مالشىلاردىڭ باقىت كورسەتكىشىن جوعارىلاتۋعا قۇلشىندى

  • كەلۋ قاينارى: ىلە گازەتى
  • 04:00:02 14/12/2017

    جارقىن نۇرابىلدا ۇلى (ءوز ءتىلشىمىز)

    

    جۋىق جىلداردان بەرى پارتيانىڭ حالىق تۇرمىسىن جاقسارتۋ ساياساتىنىڭ جەبەۋىندە ىلە وزەنى اڭعارىنداعى ماڭىزدى مال شارۋاشىلىق بازاسى سانالاتىن، 6 ميلليون 892 مىڭ مۋ جايىلىمى، 7 مىڭ 393 مالشى وتباسى بار كۇنەس اۋدانى مالشىلارىنىڭ ءوندىرىسى مەن تۇرمىسىندا وراسان زور وزگەرىستەر، تىڭ دامۋ جارىققا شىقتى.

    وتىرىقتانۋ مالشىلار تۇرمىسىن وڭادى

    اۋداندىق مال شارۋاشىلىق، مال شيپاگەرلىك مەكەمەسىنەن ۇعىسۋىمىزشا، كۇنەس اۋدانى مالشىلاردى وتىرىقتاندىرۋ، جارتىلاي وتىرىقتاندىرۋ قىزمەتىنە 1990 -جىلداردان باستاپ كىرىسىپ، 2003 - جىلدان 2005 -جىلعا دەيىنگى ارالىقتا بۇل قىزمەتتى جوعارى ورلەۋگە كوتەرىپ، 2 مىڭ 850 مالشى وتباسىنىڭ ءتيىمدى ساياساتتان پايدالانىپ وتىرىقتانۋىنا مۇمكىندىك جاراتىپتى. وسى وتىرىقتانعان ءاربىر وتباسى باسپانا جانە قورا - قالتقى قۇرىلىسى ءۇشىن ۇكىمەتتىڭ 50 مىڭ يۋان ءتيىمدى قاراجاتىنان يگىلىكتەنىپتى. ال 2016 - جىلدان 2017 -جىلعا دەيىن اۋدان بويىنشا 550 مالشى وتباسى ءتۇرلى ءتيىمدى ساياساتتىڭ ارقاسىندا وتىرىقتانىپ، اۋداننىڭ مالشىلاردى وتىرىقتاندىرۋ مىندەتى سوڭعى مارەسىنە جەتىپتى. وتىرىقتانۋ مالشىلاردىڭ ءوندىرىس تاسىلىنە، كىرىسىن ارتتىرۋعا جانە كوزقاراسىنا وراسان زور وزگەرىستەر سيلاپتى. ولاردىڭ مەملەكەتتىڭ ءتيىمدى ساياساتىنا ءۇن قوسۋ، اسىل تۇقىمدى مال ءوسىرۋ، جايىلىم ەكولوگياسىن قورعاۋ، عىلمي جولمەن مال باعۋ جاعىنداعى تۇسىنىكتەرى تەرەڭدەپ، بەلسەندىلىكتەرى جوعارىلاپتى. ماسەلەن، بۇرىندارى مالشىلار نەگىزىنەن قىس بويى مالدى دالا جايىلىسىنا شىعاراتىندىقتان، مالىنىڭ كۇيى كەتىپ، ءتول ەرۋى تومەندەيتىن جاعدايلار ورىن تەپكەن. ال قازىر باسىم كوپ مالشى وتىرىقتانعان وڭىرلەرىندە جىلى قورادا جەتەرلىك جەم - ءشوپ قورىمەن مالىن كۇيلى، شىعىنسىز باعاتىن بولىپتى. مۇنىمەن قوسا 2 -، 3 -كاسىپپەن شۇعىلداناتىندارىنىڭ دا قاتارى مولايىپ، ەت، ءسۇت سىندى مال شارۋاشىلىق ونىمدەرىن بازارعا سالۋعا، ساياحاتپەن شۇعىلدانۋعا بەيىمدەلىپ، قالتالارىن قالىڭداتۋىنا، وزگەلەردىڭ وزىق مادەنيەتىن قابىلداۋىنا وراي تۋىلىپتى.

    كوش جولى جاسالىپ كوڭىل جاي تاپتى

    جۋىق جىلداردان بەرى نارات قالاشىعىنىڭ قونجان جايلاۋىنداعى كوش جولى مەن كوپىرلەر ۇقساماعان دارەجەدە بۇلىنگەندىكتەن، مالشىلاردىڭ ءوندىرىسى مەن تۇرمىسىنا كوپ قولايسىزدىقتار تۋدىرىپ كەلگەن. ۇستەگى جىلى مالشىلار تىلەگىنە ساي قونجان جايلاۋىنداعى 45 كيلومەتر كوش جولى، 92 ۇلكەندى -كىشىلى كوپىر قايتادان جاسالىپ، جوندەلدى. مىنە، بۇل كۇنەس اۋدانىنىڭ ۇستەگى جىلى شارۋالار ءۇشىن تىندىرعان ماڭىزدى شارۋاسىنىڭ ءبىرى. كۇنەس اۋدانىنداعى 51 مال شارۋاشىلىق اكىمشىلىك قىستاعىنداعى كوش جولىن جوندەۋ مالشىلاردىڭ ۇزاقتان كۇتكەن ارمانى ەدى. ويتكەنى وسى مال شارۋاشىلىق وڭىرلەرىندەگى قىستاۋ، كوكتەۋ، جايلاۋ، كۇزەۋگە جانە وتىرىقتانۋ تۇيىندەرىنە باراتىن كەيبىر جولدار تۇتاسپاعان، كەي بولەكتەرى ۇقساماعان دارەجە بۇلىنگەن. كەشەگى كۇنى مەملەكەتتىك تاۋ ورمان مەكەمەسى اعاش ماتەريالدارىن تاسىمالداۋ قاجەتىنە ساي بۇل كوش جولدارىن جاساپ، پايدالانىپ كەلگەن - دى.

جاۋاپتى رەداكتور: جازيرا بولاتباي قىزى