ەل بيلەۋدىڭ ەڭ بيىك ولشەمى − حالىقتى باقىتقا كەنەلتۋ

  • كەلۋ قاينارى: ىلە گازەتى
  • 03:17:00 21/12/2017

    گۇلنار تۇرسىن قىزى

    

    حالىق − پارتيامىزدىڭ ءتۇپ نەگىزى جانە جان تامىرى، جۇڭگو كوممۋنيستەرىنىڭ ماڭگى ويلايتىن قاۋىمى. حالىقتى تاماشا تۇرمىسقا باستاۋ − 89 ميلليوننان استام مۇشەسى بار جۇڭگو كوممۋنيستىك پارتياسىنىڭ بۇلجىماس كۇرەس نىساناسى. حالىقتىڭ ىرىسىن ۇزدىكسىز مولايتۋ − جۇڭگونىڭ دامۋىنىڭ ءتۇبىرلى ماقساتى. حالىق ەڭسە كوتەرۋدەن، ودان اۋقاتتانۋدان قۇدىرەتتەنۋگە دەيىن پارتيامىز جۇڭگو حالقىنىڭ ۇلى ارمانى تيەلگەن الىپ كەمە تولقىن جارا العا تارتىپ، شۇعىلالى جاعاعا جەڭىسپەن جول الۋىنا جەتەكشىلىك ەتىپ كەلەدى.تومەندە پارتيامىزدىڭ بيلىك سيپاتىنىڭ حالىق تۇرمىسىنىڭ بۇگىنى مەن بولاشاعىنا جاسايتىن ىقپالى جونىندە وقىرمانمەن وي بولىسپەكپىن.

    ءبىرىنشى، حالىق _ ساياسي پارتيانىڭ، بيلىكتىڭ سيپاتىن ولشەيتىن ولشەم

    5 جىلدىڭ الدىندا ەندى عانا پارتيا ورتالىق كوميتەتىنىڭ باس شۋجيى بولعان شي جينپيڭ ىقىلاستى تۇردە: «حالىقتىڭ تاماشا ومىرگە تالپىنىسى ءبىزدىڭ كۇرەس نىسانامىز» دەگەن بولاتىن، كوكتەم شۋاعىنداي جۇرت جۇرەگىن جىلىتقان وسى تۇجىرىم پارتيا 19–قۇرىلتايىنىڭ بايانداماسىنا ەنگىزىلدى. پارتيا 19–قۇرىلتايىندا: «جۇڭگوشا سوتسياليزم جاڭا داۋىرگە ءوتتى، ەلىمىز قوعامىنىڭ باستى قايشىلىعى حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەردى» دەپ اتاپ كورسەتىلدى. «حالىقتى وزەك ەتىپ، تاماشا تۇرمىسقا قادام تاستاۋدىڭ جاڭا جورىعىن باستاۋدا دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولىپ، حالىقتىڭ كۇن سايىن ارتىپ وتىرعان تاماشا تۇرمىس قاجەتىن ۇزدىكسىز قاناعاتتاندىرىپ، قوعامنىڭ تەڭدىگىن، ادىلدىگىن ۇزدىكسىز جەبەپ، حالىقتىڭ يگىلىككە كەنەلۋ سەزىمىنىڭ، باقىت سەزىمىنىڭ، حاۋىپسىزدىك سەزىمىنىڭ ءتىپتى دە كەمەلدى، ءتىپتى دە قامتاماسىز، ءتىپتى دە باياندى بولۋىنا مۇمكىندىك جاساۋ؛ كەدەيلەردى دالمە–ءدال سۇيەمەلدەۋدى، كەدەيلىكتەن دالمە–ءدال قۇتىلدىرۋدى ۇزدىكسىز ىلگەرىلەتىپ، 2020–جىلى ەلىمىزدىڭ قازىرگى ولشەمى بويىنشا اۋىل–قىستاق كەدەيلەرىن كەدەيلىكتەن قۇتىلدىرۋ نىساناسىن جۇزەگە اسىرۋ كەرەك. جاپپاي دوڭگەلەك داۋلەتتى قوعام ورناتۋدا ءبىر ميلليارد 300 ميلليوننان استام جۇڭگولىقتىڭ بىردە–ءبىرىن قاعىس قالدىرۋعا بولمايدى». باس شۋجي شي جينپيڭنىڭ جۇرەكجاردى سوزدەرى ءدال جۇڭگو جاڭا جورىعىنىڭ قۇندىلىق كوروديناتاسى بولىپ تابىلادى.

    ساناققا سۇيەنسەك، پارتيا 19–قۇرىلتايىنىڭ 30 نەشە مىڭ ارىپتىك بايانداماسىندا «حالىق» دەگەن ءسوز 200 دەن استام رەت قايتالانىپتى. دەمەك دامۋدىڭ اقىرعى ماقساتى حالىقتى تاماشا تۇرمىسقا يە ەتۋ، «حالىق» ءسوزى پارتيا ورتالىق كوميتەتىنىڭ ەل باسقارۋىنىڭ تۇتاس بارىسىنا سىڭىرىلگەن، 5 جىل ۇدىرە العا باسقان جۇڭگو دامۋدا جاڭا تاريحي بەلەسكە جەتتى، بيلىك باسىنداعى پارتيا جونىنەن العاندا، «حالىقتى وزەك ەتۋ ءالى دە ەڭ ءتۇبىرلى يدەيا»، «حالىقتىڭ تاماشا تۇرمىسى − قاي–قاشان دا ەڭ ماڭداي الدى نىسانا» بولىپ تابىلادى.

جاۋاپتى رەداكتور: جازيرا بولاتباي قىزى