قىستاقتا تۇراتىن قىزمەت اترەتىندەگى كادرلار وقۋ-وقىتۋ قىزمەتىن قولداپ مەيىر باعىشتادى

  • كەلۋ قاينارى: ءتاڭىرتاۋ تورابى
  • 05:02:32 22/12/2017

 

    شولپان سەرىك قىزى، قۇرالاي بولات قىزى حابارلايدى. جۋىردا، شيحۋ قالالىق ونەركاسىپ - ساۋدا بانكەسى، وقۋ - اعارتۋ عىلىم - تەحنيكا مەكەمەسى، جۇڭگو اۋىل شارۋاشىلىعىن دامىتۋ بانكەسىنىڭ شيحۋ قالاسىنداعى تارماق بانكەسى جانە شيحۋ قالاشىعى يجيادي قىستاعىندا تۇراتىن قىزمەت اترەتىندەگىلەر بىرلەسىپ، قىستاقتاعى بالاباقشاعا قۇنى ون مىڭ يۋانعا جۋىق بۇيىمدار ۇسىنىپ، بىرلىكتە مەيىر باعىشتادى.

    شيحۋ قالاشىعى يجيادي بالاباقشاسى بيىل شىلدەدە قۇرىلىپ، قىركۇيەكتە ىسكە قوسىلعان قىستاق دارەجەلى بالاباقشا. بۇل بالاباقشا جاڭادان قۇرىلعاندىقتان قۇرىلىستارى كەمەلسىز، قيمىل وتكىزۋگە قاجەتتى وقىتۋ قۇرالدارى كەمشىل ەدى. وسى جاعدايدان حابار تاپقان قالالىق ونەركاسىپ - ساۋدا بانكەسى، وقۋ - اعارتۋ، عىلىم - تەحنيكا مەكەمەسى، جۇڭگو اۋىل شارۋاشىلىعىن دامىتۋ بانكەسىنىڭ شيحۋ قالاسىنداعى تارماق بانكەسىنىڭ شيحۋ قالاشىعى يجيادي قىستاعىندا تۇراتىن قىزمەت اترەتىندەگى كادرلار ءوزارا سايكەسىپ، مەكەمە ورىنداردىڭ كۇشىن ساۋلەلەندىرىپ، جۇڭگو اۋىل شارۋاشىلىعىن دامىتۋ بانكەسىنىڭ شيحۋ قالاسىنداعى تارماق بانكەسى بالاباقشاداعى بالالارعا قۇنى ون مىڭ يۋاندىق ويىنشىق جانە قاجەتتى وقۋ - وقىتۋ جابدىقتارىن الىپ بەردى.

    جۇڭگو اۋىل شارۋاشىلىعىن دامىتۋ بانكەسى شيحۋ تارماق بانكەسىنىڭ ورىنباسار باستىعى جاڭ لي جۋ - ان بىلاي دەدى: «ءبىزدىڭ تارتۋ ەتكەن وقىتۋ جابدىقتارىمىز بالالاردىڭ قاجەتىنەن شىقسا بولدى ءارى مەيىربان جانداردىڭ بالالاردىڭ اقاۋسىز ەسەيىپ - ەرجەتۋىنە كوپتەپ كوڭىل ءبولۋىن ءۇمىت ەتەمىن».

 

    تىلشىلەردىڭ قىزمەت ورنى: شيحۋ قالالىق مادەنيەت - دەنە تاربيە، راديو - كينو - تەلەۆيزيا مەكەمەسى

جاۋاپتى رەداكتور: گۇلدەن ماقسات قىزى