ارناۋلى سۇحبات: «ءبىر بەلدەۋ، ءبىر جول» دارىپتەمەسى جۇڭگو مەن قازاقستان ەكى ەل حالقىنىڭ جۇرەگىن توعىستىردى

  • كەلۋ قاينارى: حالىق تورابى
  • 18:57:48 11/12/2017

 ــ قازاقستان «اقجول» پارتياسىنىڭ ءتوراعاسى ازات پەرۋاشەۆپەن سۇحبات

 شينحۋا اگەنتتىگىنىڭ ءتىلشىسى جوۋ لياڭ

 

    حالىق تورابى، 11 – جەلتوقسان، بەيجيڭ. قازاقستان «اقجول» پارتياسىنىڭ ءتوراعاسى ازات پەرۋاشەۆ تاياۋدا جۇڭگو اقپارات بىرلەستىگىنىڭ سۇحباتىن قابىلداعان كەزدە بىلاي دەدى: «ءبىر بەلدەۋ، ءبىر جول» دارىپتەمەسى − ەڭ ماڭىزدى وڭىرلىك دامۋ دارىپتەمەسىنىڭ ءبىرى، قازاقستان مەن جۇڭگونىڭ ەكونوميكاسىنىڭ دامۋىن ىلگەرىلەتىپ عانا قالماستان، ەكى ەل حالقىنىڭ جۇرەگىن توعىستىرۋدا دا كورنەكتى ناتيجە بايقاتتى.

    «بىزشە <ءبىر بەلدەۋ، ءبىر جول> دارىپتەمەسى جول بويىنداعى ٵرقايسى مەملەكەتتىڭ مۇددەسىنە بۇكىلدەي سايكەسەتىن بولىپ، ٵرقايسى ەلدىڭ دامۋىنا ومىرشەڭدىك كۇش سيلادى. ەگەر سول ەلدىڭ مۇددەسىنە سايكەسپەسە نەمەسە بۇكىلدەي پايداسىز بولسا، وندا بۇل دارىپتەمەنىڭ كوپتەگەن ەلدەر جاعىنان سونشاما قولداۋ تاپپاس ەدى» دەدى ازات پەرۋاشەۆ.

    ول بىلاي دەدى: «ءبىر بەلدەۋ، ءبىر جول» دارىپتەمەسى قازاقستاننىڭ پرەزيدەنتى نازاربايەۆتىڭ «نۇرلى جول» جاڭا ەكونوميكالىق ساياساتىمەن جالعاسىم تاۋىپ، قازاقستاننىڭ نەگىزدىك جابدىقتارىن وسىزامانداندىرىپ جاساۋىنا، جاڭادان كاسىپ كوزىن اشۋىنا، سونداي – اق جالپى ەكونوميكاسىنىڭ دامۋىندا ەرەكشە ماڭىزدى رول اتقاردى.

    ازات پەرۋاشەۆ بىلاي دەدى، قازىر جۇڭگولىق كوپتەگەن قارجى قوسۋشىلار قازاقستانعا ات باسىن بۇرۋدا، كەيبىرى بۇرىن – سوڭدى بولماعان ءداستۇرلى سالادان وزگە سالالارعا قارجى قوسۋدا، مىسالى دايار كەسپە ٶندىرىسى قاتارلىلار. «ءبىر بەلدەۋ، ءبىر جول» دارىپتەمەسىنىڭ تياناقتاندىرىلۋىمەن، كوپتەگەن قازاقستان كاسىپورىندارى پايدا كوردى، ولار ءتىپتى دە كوپ جاڭا تەحنيكا، جاڭا مانەرلەۋ جانە جاڭا جابدىقتارعا قول جەتكىزۋ ورايىنا يە بولدى.

    ونىڭ قاراۋىنشا، بۇل جىلدارى جۇڭگو مەن قازاقستاننىڭ ەكونوميكالىق بايلانىسى كۇن سايىن قويۋلاسا ءتۇسىپ عانا قويماي، ەكى ەل حالقىنىڭ جۇرەگى دە بارعان سايىن توعىسا تۇسۋدە. قازاقستان ٵنشىسى ديماشتىڭ جۇڭگودا تانىلۋى، جۇڭگوعا بارىپ وقيتىن قازاقستان جاستارىنىڭ بارعان سايىن كوبەيۋى... بۇنىڭ بارلىعى «ءبىر بەلدەۋ، ءبىر جول دارىپتەمەسىنىڭ» تياناقتاندىرىلۋىنىڭ، جۇڭگو مەن قازاقستاننىڭ بارىس – كەلىسنىڭ ەكونوميكالىق ىنتىماقتاستىق جاعىندا شەكارا اتتاعان دامۋ بولىپ عانا قالماستان، جۇرت جۇرەگىن توعىستىرۋدا دا كورنەكتى رول اتقارعاندىعىن بىلدىرەدى.

    ازات پەرۋاشەۆ بىلاي دەدى: جۇڭگو الەم ەكونوميكاسىندا بارعان سايىن ماڭىزدى رول اتقارۋدا، جۇڭگو ۇكىمەتىنىڭ مەملەكەتتىڭ ەكونوميكاسىنا بولعان باسقارۋ قابىلەتى «ءبىزدى ءتانتى ەتتى». جۇڭگونىڭ ەكونوميكالىق تۇلعاسى ۇلكەن بولعانىمەن، ءبىراق جۇڭگو ۇكىمەتى قاتىستى ساياساتتاردى ۇنەمى ۋاعىندا، يكەمدى، تۋرا ورتاعا قويىپ، جۇڭگو ەكونوميكاسىندا بايقالعان ماسەلەلەردى شەشەدى. «جۇڭگومەن كورشى ەل رەتىندە، ءبىز جۇڭگونىڭ مۇنداي دامۋ تابىسى ءۇشىن قۋانامىز».

جاۋاپتى رەداكتور: گۇلدەن ماقسات قىزى