نيگەريادا بارىمتالانعا 4 جۇڭگو ازاماتى قۇتقارىلدى

  • كەلۋ قاينارى: ىلە كەشى گازەتى
  • 04:13:07 25/12/2017

 

    جۇڭگونىڭ لاگاستا تۇراتىن باس ەلشىحاناسىنداعىلاردىڭ شينحۋا اگەنتتىگىنىڭ تىلشىسىنە ايتۋىنشا، نيگەريانىڭ باتىس وڭتۇستىك رايونىندا بارىمتالانعان 4 جۇڭگو ازاماتى جەلتوقساننىڭ 16-كۇنى نيگەريا اسكەرلەرى جاعىنان قۇتقارىلعان. جۇڭگونىڭ لاگاستا تۇراتىن باس ەلشىحاناسىنداعىلاردىڭ ايتۋىنشا، جەلتوقساننىڭ 14-كۇنى ساعات 5 مولشەرىندە 4 جۇڭگولىق بالىقشى لاگاستىڭ شىعىسىنداعى رايجي كەمەجايى ماڭىندا بالىق اۋلاپ جاتقاندا تەڭىز قاراقشىلارى جاعىنان بارىمتالانعان. تەڭىز قاراقشىلارى وتىرعان كەمە ۋىندۋ ىشتاتى جاققا قاراي جۇرگەندە سول ماڭدا شارلاپ جۇرگەن نيگەريا تەڭىز ارمياسىنىڭ پاراحودىنداعىلار جاعىنان بايقالىپ، جەلتوقساننىڭ 16-كۇنى نيگەريانىڭ اسكەري جاعى تەڭىز قاراقشىلارىمەن ۋىندۋ تەڭىز ايدىنىندا قاقتىعىسىپ، سوڭىندا 4 جۇڭگو ازاماتى قۇتقارىلعان. قازىر بارىمتالانۋ بارىسىندا جارالانعان 3 جۇڭگو ازاماتى جەرگىلىكتى ورىنداعى شيپاحانادا ەمدەلىپ جاتىپتى.

    جۇڭگونىڭ لاگاستا تۇراتىن باس ەلشىحاناسى وسىدان بۇرىن ۇقتىرۋ شىعارىپ، روجدەستۆو مەرەكەسى مەن جاڭا جىل قارساڭىندا نيگەريادا ادام بارىمتالاۋ، توناۋشىلىق جانە ۇرىلىق سياقتى زاڭعا قايشى ارەكەتتەردىڭ وربيتىندىگى سەبەپتى، شەتەلدەگى باۋىرلاستار مەن جۇڭگو قارجىلاندىرعان كاسىپورىن قىزمەتكەرلەرىنىڭ حاۋىپسىزدىككە ءباسا ءمان بەرىپ، سىرتقا از شىعۋىن، تۇندە سىرتقا شىعۋ جانە جالعىز جۇرۋدەن ساقتانۋىن قاتاڭ ەسكەرتكەن بولاتىن. (A1)

جاۋاپتى رەداكتور: گۇلدەن ماقسات قىزى