جاڭا جىلدىق قىسقا دەمالىستا شينجياڭ تەمىر جولىنىڭ جولاۋشىلاردى قابىلداپ-جونەلتۋ مولشەرى 420 مىڭ ادام رەتكە جەتەدى دەپ مەجەلەنۋدە

  • كەلۋ قاينارى: ءتاڭىرتاۋ تورابى
  • 05:05:57 22/12/2017

  

      2018-جىلدىڭ جاڭا جىلدىق قىسقا دەمالىس تاياپ قالدى، تەمىر جول جاڭا ءبىر كەزەكتى جولاۋشىلاردىڭ قاۋىرت مەزگىلىن قارسى الۋعا دايىندالۋدا، شينجياڭ تەمىر جول تاراۋلارى كەزەكشى پويەزدى ارتتىرۋ قاتارلى فورمالارمەن تاسىمالداۋ كولىكتەرىن ارتتىرىپ، جولاۋشىلاردىڭ ءجۇرىپ-تۇرۋىنا قولايلىلىق جاراتتى.

    19-جەلتوقساندا، ءتىلشى جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنەن ۇعىسۋىنشا، جاڭا جىلدىق قىسقا دەمالىستىڭ تاسىمال مەزگىلى 29-جەلتوقساننان 2018جىلى 1-قاڭتارعا دەيىن، شينجياڭ تەمىر جولىنىڭ جولاۋشىلاردى قابىلداپ-جونەلتۋ مولشەرى 420 مىڭ ادام رەتكە جەتىپ، مولشەرمەن ءار كۇنى 105 مىڭ ادام جونەلتىلەدى دەپ مەجەلەۋدە. بۇل وتكەن جىلداعىمەن سالىستىرعاندا 10.8 پايىز ارتىپ، جولاۋشىلاردىڭ قاۋىرت مەزگىلى 30-جەلتوقسان كۇنى باستالادى دەلىنۋدە.

    دەمالىس مەزگىلىندە، تەمىر جول تاسىمالى وقۋشىلار، ساياحاتشىلار، تۋىسشىلاپ ساپارلايتىن جولاۋشىلاردى نەگىز ەتىپ، شينجياڭ ىشىندە قۇلجا، كۇيتۇن، قۇمىل، تۇرپان، كورلا، قاشقار، حوتان قاتارلى جەرلەردە شوعىرلانعان.

جاۋاپتى رەداكتور: گۇلدەن ماقسات قىزى