بەيجيڭدە وتكىزىلەتىن 2022 -جىلعى قىسقى وليمپيادا سپورت جينالىسىنىڭ بەلگىسى مەن مۇگەدەكتەر قىسقى وليمپيادا سپورت جينالىسىنىڭ بەلگىسى جاريالاندى

  • كەلۋ قاينارى: ىلە كەشى گازەتى
  • 04:23:54 21/12/2017

  

    شينحۋا اگەنتتىگى، بەيجيڭ، جەلتوقساننىڭ 15-كۇنى. جەلتوقساننىڭ 15-كۇنى بەيجيڭ مەملەكەتتىك سۋعا مالتاۋ ورتالىعىندا 2022 - جىلى بەيجىڭدە وتكىزىلەتىن قىسقى وليمپيادا سپورت جينالىسىنىڭ بەلگىسى «قىس ارمانى» مەن مۇگەدەكتەر قىسقى وليمپيادالىق سپورت جينالىسىنىڭ بەلگىسى «الىسقا سامعاۋدىڭ» جامىلعىسى اشىلىپ، جۇرتقا جاريا ەتىلدى. بەيجيڭ وليمپيادا سپورت جينالىسىن ۇيىمداستىرۋ كوميسسياسى جوعارعى ەكى بەلگىگە ۇكىمەت جاقتىڭ تۇسىنىگىن جاسادى.

    2022-جىلعى بەيجيڭ قىسقى وليمپيادا سپورت جينالىسىنىڭ بەلگىسى «قىس ارمانىن» جوبالاۋدا حانزۋشا «قىس» دەگەن ءارىپتىڭ وزىندىك ۇلگىسى جانە ودان العان شابىت نەگىزىندە جۇڭگو حاتكەرلىگى مەن كوركەمونەرىنىڭ وزىندىك استارى، سونداي-اق، شىعىس مادەنيەتىنىڭ ءداستۇرى مەن حالىقارالانعان وسىزامانعى ۇلگى ءوزارا توعىستىرىلىپ، جاڭا داۋىردەگى جۇڭگونىڭ جاڭا وبرازى، جاڭا ارمانى كورنەكتىلەندىرىلىپ، جاڭا داۋىردەگى جۇڭگونىڭ بەيجيڭ قىسقى وليمپيادا سپورت جينالىسىن ويداعىداي وتكىزىپ، دەنەتاربيەدە الۋەتتى مەملەكەت قۇرۋ ارمانىن دارىپتەۋمەن بىرگە، «300 ميلليون ادامنىڭ قار-مۇز سپورتىنا ات سالىسۋ» نىساناسىن جۇزەگە اسىرىپ، دۇنيە جۇزى قار-مۇز سپورتىنىڭ دامۋىن جەبەپ، حالىقارا وليمپيادا سپورت جينالىسى ءۇشىن تىڭ ۇلەس قوسۋ سىندى وزىندىك قۇلشىنىسى مەن تاماشا ارمانىن ايگىلەدى.

    2022-جىلعى بەيجيڭ قىسقى وليمپيادا سپورت جينالىسى بەلگىسىنىڭ ۇستىڭگى جاعىنا مۇزدا سىرعاناعان سپورتشىنىڭ بەينەسى ءتۇسىرىلىپ، استىڭعى جاعىندا قارلى دالادا شاڭعى تەپكەن سپورتشىنىڭ ايبىندى وبرازى تۇسىرىلگەن. ورتاداعى سان الۋان تۇسكە وزگەرىپ تۇراتىن جولاقتى سىزىق پەن جارىس وتكىزىلەتىن جەردەگى تاۋ، قىرقا، جارىس الاڭى، قار-مۇز سىرعىما جولدىڭ بەلگىسى مەن مەرەكەگە استار ەتىلگەن ادەمى جىبەك لەنتامەن توعىسىپ، جينالىستىڭ مەرەكەلىك ءتۇسىن ارتتىرۋمەن بىرگە، بۇل رەتكى جينالىستىڭ جۇڭگونىڭ ءداستۇرلى مەرەكەسى-شاعاندا وتەتىندىگىن بەينەلەيدى. اسىرەسە «BEIJING 2022» دەگەن بەلگىدە جۇڭگو حاتكەرلىگى مەن قاعاز قيما كوركەمونەرىنىڭ ەرەكشەلىگى تىعىز توعىستىرىلىپ، جازۋدىڭ مادەنيەت استارى مەن بەينەلىك قۋاتى، سونداي-اق، بىرلىككە كەلگەن جالپى تۇلعالىق ەرەكشەلىگى تولىق كورنەكتىلەندىرىلگەن.

    2022-جىلعى بەيجيڭ قىسقى وليمپيادا مۇگەدەكتەر جينالىسىنىڭ بەلگىسى «الىسقا سامعاۋدى» جوبالاۋدا جۇڭگونىڭ ەرەكشەلىگى مەن سپورتشىنى وزەك ەتۋ نەگىزىندە، جۇڭگو حاتكەرلىگى مەن مۇگەدەكتەر قىسقى وليمپيادا سپورت جينالىسىنىڭ ەرەكشەلىگى ورگانيكالى توعىستىرىلعان. اسىرەسە ارىپتىك ەرەكشەلىك نەگىزىندە ورشەلەنە العا ۇمتىلىپ، تابىسقا جەتۋ جولىندا تىڭ قۇلشىنىس جاساعان سپورتشىنىڭ بەينەسى كورنەكتىلەندىرىلۋمەن بىرگە، دوڭگەلەكتى ورىندىق سياقتى قىسقى وليمپيادا سپورت جينالىسىنداعى ەرەكشە جابدىقتار دا وبرازدى بەينەلەنگەن. بەلگىنىڭ ۇستىڭگى جاعى مىزعىماس قايرات، تىڭ قۇلشىنىسقا ۋاكىلدىك ەتسە، استىڭعى جاعى قايراتتانا العا ۇمتىلىپ، قيىندىقتى جەڭىپ، تابىسقا قول جەتكىزۋدى وبرازدى بەينەلەگەن. بەلگىنىڭ تۇتاس تۇلعاسىندا ۇزدىكسىز العا ۇمتىلىپ، قاجىرلىقىپەن شايقاس جاساپ، وزىندىك جىگەرىمەن دۇنيەگە شابىت سيلايتىن وليمپيادا رۋحى مەن مۇندالاپ، ايشىقتى بوياۋ، ادەمى كورىنىس، وبرازدى بەينەلەۋ ءتاسىلى ارقىلى ارمان، جىگەردەن وزىنە قانات ءبىتىرىپ، قىسقى وليمپيادا سپورت جينالىسىنىڭ اسپانىندا سامعاعان جاستىق ارمان، ىزگى تىلەك وبرازدى بەينەلەنگەن. (A1)

جاۋاپتى رەداكتور: گۇلدەن ماقسات قىزى