينجياڭ ساۋىر ەنەرگيا بايلىق شەكتى سەرىكتەستىگىنىڭ سەكراتارى ۋان گىنۋي بىلاي دەدى: «پارتياعا، ۇكىمەتكە كوپتەن - كوپ راقىمەت، قۇرىلتاي رۋحىن نەگىزگى ساتىعا دەيىن جەتكىزۋ ارقىلى ءبىزدىڭ قۇرىلتاي رۋحىن ونان ارى جەتە تۇسىنۋىمىزگە وتە تاماشا شارت - جاعداي جاراتىپ بەردى. بۇدان بىلاي كاسىپورىننىڭ وندىرىسىندە ءارقاشان ءىس - ارەكەتىمىز بەن يدەيامىزدى پارتيا 19-قۇرىلتايىنىڭ رۋحىمەن بىرلىككە كەلتىرىپ، قىزمەت امالياتى بارىسىندا شارۋاشىلىقتى ساپالاندىرىپ، ءوندىرىس دارەجەسىن ونان ارى جوعارىلاتىپ، كاسىپورىننىڭ باسەكەلىك قۋاتىن ءتىپتى دە كۇشەيتىپ، كاسىپورىن دامۋىنىڭ ومىرشەڭدىك قۋاتىن نىعايتىپ، قوبىقسارى اۋدانىنىڭ ەكونوميكاسىنىڭ دامۋى مەن قوعام ورنىقتىلىعىءۇشىن تىنباي ەڭبەك ەتەمىز».

    تىلشىلەردىڭ قىزمەت ورنى: قوبىقسارى موڭعۇل اۆتونوميالى اۋداندىق ساۋدا جانە ەكونوميكا ينفورماتسيالاۋ كوميتەتى

جاۋاپتى رەداكتور: جازيرا بولاتباي قىزى