تارتىمدى تالقى، ءماندى جارىس

  • كەلۋ قاينارى: ىلە گازەتى
  • 04:05:48 14/12/2017

    تالقىنىڭ باستالۋ سالتىن ىلە وبلىستىق قارتتار دەنەتاربيە قوعامىنىڭ ءتوراعاسى ساكەن ورمان ۇلى باسقاردى ءارى بۇل جولعى قيمىلدىڭ ماڭىزى، ماقساتى، وتكىزىلۋ بارىسى مەن ءتارتىپ - ەرەجەلەرى جونىندە ماڭىزدى ءسوز سويلەدى، ىلە - شالا«دويبى ويىنىنىڭ ەرەجەسى»، «شۆەتساريانىڭ ءنومىر قورىتىندىلاۋ اينالما جارىس ءتۇزىمى»، «زاكۇتكە وتىرعانعا قوسىمشا ءنومىر قوسۋدىڭ ءتورت ءتۇرلى شاراسى» سياقتى دويبى ويىنىنىڭ نازاريالىق بىلىمدەرىنەن ناقتى مىسالدار كەلتىرە وتىرىپ، جۇيەلى لەكسيا جاسادى. ارالىقتا تالقى ورىستەتىلىپ، جەر - جەردەن كەلگەن دويبى شەبەرلەرى وزدەرىنىڭ قۇندى كوزقاراستارى مەن ۇسىنىس - پىكىرلەرىن ورتاعا سالدى. التاي ايماعىنان كەلگەن دويبى شەبەرى نۇرتازا تاۋىربەك ۇلى: «ءار ەلدىڭ دەنەتاربيە ويىن تۇرلەرى دە ءار ءتۇرلى بولادى. ال ءبىز وسى دويبى ويىنىن جەرگىلىكتى ورىنداعى ءوزىمىزدىڭ ەجەلگى شارت - جاعدايىمىزعا ساي كوڭىل سەرگىتۋ ويىنى رەتىندە قولدانىپ، بىردەن - بىرگە جالعاپ، ونى حالىقتىڭ اسىل مۇراسىنا اينالدىرعانىمىز بۇلجىماس شىندىق. ەندەشە ۇرپاقتان ۇرپاققا جالعاسقان وسى ءداستۇرلى ويىن ءتۇرىمىزدىڭ مازمۇنىن ءبىز بۇدان بىلاي ءتىپتى دە بايىتىپ، كولەمىن كەڭەيتۋگە شىنايى كۇش سالۋىمىز كەرەك»، - دەدى.

    توعىزتاراۋ اۋدانىنان كەلگەن رايون جانابىل ۇلى: «ادامداردىڭ ويلاۋ قابىلەتىن ارتتىرىپ، اناليز جاساۋ قۋاتىن جوعارىلاتۋدا ەرەكشە رول اتقاراتىن ءداستۇرلى دويبى وينىمىزدىڭ ءىزىن وشىرمەي قولداپ - قۋاتتاعان پارتيا مەن ۇكىمەتكە، اسىرەسە، ىلە وبلىستىق قارتتار دەنەتاربيە قوعامىنا شىنايى راقىمەت ايتامىن. ءبىزدىڭ توعىزتاراۋ اۋدانىنان 2015- جىلى قازاق، حۇيزۋ سىندى ەكى ۇلتتان قۇرام تاپقان 43 ادامدىق قارتتار دەنەتاربيە قوعامى قۇرىلعان بولاتىن. اۋداندىق پارتكوم مەن حالىق ۇكىمەتى، اۋداندىق مادەنيەت - دەنەتاربيە، راديو - كينو - تەلەۆيزيا مەكەمەسى تەك 2017 - جىلدىڭ وزىندە 2 رەت كەڭ كولەمدى قازاق دويبى جارىسىن وتكىزىپ بەردى. قازىر بۇل يگى باستاما اۋىل - قىستاقتاردا وتكىزىلەتىن توي - تومالاقتاردا نەگىزىنەن جالپىلاسا باستادى. 2016 - جىلى ىلە سىفان شۋەيۋانى جاعىنان وتكىزىلگەن دويبى جارىسىندا ءبىزدىڭ قوعامىمىز كوللەكتيۆ 1 - دارەجەلى، ال جارىسقا قاتىناسقان ءبىر شاباندوزىمىز 2 - دارەجەلى سيلىقتىڭ يەگەرى بولدى. قازىر بايقاسام، وسى دويبى ويىنىنىڭ «دويبى» اتاۋى مەملەكەت تىلىنە اۋدارىلعاندا ءار ءتۇرلى فورمادا اۋدارىلىپ ءجۇر. سوندىقتان مادەنيەت قايراتكەرلەرى مەن دەنەتاربيە ماماندارىنىڭ وسى ءبىر اتاۋدى دۇرىس ارناعا ءتۇسىرىپ، دويبى وينىنىڭ شىنايى ءمانىن اشاتىنداي ەتىپ اۋدارتىپ، قاتىستى ورىنداردىڭ ساراپتاۋىنان وتكىزىپ، بۇل يگى ءىسىمىزدىڭ كوسەگەسىن ءتىپتى دە كوگەرتە تۇسسەك دەگەن ويدامىن»،- دەدى.

    موڭعۇلكۇر اۋدانىنان كەلگەن بەكسۇلتان ازانبەك ۇلى:

    «وتىز ەكى شاھارى بار ەكى دۋان،

    جيىرما ءتورت ۇلى بار ءبىر كۇن تۋعان.

    ءبارى دە جاقسىلىققا تالاسادى،

    ىشىنەن انت ۇرعان بىرەۋ تۋعان. - دەگەن وسى ءبىر بالا كۇنىمدە حالىقتان ۇيرەنگەن دويبىعا قاتىستى ولەڭ جولى ەسىمدە ءجۇر.

جاۋاپتى رەداكتور: جازيرا بولاتباي قىزى