وبلىستىق ساياسي كەڭەس پارتيا 19 – قۇرىلتايىنىڭ رۋحىن ۇيرەنۋ، دايەكتىلەندىرۋ جونىندە 4 – رەت ارناۋلى تاقىرىپتىق لەكسيا وتكىزدى

  • كەلۋ قاينارى: ىلە گازەتى
  • 04:44:51 08/12/2017

    ساياسي كەڭەس قىزمەتىندە جاڭا جاعداي جاراتايىق

    

    ءتىلشىمىز سۋ مين حابارلايدى. وبلىستىق ساياسي كەڭەس جەلتوقساننىڭ 5 – كۇنى پارتيا 19 – قۇرىلتايىنىڭ رۋحىن ۇيرەنۋ، دايەكتىلەندىرۋ جونىندە 4 – رەت ارناۋلى تاقىرىپتىق لەكسيا وتكىزدى. لەكسيانى وبلىستىق ساياسي كەڭەس پارتگرۋپپاسىنىڭ ورىنباسار شۋجيى، وبلىستىق ساياسي كەڭەستىڭ ءتوراعاسى سەرجان ۇعىباي ۇلى جاسادى.

    وبلىستىق ساياسي كەڭەستىڭ ورىنباسار ءتوراعاسى ليۋ كىحۋا لەكسيا ءماجىلىسىن باسقاردى. ورىنباسار ءتوراعالارى گۇلبارشىن سەرىكباي قىزى، جالەلدىن كامال، سونداي – اق وبلىستىق ساياسي كەڭەستىڭ ورىنباسار ءتوراعاسىنىڭ كانديداتى ليۋ چيڭحۋا لەكسياعا قاتىناستى.

    لەكسيادا «پارتيا 19 – قۇرىلتايىنىڭ رۋحىن ىشكەرىلەي ۇيرەنىپ جانە ۇعىنىپ، ساياسي كەڭەس قىزمەتىنىڭ جاڭا جاعدايىن جاراتۋ» نەگىزگى تاقىرىپ ەتىلىپ، وتكەن 5 جىلداعى تاريحي جەتىستىكتەر مەن تاريحي وزگەرىستەردى، جۇڭگوشا سوتسياليزمنىڭ جاڭا داۋىرگە وتكەنىن، جاڭا داۋىردەگى ەلىمىز قوعامىنىڭ باستى قايشىلىعىنىڭ وزگەرگەنىن، «قوس ءجۇز جىلدىق» كۇرەس نىساناسىنىڭ ستراتەگيالىق ورنالاستىرۋىن تەرەڭ ءتۇسىنۋ، باس شۋجي شي جينپيڭنىڭ ۇيتقىلىق ورنى مەن پارتيا ورتالىق كوميتەتىنىڭ بەدەلىن باتىل قورعاۋ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن بۇلجىتپاي دايەكتىلەندىرۋ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، ساياسي كەڭەس قىزمەتىنىڭ جاڭا جاعدايىن قۇلشىنا جاراتۋ سىندى جەتى جاقتان پارتيا 19 – قۇرىلتايىنىڭ رۋحى ىشكەرىلەي ءتۇسىندىرىلدى.

    پارتيا 19 – قۇرىلتايى بايانداماسىنداعى حالىق ساياسي ءماسليحات كەڭەسى قىزمەتىنە قويىلعان تىڭ تالاپتارعا ساي سەرجان ۇعىباي ۇلى ساياسي كەڭەس قىزمەتىنىڭ ءىس جۇزىندىگىمەن بىرلەستىرە وتىرىپ، جاراسىمدىلىق پەن ورنىقتىلىقتىڭ جاڭا جاعدايىن جاراتۋ ءۇشىن زەيىن – زەردەنى شوعىرلاندىرۋ؛ رەفورما مەن دامۋدىڭ جاڭا جاعدايىن جاراتۋ ءۇشىن اقىل – كەڭەس بەرۋ؛ حالىق تۇرمىسىن جاقسارتۋدىڭ جاڭا جاعدايىن جاراتۋ ءۇشىن ۇلەس قوسۋ؛ ۇلتتار ىنتىماعىنىڭ، ءدىن جاراسىمدىلىعىنىڭ جاڭا جاعدايىن جاراتۋ ءۇشىن بەلسەندى رول اتقارۋ؛ يدەولوگيا سالاسى قىزمەتىنىڭ جاڭا جاعدايىن جاراتۋ ءۇشىن ابزالدىق رولدى ساۋلەلەندىرۋ؛ ەكولوگيانىڭ تاماشا جاڭا جاعدايىن جاراتۋ ءۇشىن اقىل كورسەتۋ، قىزمەت وتەۋ سىندى 6 جاقتان بۇدان بىلايعى قىزمەتتەردى ويداعىداي ىستەۋ جونىنەن ناقتى تالاپتاردى العا قويدى.

    وبلىستىق ساياسي كەڭەستىڭ مۇشەسى، ىلە دەنساۋلىق ساقتاۋ، جوسپارلى تۋىت ىستەرىن باقىلاۋ، زاڭ اتقارۋ مەكەمەسىنىڭ باستىعى ءسالىم يمىن _ ۇدايى 3 كەزەك سايلانعان ساقا ساياسي كەڭەس مۇشەسى. ول ارناۋلى لەكسيانى تىڭداعاننان كەيىن مىنانى ءبىلدىردى: دەنساۋلىق ساقتاۋ، جوسپارلى تۋىت سالاسىنىڭ كادرى بولۋ سالاۋاتىممەن بايانداما رۋحىن ويداعىداي ۇيرەنۋمەن بىرگە، ونى تياناقتاندىرۋدى مىقتى يگەرىپ، 2018 – جىلعى قىزمەت جوسپارىن ويداعىداي جاساپ، دەنساۋلىق ساقتاۋ، جوسپارلى تۋىت ىستەرىن باقىلاۋ، زاڭ اتقارۋ قىزمەتىن ءتىپتى دە ويداعىداي ىستەيمىن.

    وبلىستىق ساياسي كەڭەستىڭ مۇشەلەرى، ءىشىنارا ورگاننىڭ دەمالىسقا، زەينەتكە شىققان قارت كادرلارى جانە وبلىستىق وداق كوميتەتى، ايەلدەر بىرلەستىگى، عىلىم – تەحنيكا قوعامى سياقتى ورگانداردىڭ كادرلارى لەكسيا تىڭدادى.

جاۋاپتى رەداكتور: جازيرا بولاتباي قىزى