شي جينپيڭ 71 - ارميا قۇراماسىن كوزدەن كەشىرگەندە پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى اسكەر جاتتىقتىرۋ، سوعىسقا دايىندالۋ قىزمەتىن بار كۇشپەن العا ىلگەرىلەتۋدى باسا دارىپتەدى

  • كەلۋ قاينارى: ىلە گازەتى
  • 03:32:52 19/12/2017

    شينحۋا اگەنتتىگىنىڭ 14 - جەلتوقساندا جياڭسۋدىڭ شۇيجوۋ قالاسىنان بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 13 - جەلتوقساندا 71 - ارميا قۇراماسىن كوزدەن كەشىردى. ول بىلاي دەپ باسا دارىپتەدى: بۇكىل ارميا پارتيا 19 - قۇرىلتايىنىڭ رۋحىن مۇقيات ۇيرەنىپ، دايەكتىلەندىرىپ، جاڭا داۋىردە پارتيانىڭ ارميانى قۇدىرەتتەندىرۋ يدەياسىن ىشكەرىلەي ۇيرەنىپ، دايەكتىلەندىرىپ، جاڭا جاعدايداعى اسكەري ىستەر ستراتەگياسى باعىتىن دايەكتىلەندىرىپ، ارميانى ساياسي جولمەن قۇرۋعا، رەفورما ارقىلى قۇدىرەتتەندىرۋگە، عىلىم - تەحنيكا ارقىلى گۇلدەندىرۋگە، زاڭمەن جونگە سالۋعا تاباندى بولىپ، نازاردى سوعىس دايىندىعىنا، سوعىس جۇرگىزۋگە شوعىرلاندىرىپ، ارميا قۇراماسى قۇرىلىسىن باسقارۋ مەن سوعىس جۇرگىزۋدە كادەگە جاراتۋدىڭ ەرەكشەلىكتەرىن، زاڭدىلىقتارىن يگەرىپ، ارميانى تۇلەتۋ قۇرىلىسىن تىڭعىلىقتى العا ىلگەرىلەتىپ، جەڭىسكە جەتۋ قابىلەتىن جاپپاي جوعارىلاتىپ، پارتيا مەن حالىق جۇكتەگەن جاڭا داۋىردەگى بورىشتى، مىندەتتى ويداعىداي ادا ەتۋ كەرەك.

    قىس باسىنداعى حۋايحاي دالاسى، كەڭ كوسىلگەن قۇتتى الاپ، كەنىشتى جەردەن وزگەشە تىرشىلىك تىنىسى بايقالادى. تۇستەن كەيىنگى ساعات 4 مولشەرىندە شي جينپيڭ 71 - ارميا قۇراماسىنىڭ بەلگىلى بريگاداسىنا كەلىپ، الدىمەن، ۋاڭ جيە جولداس كوزىنىڭ تىرىسىندە تۇرعان روتاداعى كوماندير - جاۋىنگەرلەرگە امانداستى. ۋاڭ جيە − وتكەن عاسىردىڭ 60 - جىلدارىندا توپ جارىپ شىققان ۇلى كوممۋنيزمشىل جاۋىنگەر، ول جانىنداعى 12 حالىق جاساعى مەن حالىق قارۋلى ءبولىمى كادرىنىڭ ءومىرىن قورعاۋ ءۇشىن داڭقپەن قۇربان بولىپ، بۇكىل پارتيانىڭ، بۇكىل ارميانىڭ، بۇكىل قوعامنىڭ ۇيرەنۋ ۇلگىسىنە اينالعان بولاتىن. شي جينپيڭ ۋاڭ جيە كوزىنىڭ تىرىسىندە تۇرعان روتانىڭ داڭق بولمەسىن ارالاپ كوردى. ۋاڭ جيەنىڭ ەسەيىپ - ەرجەتۋ بارىسىن بەينەلەگەن سۋرەتتەر، قاھارماننىڭ وسكەلەڭ رۋحىن ايگىلەگەن كۇندەلىكتەر، قۇرمەت جالاۋلارى پارتيا مەن حالىقتىڭ قاھارمانعا دەگەن العىسى مەن ماداعىن اڭعارتادى. شي جينپيڭ مۇقيات كورىپ، ءالسىن - ءالى كىدىرىپ، قاتىستى جاعدايلاردى سۇراستىردى. ۋاڭ جيەنىڭ داڭق پەن العا باسۋعا دۇرىس مامىلە ۇستانعاندىعىن تانىستىراتىن تاقتانىڭ الدىندا شي جينپيڭ اسەرلى بەينەدە: ۋاڭ جيەنىڭ «داڭق جاعىندا سۇرانباۋ، مامىلە جاعىندا سۇرانباۋ، زاتتىق جاقتا سۇرانباۋ» سىندى «ءۇشتى سۇرانباۋى» اينا ىسپەتتى، كوممۋنيستەر وسى ايناعا جاقسىلاپ قاراۋى كەرەك، - دەدى.

    شي جينپيڭ ۋاڭ جيەنىڭ، بىرىنشىدەن، جاپا - ماشاقاتتان قورىقپايتىن، ەكىنشىدەن، ولىمنەن قورىقپايتىن ءىس - ىزدەرىن ەگجەي - تەگجەيلى ۇعىسىپ، تەبىرەنىسپەن: بىرىنشىدەن، جاپا - ماشاقاتتان قورىقپاۋ، ەكىنشىدەن، ولىمنەن قورىقپاۋ − الىمدىلىقتىڭ، ارىندىلىقتىڭ، وجەتتىكتىڭ جاندى بەينەسى، ونى توڭكەرىستىك اسكەريلەردىڭ تەمىرقازىعىنا اينالدىرۋ كەرەك، - دەدى. شي جينپيڭ: ۋاڭ جيە رۋحى بۇرىن دا، قازىر دە، كەلەشەكتە دە ءبىزدىڭ ماڭگىلىك قىمباتتى رۋحاني بايلىعىمىز ەسەپتەلەدى، ۋاڭ جيە رۋحىن ۇيرەنۋ، امالياتتا ايگىلەۋ، ۋاڭ جيە رۋحىنىڭ جاڭا داۋىرلىك شۇعىلاسىن شۇعىلا شاشتىرا بەرۋ كەرەك، - دەپ باسا دارىپتەدى.

    روتانىڭ داڭق بولمەسىنەن شىققاننان كەيىن، شي جينپيڭ «ۋاڭ جيە وددەلەنياسىنا» كەلدى. بۇكىل وددەلەنياداعى جاۋىنگەرلەر ساپ تۇزەپ قارسى الدى، شي جينپيڭ جارقىن بەينەدە ولارمەن ءبىر - بىردەن قول الىستى. قازىرگى وددەلەنيا باستىعى ۋاڭ داماۋ شي جينپيڭگە جاۋىنگەرلەردىڭ ۋاڭ جيەنىڭ ءىسىن جالعاستىرۋشىلاردان بولۋ جاعدايىن تانىستىردى.

جاۋاپتى رەداكتور: گۇلدەن ماقسات قىزى