جياڭسۋ ولكەسىنىڭ ىلە وبلىسىنا باعىتتامالى كومەك بەرۋ الدىڭعى شەپ قولباسشىلىق شتابى كادرلار مەن دارىندىلاردىڭ 19 - قۇرىلتاي رۋحىن ۇيرەنۋ، پىكىر الماستىرۋ ءماجىلىسىن وتكىزدى

  • كەلۋ قاينارى: ىلە گازەتى
  • 03:03:04 21/12/2017

    19 - قۇرىلتاي رۋحى ارقىلى شينجياڭعا كومەك بەرۋ قىزمەتىن ىلگەرىلەتەيىك

    

    ءتىلشىمىز شيە لۇڭ حابارلايدى. جەلتوقساننىڭ 15-كۇنى جياڭسۋ ولكەسىنىڭ ىلە وبلىسىنا باعىتتامالى كومەك بەرۋ الدىڭعى شەپ قولباسشىلىق شتابى پارتكومى شينجياڭعا كومەككە كەلگەن كادرلار مەن دارىندىلاردىڭ 19-قۇرىلتاي رۋحىن ۇيرەنۋ، پىكىر الماستىرۋ ءماجىلىسىن وتكىزدى. پىكىر الماستىرۋدان ىلگەرى شينجياڭعا كومەككە كەلگەن كادرلار مەن دارىندىلار 19-قۇرىلتاي رۋحىن ۇيرەنۋدەن العان اسەرلەرىن اڭگىمەلەدى. ماجىلىستە شينجياڭعا كومەككە كەلگەن كادرلار مەن دارىندىلار قۇرىلتاي رۋحىن ۇيرەنۋ، دايەكتىلەندىرۋ جونىندە قايتالاي اتتانىسقا كەلتىرىلدى ءارى ورنالاستىرۋ جاسالدى. شينجياڭعا كومەككە كەلگەن 16 كادر مەن دارىندى جەكە - جەكە پىكىر الماستىرىپ، لەبىز ءبىلدىردى.

    وبلىستىق پارتكومنىڭ ورىنباسار شۋجيى، جياڭسۋ ولكەسىنىڭ ىلە وبلىسىنا باعىتتامالى كومەك بەرۋ الدىڭعى شەپ قولباسشىلىق شتابى پارتكومىنىڭ شۋجيى، باس جەتەكشىسى پان داۋجين ماجىلىسكە قاتىناستى ءارى ءسوز سويلەدى.

    ماجىلىستە مىنالار اتاپ كورسەتىلدى: پارتيا 19-قۇرىلتايى رۋحىن ويداعىداي ۇيرەنۋ، دايەكتىلەندىرۋ _ قازىر جانە الداعى ءبىر مەزگىلدە جياڭسۋدان شينجياڭعا كومەككە كەلگەن ءاربىر كادر مەن دارىندىنىڭ ماڭداي الدى ساياسي مىندەتى. شينجياڭعا كومەككە كەلگەن كادرلار مەن دارىندىلار ساياسي دەڭگەيىن جوعارىلاتىپ، «ءتورت تانىمدى» كۇشەيتىپ، وي سانانى شي جينپيڭنىڭ جاڭا داۋىردەگى جۇڭگوشا سوتسياليزم يدەياسىمەن شىنايى قارۋلاندىرىپ، شينجياڭعا كومەك بەرۋ امالياتىنا جەتەكشىلىك ەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسى مەن شينجياڭعا باعىتتامالى كومەك بەرۋ قىزمەتى جونىندەگى كەلەلى شەشىمدەرىن؛ اۆتونوميالى رايوننىڭ لاڭكەستىككە قارسى تۇرىپ، ورنىقتىلىقتى قورعاۋ «كەشەندى شاراسى» مەن وبلىستىق پارتكومنىڭ شەشىم-ورنالاستىرۋلارىن باتىل دايەكتى تياناقتاندىرىپ، باس نىساناعا بولعان تانىم سانالىلىعىن، يدەيالىق سانالىلىقتى جانە ارەكەت سانالىلىعىن باستان - اياق ساقتاۋ كەرەك.

    ماجىلىستە مىنالار تالاپ ەتىلدى: شينجاڭعا كومەك بەرۋشى ءار دارەجەلى پارتيا ۇيىمدارى تىڭ تەبىن بايقاتىپ، پارتيا 19-قۇرىلتايى رۋحىن قوزعاۋشى كۇش ەتىپ، شينجياڭعا كومەك بەرۋ جاعىنداعى ءتۇرلى قىزمەتتەردى جاپپاي ىلگەرىلەتۋ كەرەك. مەملەكەتتىك 6-رەتكى شينجياڭعا باعىتتامالى كومەك بەرۋ قىزمەتى ءماجىلىسىنىڭ رۋحىن دايەكتى تياناقتاندىرۋدى جالعاستى مىقتى ۇستاپ، ىلەنىڭ ورنىقتىلىق، رەفورما، دامۋىنا قاتىستى ماسەلەلەردە دالمە-ءدال كۇش قوسۋ؛ تۇتاس جىلدىق قىزمەتتەردى مۇقيات رەتتەپ، پارىقتاردى تاۋىپ، ءتۇرلى مىندەتتەردى سان مەن ساپاعا كەپىلدىك ەتە وتىرىپ ورىنداپ، نەگىزگى ساتىنىڭ الدىڭعى شەبىنە ىشكەرىلەي ءتۇسىپ، كەلەر جىلعى شينجياڭعا باعىتتامالى كومەكتەسۋ قىزمەتىن دەر كەزىندە جوسپارلاۋ؛ پارتيا 19-قۇرىلتايى رۋحىن شينجياڭعا كومەككە كەلگەن كادرلار مەن دارىندىلاردىڭ قوسىن قۇرىلىسىندا كورنەكتىلەندىرىپ، ماڭگى بوساڭسىماي، تالماي تالپىنىس جاسايتىن رۋحاني كۇيدە باستان - اياق تاباندى بولۋ؛ شينجياڭعا كومەككە كەلگەن كادرلار مەن دارىندىلار «ءتورت بۇرىس ستيلگە» قاتىستى كورنەكتى ماسەلەلەردى ىشكەرىلەي ىزدەپ تاۋىپ، پارتيا ۋستاۆى مەن پارتيا ەرەجە - تارتىبىنە قاتاڭ بويسۇنىپ، ورتالىقتىڭ سەگىز ءتۇرلى بەلگىلەمەسى مەن اۆتونوميالى رايوننىڭ، اۆتونوميالى وبلىستىڭ ءتۇرلى قىزمەت تالاپتارىن قاتاڭ اتقارىپ، شينجياڭعا كومەككە كەلگەن كادرلار مەن دارىندىلاردىڭ ادال، پاك، جاۋاپكەرشىلىك ارقالايتىن تىڭ وبرازىن تىكتەۋ كەرەك.

جاۋاپتى رەداكتور: جازيرا بولاتباي قىزى