پارتيا 19 - قۇرىلتايىنىڭ رۋحىن ۇيرەنۋگە قاتىستى كىتاپتار رايونىمىزدا ءوتىمدى بولدى

  • كەلۋ قاينارى: شينجياڭ گازەتى تورابى
  • 06:11:37 15/12/2017

 

    ءتىلشىمىز لي لي 13 - جەلتوقساندا ۇرىمجىدەن حابارلايدى. ءتىلشىنىڭ اۆتونوميالى رايوندىق شينحۋا كىتاپ دۇكەنىنەن ۇعىسۋىنشا، پارتيا 19 - قۇرىلتايىنىڭ رۋحىن ۇيرەنۋگە قاتىستى كىتاپتار رايونىمىزداعى ءار ۇلت كادرلارى مەن بۇقاراسىنىڭ قىزۋ قارسى الۋىنا يە بولىپ، تيانشاننىڭ تۇستىگى مەن تەرىستىگىندە ءوتىمدى بولعان. 10 - جەلتوقسان ساعات 12گە دەيىن، رايونىمىزدا پارتيا 19 - قۇرىلتايىنىڭ رۋحىن ۇيرەنۋگە قاتىستى حانزۋ تىلىندەگى 6 ءتۇرلى كىتاپتىڭ جالپى تيراجى 2 ميلليون 616 مىڭ 100گە جەتكەن، 12 - جەلتوقسان ساعات 17گە دەيىن، رايونىمىزدا پارتيا 19 - قۇرىلتايىنىڭ رۋحىن ۇيرەنۋگە قاتىستى ۇلتتىق تىلدەگى 6 ءتۇرلى كىتاپتىڭ جالپى تيراجى 823 مىڭ 500گە جەتكەن.

    12 - جەلتوقسان تۇستەن كەيىن، ءتىلشى اۆتونوميالى رايوندىق شينحۋا كىتاپ دۇكەنىنىڭ شينحۋا وسىزامان كىتاپ سارايىنا بارىپ، 19 - قۇرىلتايعا قاتىستى ارناۋلى كىتاپ سورەسىنىڭ قاسىندا كوپتەگەن وقىرماننىڭ كىتاپ وقىپ، كىتاپ ساتىپ الىپ، پارتيا 19 - قۇرىلتايىنىڭ رۋحىنا قاتىستى كىتاپتاردى سۇراستىرىپ جاتقانىن كوردى. شينجياڭ ۋنيۆەرسيتەتى گۋمانيتارلىق ينستيتۋتىنىڭ 4 - جىلدىق وقۋشىسى چىن شيڭدۇڭ «جۇڭگو كوممۋنيستىڭ پارتياسى ۋستاۆىنان» 13 كىتاپ ساتىپ الدى. ول: مەكتەپتىڭ قاسىنداعى كىتاپ دۇكەنىنەن «جۇڭگو كوممۋنيستىك پارتياسى ۋستاۆىنان» تەك 2 كىتاپ عانا شىقتى، ساباقتاستارىما دا ساتىپ الا بارۋ ءۇشىن، ءبىرشاما ۇلكەن شينحۋا وسىزامان كىتاپ سارايىنا كەلدىم، - دەدى.

    ۇعىسۋعا قاراعاندا، اۆتونوميالى رايوندىق شينحۋا كىتاپ دۇكەنى پارتيا 19 - قۇرىلتايىنىڭ رۋحىن ۇيرەنۋگە قاتىستى كىتاپتاردى جەتكىزۋگە جاۋاپتى ارناۋلى ادام، ارناۋلى اۆتوكولىك ورنالاستىرعان. ءبىر كىتاپ الساڭىز دا ۇيىڭىزگە دەيىن جەتكىزىپ بەرەدى. ساناققا نەگىزدەلگەندە، قازىرگە دەيىن تەك يان - ان جولىنداعى شينحۋا وسى زامانعى كىتاپ سارايىنىڭ وزىنەن پارتيا 19 - قۇرىلتايىنىڭ رۋحىن ۇيرەنۋگە قاتىستى حانزۋشا، ۇيعۇرشا، قازاقشا كىتاپتاردان 118 مىڭ 850 كىتاپ ساتىلعان.

    ۇعىسۋعا قاراعاندا، اۆتونوميالى رايوندىق پارتكوم ۇگىت ءبولىمىنىڭ، اۆتونوميالى رايوندىق اقپارات - باسپا ءسوز، راديو، كينو، تەلەۆيزيا مەكەمەسىنىڭ تالابى بويىنشا، نەگىزگى ساتىداعى كادرلار مەن بۇقارانىڭ پارتيا 19 - قۇرىلتايىنىڭ رۋحىن ۇيرەنۋگە قاتىستى كىتاپتاردى دەر كەزىندە وقۋىنا، ۇيرەنۋىنە مۇمكىندىك جاراتۋ ءۇشىن، اۆتونوميالى رايوندىق شينحۋا كىتاپ دۇكەندەرى شينجياڭ شينحۋا باسپا زاۆودىنا ارناۋلى ادام جىبەرگەن، پارتيا 19 - قۇرىلتايىنىڭ رۋحىن ۇيرەنۋگە قاتىستى كىتاپتار باسپادان باسىلىپ شىعىسىمەن، اۆتونوميالى رايوندىق شينحۋا كىتاپ دۇكەنىنىڭ قىزمەتكەرلەرى ءبىر شەتىنەن قوراپتاپ، اۆتوكولىككە تيەپ جونەلتكەن. اۆتونوميالى رايوندىق شينحۋا كىتاپ دۇكەنى ۇشاقپەن، ارناۋلى اۆتوكولىكپەن، پويەزبەن تاسۋ سياقتى كوپ ءتۇرلى ادىستەردەن پايدالانىپ، پارتيا 19 - قۇرىلتايىنىڭ رۋحىن ۇيرەنۋگە قاتىستى كىتاپتاردى شينجياڭنىڭ جەر - جەرىنە ەڭ تەز قارقىنمەن جەتكىزۋدە ەكەن.

جاۋاپتى رەداكتور: گۇلدەن ماقسات قىزى