تارتىمدى تالقى، ءماندى جارىس

  • كەلۋ قاينارى: ىلە گازەتى
  • 04:05:48 14/12/2017

ءدال وسىنداي حالىق جۇرەگىنەن تەرەڭ ورىن العان وسى ءبىر كيەلى ويىن ءتۇرىمىزدى كاسىپ ەتىپ جۇرگەن ازاماتتار مەن مادەنيەت ماماندارىنا ايتارىم، وسى ءبىر ويىن ءتۇرى جونىندە اۋىزدا ايتقاندى امالياتتا ىسكە اسىرىپ، كوپتەپ ىزدەنىس جاساپ، اسىرەسە، وسى ونەر تۋرالى گازەت - جۋرنالداردا قۇندى - قۇندى ماقالالار جاريالاپ، ءجونى كەلسە دويبى ويىنىن جۇيەلى ارناعا تۇسىرگەن عىلمي كىتاپتار شىعارىلسا ءبىز ءۇشىن ۇلكەن وقۋلىق بولار ەدى»، - دەدى. وسىدان سوڭ جالپى 9 كوماندادان قۇرام تاپقان 27 دويبى شاباندوزى ەكى - ەكىدەن جۇپتاسىپ، ءاربىرى 7 كەزەكتەن جالپى 91 مايدان شەشۋشى دويبى ويناۋ باسەكەسىنە ءتۇستى. سوڭىندا تورەشىلدەردىڭ دۇرىس ءنومىر قويىپ سارالاۋىنىڭ ناتيجەسىندە تارباعاتاي ايماعىنان كەلگەن سامەت قالي ۇلى مەن جارقىن دولان ۇلى 1- دارەجەلى، التاي، تارباعاتاي ايماقتارى مەن نىلقى، توعىزتاراۋ اۋداندارىنان كەلگەن ءومىرۇزاق ءتالىپ ۇلى، مىرزاقان قابىلسەيىت ۇلى، ىدىرىس قاتارلىلار 2- دارەجەلى، ىلە وبلىسى مەن التاي ايماعى جانە موڭعۇلكۇرە اۋدانىنان كەلگەن قاھارمان زينال ۇلى، باقىت تەمىرقان ۇلى، بەكسۇلتان ازانبەك ۇلى، ادۋباي اۋعانباي ۇلى قاتارلىلار 3- دارەجەلى، ال التاي، تارباعاتاي ايماقتارى مەن نىلقى، توعىزتاراۋ، موڭعۇلكۇرە اۋداندارى، ىلە وبلىسىنىڭ 1- 2- كومانداسى، كۇنەس، تەكەس اۋداندارى جەكە - جەكە ۇزدىك كوللەكتيۆ، ۇزدىك كوماندا سيلىقتارىنىڭ يەگەرى بولدى.

    سوڭىندا ساكەن ورمان ۇلى بۇل جولى وتكەن ءماندى دە ءساندى ءبىر كۇندىك قيمىلدىڭ قورىتىندى ءسوزىن سويلەپ، الىس - جاقىننان كەلگەن جولداستارعا ءوزىنىڭ جۇرەك جاردى لەبىزىن ءبىلدىردى. سونداي - اق دويبى ويىنىن بۇدان بىلاي جۇيەلى ارناعا ءتۇسىرۋ، دامىتۋ ءارى كەمەلدەندىرۋ ءۇشىن، ءسوزسىز، «شۆەتساريانىڭ ءنومىردى قورىتىپ اينالما جارىس تۇزىمىنە» ساي جۇرگىزۋىمىزدىڭ كەرەك ەكەندىگى جونىندەگى قۇندى تالاپتاردى ورتاعا قويدى.

    توعىزتاراۋ اۋدانىنىڭ حۇيزۋ تۇرعىنى يە جىجيان: «مەن بالا كەزىمنەن باستاپ توعىزتاراۋ اۋدانىنىڭ اعارسىن اۋىلىندا قازاق شارۋالارىمەن بىرگە ءوستىم. ولاردىڭ قاي - قايسىسى بولسا دا مەنىمەن اعا - ىنىدەي تاتۋ - ءتاتتى ءوتتى. مەن اۋىلدا وتكىزىلگەن ءتۇرلى قيمىلدار مەن توي - تومالاقتاردا ولارمەن ۇنەمى بىرگە بولىپ، قازاق ۇلتىنىڭ ءداستۇرلى ويىن تۇرلەرىنىڭ ءبىرى بولعان وسى دويبى وينىن قازاق باۋىرلارىمنىڭ قاسىنان قالماي ەرىپ ءجۇرىپ ۇيرەنىپ، وسى ونەرگە قىزىقتىم. سويتە ءجۇرىپ وسى ونەردىڭ قىرى مەن سىرىنا قانىق بولدىم. اۋەلى اۋداندىق قارتتار دەنەتاربيە قوعامىنىڭ دا مۇشەسى بولدىم. بۇل مەن ءۇشىن الىپ ايتقاندا ۇلكەن قۋانىش، زور باقىت. بۇل ۇلتتار ىنتىماعىنىڭ كۇشەيىپ، ۇلتتار اراسىنداعى مادەني اۋىس - كۇيىسىمىزدىڭ جاقسارعاندىعىنىڭ بەلگىسى، - دەدى.

    ەركىن سۇلتانوۆ (ءوز ءتىلشىمىز)

جاۋاپتى رەداكتور: جازيرا بولاتباي قىزى