شوكىرات زاكىر شينجياڭ ۋنيۆەرسيتەتىندە پارتيا 19 - قۇرىلتايىنىڭ رۋحى جونىندە ۇگىت - لەكسيا جاساعاندا جۇڭگوشا سوتسياليستىك شينجياڭ قۇرۋدىڭ تاريحي بورىشىن سانالىلىقپەن ارقالاۋدى باسا دارىپتەدى

  • كەلۋ قاينارى: شينجياڭ گازەتى تورابى
  • 04:22:04 14/12/2017

  

  ءتىلشىمىز يۋان لەي 12 - جەلتوقساندا ۇرىمجىدەن حابارلايدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر 12 - جەلتوقساندا شينجياڭ ۋنيۆەرسيتەتىنە كەلىپ، 1000نان استام وقىتۋشى - وقۋشى ۋاكىلدەرىنە پارتيا 19 - قۇرىلتايىنىڭ رۋحى جونىندە ۇگىت - لەكسيا جاسادى. ول بىلاي دەپ باسا دارىپتەدى: پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل تياناقتاندىرىپ، 19 - قۇرىلتايدىڭ بايانداماسىنداعى وقۋ - اعارتۋدى دامىتۋ جونىندەگى يدەيانى اۆتونوميالى رايونىمىزدىڭ وقۋ - اعارتۋ قىزمەتىندە شىنايى دايەكتىلەندىرىپ، تياناقتاندىرىپ، جۇڭگوشا سوتسياليستىك شينجياڭ قۇرۋدىڭ تاريحي بورىشىن سانالىلىقپەن ارقالاۋ كەرەك.

    شوكىرات زاكىر پارتيا 19 - قۇرىلتايىنا قاتىناسۋ بارىسىنداعى ءتول اسەرىمەن جانە ۇيرەنۋ اسەرىمەن ۇشتاستىرىپ، قالىڭ وقىتۋشى - وقۋشىلارعا قۇرىلتايدىڭ ءساليقالى ءساتى مەن ماڭىزدى ءمانىن تانىستىردى، جاڭا باستامادا تۇرۋ، جاڭا داۋىرگە ءوتۋ، جاڭا يدەيانى دايەكتىلەندىرۋ، جاڭا قايشىلىقتى شەشۋ، جاڭا نىسانانى جۇزەگە اسىرۋ، جاڭا بەت - بەينەنى ايگىلەۋ سياقتى 6 جاقتى ءتۇيىندى تۇردە ارقاۋ ەتە وتىرىپ، اۆتونوميالى رايونىمىزدىڭ ەكونوميكالىق، قوعامدىق دامۋ جاعدايىمەن جانە جاس وقۋشىلاردىڭ يدەيا، ۇيرەنۋ ءىس جۇزىندىگىمەن ۇشتاستىرىپ، پارتيا 19 - قۇرىلتايى بايانداماسىنىڭ ۇشان - تەڭىز، باي مازمۇندى، مايەكتى ءمانى مەن يدەيالىق جاۋھارىنا ەگجەي - تەگجەيلى تۇسىنىك جاسادى. ول بىلاي دەدى: پارتيا 19 - قۇرىلتايى پارتيا مەن مەملەكەتتىڭ دامۋ تاريحىندا ءداۋىر بولگىشتىك، بەلەستىك مانگە يە، 19 - قۇرىلتايدىڭ بايانداماسى قازىرگى جانە بۇدان بىلايعى ءبىر مەزگىلدەگى پارتيا مەن مەملەكەت ىستەرى دامۋىنىڭ باس باعدارلاماسى، بەتالىسقا، ۇزاق بولاشاققا ساياتىن ارەكەت باعدارناماسى سانالادى. كەزەكتە اۆتونوميالى رايوندىق پارتكوم، ۇكىمەت 19 - قۇرىلتاي رۋحىنىڭ شينجياڭدا تۇبەگەيلى تياناقتانىپ، مول جەمىس بەرۋىنە شىنايى كەپىلدىك ەتۋ ءۇشىن، پارتيا 19 - قۇرىلتايىنىڭ رۋحىن دايەكتىلەندىرۋدى ارقاۋ ەتىپ، شينجياڭنىڭ بولاشاقتىق دامۋ جوباسى مەن جوسپارىن عىلمي جاساۋدا.

    ءبىز 19 - قۇرىلتايدا جوبالانعان ۇلى جوسپار تۇرعاندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگى تۇرعاندا، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭعا قامقورلىق جاساپ، كوڭىل ءبولىپ، شينجياڭداعى ءار ۇلت حالقى ىنتىماقتاسا العا ىلگەرىلەگەندە، وتە - موتە، ءبىلىمدى، مۇراتتى، العا قويعان نىساناسى بار، جالىندى جاس ۇرپاق قۇلشىنا ءىس تىندىرۋعا كىرىسكەندە، شينجياڭنىڭ كەلەشەگىنىڭ، ءسوز جوق، اناعۇرلىم نۇرلى بولاتىندىعىنا كامىل سەنەمىز.

    شوكىرات زاكىر بىلاي دەپ اتاپ كورسەتتى: ستيل قۇرىلىسىن بۇلجىتپاي كۇشەيتىپ، 19 - قۇرىلتاي بايانداماسىنداعى وقۋ - اعارتۋدى دامىتۋ جونىندەگى يدەيانى اۆتونوميالى رايونىمىزدىڭ وقۋ - اعارتۋ قىزمەتىندە دايەكتىلەندىرۋ، تياناقتاندىرۋ كەرەك. وقۋ - اعارتۋ، سونداي - اق مەكتەپ قىزمەتى جونىنەن العاندا، ەڭ باستى مىندەت − ءبىلىم بەرىپ، ادام تاربيەلەۋ. وقۋشىلاردى پارتياعا ادال، مەملەكەتكە ادال، حالىققا ادال، مىنەز - قۇلقى اقاۋسىز، ءبىلىم - مادەنيەتى مول، جاۋاپكەرشىلىك ارقالايتىن جارامدى دارىندى ەتىپ تاربيەلەپ شىعۋ كەرەك. ماماندىق قۇرىلىمعا جانە قۇرىلىمدىق ورنالاسۋعا لايىقتى رەتتەۋ جۇرگىزىپ، اۆتونوميالى رايونعا اناعۇرلىم كوپ جوعارى ساپالى، ماماندانعان دارىندىلاردى تاربيەلەپ بەرۋ كەرەك.

جاۋاپتى رەداكتور: گۇلدەن ماقسات قىزى